bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
James 5
James 5
Ika 2018 Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
1
Ndị-ịdanfịn, gọn ni ntịn: kwanma nị ẹkwan, e goo, yeni nsọngbu hụn rị e kunrunni ụnụ!
2
Akụ-lẹ-ụba ụnụ e rehigụọ! Ẹkịka e ripụgụọ ẹkwa ụnụ!
3
Goru ụnụ lẹ siliva ụnụ a gbagụọ nchara! Ncharanị wẹ gba k'a shịagbu ụnụ ẹri; o jẹnkọ d'e ripụ ụnụ uru-ẹhụ kẹ ọkụn dọn e ri ihiẹn, ụnụ gi kpatọ akụ-lẹ-ụba ogẹn ikpanzụụnnị.
4
Gọn ni ntịn! Egho ụnụ jụ nị ụnụ akụkọ ndị sụnnị ụnụ ọfịa rị nwan a shịagbu ụnụ ẹri! Ẹkwan ndị ghọnị ụnụ ihiẹn-ugbo e rugụọzị Osolobuẹ nwọn ikẹn ile ntịn!
5
Ụnụ e bigụọ elu ọdanfịn lẹ iri-ụwa elu ụwanị; ụnụ a zụngụọ akpobi ụnụ tọnị ụhụọhịn ogbugbu.
6
Ụnụ a magụọ ndị nwọnlẹni ihiẹn wẹ mẹ ikpe, gbu wẹ, onwọnni ihiẹn wẹ jụ ụnụ!
7
Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.
8
Nwọn ni nwan ndidin ẹrịra, ụnụ e kwọnkẹnmẹ obi ụnụ, makẹni ọbịbịa Di-nwọnni-ẹnyi a rịgụọ nsue.
9
Umunẹ m, edẹnwịnnwịnkwọlẹni ni ibe ụnụ, makẹ Osolobuẹ gha a ma ụnụ ikpe: Ọka-ikpe e rugụọdẹ ọnụmụzọ!
10
Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.
11
Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.
12
Hụn ka mkpa umunẹ m, ekunlẹ ni ihiẹn ọwụlẹ, kaka! Kẹ elu-igwee kẹ elu-ụwa kẹ ihiẹn ọzọ ọwụlẹ. Kama, omẹni ẹghẹẹ rọ, sịhụ “Ẹghẹẹ;” omẹni mba rọ, sịhụ “Mba” amamgbe Osolobuẹ a ma ị ikpe.
13
Onyẹ nwọn nsọngbu imẹ ụnụ? Ya mẹ ekpere. Onyẹ kẹ ẹfọ rị a sụọ ụsụọ? Ya bụma ẹbụ ịja-mma.
14
Onyẹ kẹ emu rị a kụ imẹ ụnụ? Ya kpọ ndị-isi ụka nị wẹ mẹn'ẹ ekpere, gi ẹfan Di-nwọnni-ẹnyi tankpu ẹ udẹn-olivu.
15
Ekpere wẹ gi okukwe mẹ k'a zụọ onyẹ hụ emu rị a kụ, Di-nwọnni-ẹnyi e weli ẹ; omẹni hụnyẹ mẹ njọ, ọ gbagharị a.
16
A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.
17
Ẹlaịja wụ ịhịan nọkẹ ẹnyi. Kanị, o mẹshi ekpere ikẹn makẹ mirin gha e zue, mirin nọlẹni zue ọrọgbọ ahụa ẹtọ lẹ ifọn isin!
18
O mẹzi ekpere, igwere nọ zue mirin, alị nọ mẹ ihiẹn ugbo.
19
Umunẹ m, omẹni ịhịan latọ ezioku kpahu, nị ibe ẹ e wekinhẹn ẹ,
20
hụn wekinhẹnn'ẹ ya marịn nị onyẹ wekinhẹn onyẹ-njọ kpahukọnị a zụọpụhaọlẹ onyẹ njọ ẹka ọnwụn, kpumẹ njọ bu ọda.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
All chapters:
1
2
3
4
5