bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Daniel 3
Daniel 3
Ika 2018 Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 4 →
1
Eze wụ Nebukadineza gi goru kpụ ihiẹn. Usue ẹ wụ ọb'ụkụ iri kwasị ọgụn-ẹnọ, akpa a wụ ọb'ụkụ itenẹi. Ọ nọ bu ẹ tumẹ alị-aradan rị Dura, Ẹgbẹrẹ Babilọnụ.
2
Ọ nọ zi wẹ d'a kpọgbama ndị Nnọkin-ẹnya eze imẹ Ẹgbẹrẹ ichẹn-ichẹn, ndị-isi ọrụn ichẹn-ichẹn lẹ ndị gọvanọ; ndị ndụnmọdụn, ndị iho-aza e kwọndọn ẹkpa eze, ndị e dọnzi oku kanị, ndị e dọnzi oku nta lẹ ndị ọzọ ile gi ọkwa imẹ Ẹgbẹrẹ ile rị alị-eze ẹ kẹni wẹ bịa ebe o k'a nọ kpupụ ihiẹn ahụn ọ kpụ.
3
Ndị Nnọkin-ẹnya eze imẹ Ẹgbẹrẹ ile nọ zu ebahụn Eze wụ Nebukadineza k'a nọ kpupụ ihiẹn hụ ọ kpụ, uwẹ lẹ ndị-isi ọrụn ichẹn-ichẹn lẹ ndị gọvanọ; ndị ndụnmọdụn, ndị iho-aza kwọndọnsọnmẹ ẹkpa eze, ndị e dọnzi oku kanị, ndị e dọnzi oku nta lẹ ndị ọzọ ile gi ọkwa imẹ Ẹgbẹrẹ ile rị alị-eze ahụn; wẹ nọ wuzo ihun ihiẹn ahụn ọ kpụ.
4
Onyẹ a hịnị nọ gi okẹn oro sị, “Ụnụ ndị ile rị ichẹn-ichẹn, ndị alị ichẹn-ichẹn lẹ ndị asụsụ ichẹn-ichẹn! Lee ni ihiẹn wẹ sị ụnụ mẹ:
5
hụn ụnụ gihụ nụ ukwere opi, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile kikẹnni, ụnụ k'a danrịrị nị ihiẹn goruni eze wụ Nebukadineza kpụ, gbaye ẹ.
6
Onyẹ danlẹnin'a alị gbaye ẹ, a tụ w'a ye imẹ okẹn ọkụn rị e nwunni ozigbo.”
7
Hụn wẹ gihụ nụ nwan ukwere opi, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, ndị ahụn ile rị ichẹn-ichẹn, ndị alị ichẹn-ichẹn lẹ asụsụ ichẹn-ichẹn, nọ dannị ihiẹn goru hụ eze wụ Nebukadineza kpụ alị, gbaye ẹ.
8
Ogẹn hụ kẹ ụfọdụ ndị itu ndị a hụn ụzọ nọ pụha d'e kpe ndị Ju.
9
E sị wẹ eze wụ Nebukadineza, “Agụ, isi i chei!
10
Ịyụ wụ eze e tigụọ iwu — nị onyẹ nụ ukwere ọdụ (opi), ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, o sikọ d'a danrịrị nị ihiẹn hụ wẹ gi goru kpụ, gbaye ẹ;
11
nị onyẹ danlẹnin'a alị gbaye ẹ, a tụ w'a ye imẹ okẹn ọkụn rị e nwunni.
12
Kanị Eze-Agụ, o nwọnghọ ndị Ju i tumẹ nị w'e lepụn'i ihiẹn ẹnya imẹ Ẹgbẹrẹ Babilọnụnị — Shẹdrakị lẹ Mishakị lẹ Abẹdnego; w'a ra gọndẹ i ntịn. W'a ra fe mmọn i; agbayezikwọnị wẹ nwan ihiẹn goru ahụn ị kpụ.”
13
Ya kẹ Nebukadineza nọ gi iwe lẹ ọnụma sị wẹ d'e wẹhẹ Shẹdrakị lẹ Mishakị lẹ Abẹdnego. Ya wẹ nọ wẹhẹ wẹ ihun eze.
14
Nebukadineza nọ sị wẹ, “Shẹdrakị lẹ Mishakị lẹ Abẹdnego, ezioku rọ nị ụnụ ara fe mmọn m, ụnụ agbayezikwọnị nwan ihiẹn goru hụ m kpụ?
15
Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”
16
Shẹdrakị, Mishakị lẹ Abẹdnego nọ sị eze, “Nebukadineza, ẹlẹ hụn ẹnyi e gi kinrinmẹ ọnụ ẹnyi ebe ị rị imẹ okuni.
17
Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.
18
Kanị, ọ sụọn'a n'ọ zụọpụhakọ ẹnyi, marịn nwan nị ẹnyi efekọ mmọn ị mọbụ gbaye ihiẹn goruni ị kpụ.”
19
Ya kẹ Nebukadineza nọ gi okẹn olulu sọn Shẹdrakị, Mishakị lẹ Abẹdnego, ihun asụọzịn'a ẹmụ kaka. Ọ nọ sị wẹ kpọyekẹnmẹ ọkụn hụ, n'ọ nụkarị k'o dọn rị a nụ mbụ ụzọ ẹsa.
20
Ọ nọ sị ndị ka akwanran e nwọn imẹ ndị-agha a kẹnmẹ Shẹdrakị, Mishakị lẹ Abẹdnego, tụ wẹ ye imẹ okẹn ọkụn ahụn rị e nwunni.
21
Ya wẹ nọ kẹnmẹ ikẹnnyẹ ndị hụ lẹ ẹwuru wẹ — kẹ hụn tueru anị kẹ hụn e ru mkpụkụ kẹ ẹkwa wẹ gi fụma isi kẹ ẹkwa ọzọ wẹ yisọnmẹ — tụ wẹ wẹ ye imẹ okẹn ọkụn ahụn rị e nwunni.
22
Ebe wẹ rị a hụhụ nị wẹ mẹ ẹ kẹ eze dọn ku ẹ lẹ makẹni ọkụn hụ e kẹnrẹnkẹ, uzun ọkụn ahụn nọ gbu ndị agha hụ ogẹn wẹ gi buhẹ Shẹdrakị, Mishakị lẹ Abẹdnego,
23
wẹ ẹtịtọ lẹ enwẹn wẹ lẹ ihiẹn wẹ gi kẹnkẹnmẹ wẹ nọ danye imẹ okẹn ọkụn ahụn rị e nwunni.
24
Idẹnmizi, eze wụ Nebukadineza nọ hụn ihiẹn tụ a ẹnya ọda-ọda, ọ nọ felihi ọtọ; ọ sị ịhaịmẹ ẹ, “Ẹlẹ ikẹnnyẹ ẹtọ kẹ wẹ kẹnmẹ tụye imẹ ọkụn ahụn?!” Wẹ nọ sị, “Eze-Agụ, madụ ẹtọ rọ nụ.”
25
Ọ nọ sị, “Lee n'ẹ, m rị a hụn ikẹnnyẹ ẹnọ rị e jẹnhunmẹ imẹ ọkụn — ekẹnmẹni wẹ wẹ, onwọnni ihiẹn mẹni wẹ; hụn mẹ wẹ ẹnọ nọ kẹ mmọn.”
26
Nebukadineza nọ nwan nọkunmẹ ọnụmụzọ ebe okẹn ọkụn hụ nọ e nwun, ọ nọ weshi olu elu hị, “Shẹdrakị, Mishakị lẹ Abẹdnego, idibo Chuku Hụ Kachanrịnnị, pụha nị! Bịa nị ebeni!” Ya kẹ Shẹdrakị, Mishakị lẹ Abẹdnego nọ pụha imẹ ọkụn ahụn.
27
Ndị ahụn ile nọ fihunmẹ wẹ — kẹ ndị Nnọkin-ẹnya eze imẹ ẹgbẹrẹ ichẹn-ichẹn kẹ ndị-isi ọrụn ichẹn-ichẹn kẹ ndị gọvanọ kẹ ndị ịhaịmẹ eze. Wẹ nọ hụn a nị onwọnni ihiẹn ọkụn hụ mẹ wẹ ẹhụ, ntutu wẹ adụnnị ọkụn kaka; ẹkwa wẹ adụnnị ọkụn kaka; ishin ọkụn arịdẹ wẹ ẹhụ kaka.
28
Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.
29
M rị nwan e ti iwu nị onyẹ alị ọwụlẹ mọbụ asụsụ ọwụlẹ hụn k'e kuja oku Chuku Shẹdrakị, Mishakị lẹ Abẹdnego wẹ sikọ d'a jakịka a, kụtuchanrịn ụlọ a, o họnrin mkpọkọ-ụlọ — makẹni onwọnni mmọn ọzọ k'a s'ẹka gbapụha ịhịan ẹnịna.”
30
Ya eze nọ bushi ọkwa Shẹdrakị, Mishakị lẹ Abẹdnego elu imẹ ẹgbẹrẹ Babilọnụ hụ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 4 →
All chapters:
1
2
3
4
5
6
7
8
9
10
11
12