1 John 1

Ika 2018 Bible

Jump to: Chapter 2 →

1Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

2Ndụn hụ pụha hụn w'e legha. Ẹnyi a hụnghọ a. Ẹnyi hụ e ku ẹ, a gwa ụnụ oku ndụn itẹbitẹ hụ ya lẹ Chuku-Nẹdi rị, hụn pụha nị ẹnyi legha a.

3Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

4Ẹnyi rị e de ihiẹn ndịnị kẹni ịghọghọ ẹnyi ile hụn ụzọ zu oke.

5Ọnwan wụ ozi hụ ẹnyi nụ ọnụ a, hụn ẹnyi rị nwan e zi ụnụ: nị Osolobuẹ wụ ukpẹ, ishi arị imẹ ẹ kaka.

6Omẹni ẹnyi sị nị ẹnyi lẹ ịya rị kanị ẹnyi hụ e bi imẹ ishi, ntụ kẹ ẹnyi rị a tụ, ẹnyi arị e gi ezioku e bi.

7Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

8Ẹnyi sị nị ẹnyi emẹni njọ, ẹnyi rị a tụ enwẹn ẹnyi ntụ, ezioku arị imẹ ẹnyi.

9Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

10Ẹnyi sị nị ẹnyi emẹni njọ, ẹnyi rị a kpọ a onyẹ-ntụ, oku ẹ arị imẹ ẹnyi.

Jump to: Chapter 2 →