2 Thessalonians 1

Ika 2018 Bible

Jump to: Chapter 2 →

1Pọlụ lẹ Sivanọsụ lẹ Timoti de ẹkụkwọ-ozini. Ẹnyi rị e dejẹnni ụka Tẹsalonika hụn rị imẹ Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi ya.

2Ẹfọma lẹ udọn hụn gha ẹka Chuku Nẹdi ẹnyi lẹ Di-nwọnni-ẹnyi Jesu Kristi bịa ya rịnị ụnụ.

3Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.

4Ya haịn ẹnyi gi e gi ụnụ a nyan isi imẹ ụka Osolobuẹ ile — nị ụnụ wuzohụkwọ, nị ụnụ kwọnkẹnmẹkwọ okukwe imẹ ukpokpo ile wẹ rị e kpokpo ụnụ, e dingbu nsọngbu ile rị a bịanị ụnụ.

5Ọ hụ a ghọsị nị okinkin-ikpe Osolobuẹ wela furu efuru; ụnụ hụzị e gi ẹ a wụrụ ndị furu ịbanye Alị-eze Osolobuẹ hụ ụnụ rị a tanị afụnfụn.

6Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

7mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

8Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

9a narịn wẹ afụnfụn hụn wụ ntikpọ itẹbitẹ, wẹ wepụgụ wẹ ebe Di-nwọnni-ẹnyi lẹ ikẹn ẹ hi ogbe rị.

10O k'e mẹ Ụhụọhịn hụ o k'a bịa. Ọ bịa ụhụọhịn hụ, ndị nsọ a jẹnkọ d'e ye ẹ mgbaye, ndị ile kwerini k'a ja a n'ọ rịka mma: ụnụ nwẹn k'a rị imẹ wẹ makẹni ụnụ rị ndị kweri oku ẹ hụn ẹnyi gwa ụnụ.

11Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

12kẹni wẹ gi ihiẹn wẹ rị a hụn ebe ụnụ rị ye ẹfan Di-nwọnni-ẹnyi Jesu mgbaye, gizi ufiri Jesu ye ụnụ ọghọ, nị Osolobuẹ lẹ Di-nwọnni-ẹnyi Jesu Kristi e yekẹni ụnụ ẹka.

Jump to: Chapter 2 →