bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Ephesians 5
Ephesians 5
ibibio
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
Ikpebe Abasi sia edoññoke nditọ a-anye anekkeke ama,
2
inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.
3
Ado ke atu ndufo inaaha adinam use aba, ndedeghe uwem ndomokeed me ubịme ñkpọ, sia mme ñkpọ ami ifọnnọ ke atu ndisana ikọd Abasi.
4
Utañ ndiọi ikọ inyʌññọ ina aba, ndisịme ikọ me atañ asak, a-ammiidotto, ado yak enọ ekọọm ikpọọñ.
5
Sia ana ndufo etʌm ediọọñọ: mme anam use, ndiọi ibon me mbon ñwo, utọ awo ntodo ado akpono ndem, inieeghe udeme ke abio ubọọñ Krais, ye ake Abasi.
6
Yak awo ndomokeed akuuyaañ fiin ke ikpu-ikpu ikọ sia ato ke ntak ñkpọ ntodo iyadesịd Abasi adoro mbon ntreutọñ.
7
Ke ntodo, ikiidoñño nsaña ye ammọ.
8
Sia ini keed ko ndufo ekedoñño mbon akịm, ado idahami edoñño unwana ke Abọọñ. Idu nte nditọ unwana
9
(sia mfịd unwana asịne ke afịd mfọnido ye akpanikọ)
10
nyʌñ yem ñkpọ se inem Abọọñ esịd.
11
Kuunyʌñ unie ñkpọ ndomokeed adinam ye anana mfịd mme utom akịm, kuudịp ammọ.
12
Sia ado ata ñkpọ abuud idem aditatañ se mbon ntreutọñ esinam ke ndịbe.
13
Ado unwana ayaara anyʌñ anam ekan ekịt ukeed ñkpọ.
14
Ntak ado anam ebo: “Demme, O andidaiya, set ke ñkpa, ndin Krais ayaayamma unọ fiin.”
15
Ikpeme ndin, naña edu uwem, idooho ke unana ifiọk, ado nte mme anie ifiọk,
16
itʌm idat ufañ e-enieeghe inam ñkpọ, sia mme usen ediọi.
17
Ke ntodo ikiidoñño ndisịme, ado yak uduak Abọọñ inwaña ndufo.
18
Ikiikpa mmịn, a-asañake ye adiseppe idem. Utu ke ado, iyọghọ ye Sịbidịd.
19
Ineme ye keed aken ke mme saam, mme ikwọ Abasi, mme ikwọ Sịbidịd. Ikwọ inyʌñ ibre ikwọ ke esịd ndufo inọ Abọọñ,
20
afịd-afịd ini, inọ Abasi andido Ete ekọọm ke abaña afịd ñkpọ ke anyịñ Abọọñ ñnyịn Yisọs Krais.
21
Isuuho idem inọ keed aken ke ukpono Krais.
22
Ibaan ndọ isuuho idem inọ mme ebe ndufo, nte esuuhọ enọ Abọọñ.
23
Sia ebe ado iwuod anọ anwaan nte Krais adooho iwuod anọ ufọkabasi, idem amọ, a-anye anyʌññọ ado Andinyaaña.
24
Do ndin nte ufọkabasi asuuhọke idem anọ Krais, akpena ibaan esuuk idem ammọ enọ mme ebe ammọ ke afịd ñkpọ.
25
Mme ebe, ima ibaan ndufo, nte Krais akemaaha ufọkabasi anyʌñ akappa idem amọ anọ anye,
26
nọ anam anye ado adisana, asiooño anye mbad ke adiyet ke mmọọñ ato ke ikọ,
27
nọ anyʌñ aben anye awọt nte ufọkabasi a-ayamake, mbad isịneke, ibiomoke ndo ndomokeed, ado adisana, anyʌñ anana ndo.
28
Ke ukem usʌñ ami, ana mme ebe ema ibaan ammọ. Awo a-amaaha anwaan amọ ama idem amọ.
29
Ke aditʌm nse, awo ndomokeed akenam isuaaha idem amọ, ado anọ anye ndidia anyʌñ akama afọn, kpa nte Krais akamake ufọkabasi.
30
Sia ñnyịn ido mme ndido idem amọ.
31
“Ke ntak ami, awodeen ayaakpọñ ete ye eka amọ anyʌñ akediana ye anwaan amọ, ndin ammọ awo iba eyaekappa edo abʌk keed.”
32
Ami ado ata ndedịbe ifiọk, ado ami ntañ mbaña Krais ye ufọkabasi.
33
Kpa ye ado, awo keed-e-keed ana ama anwaan amọ nte anye amaaha idem amọ, ndin ana anwaan akpono ebe amọ.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6