bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Lamentations 3
Lamentations 3
Ika 2018 Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
M wụ onyẹ hụn hụnjun ẹnya yeni ihiẹn Osolobuẹ gi olulu fịan m.
2
O chụpụgụọ m, mẹ ghasọnmẹ imẹ ishi ẹlẹzi imẹ ukpẹ;
3
eziẹ-eziẹ, o mẹshigụọ m ikẹn, e mẹ m'ẹ, e mẹdọnzi, kẹ uhinhin kẹ efinaị.
4
O mẹgụọ akpụkpọ-ẹhụ m lẹ uru-ẹhụ m se alịlị, ọ kpagichanrịngụọ m ọkpụkpụ.
5
O kehunmẹgụọ m, gi ihiẹn-ikẹn jọgbu enwẹn ẹ fihunmẹ m.
6
O mẹgụọ m biri imẹ ishi nọkẹ ndị nwụnhụngụ kete ele-mgbe.
7
O gbọnhunmẹgụọ m — asakọ m ẹka wanahịn; o gigụọ ẹgan nyịngbu enwẹn wẹ dọnmẹ m ụzọ ohu.
8
M ghadẹ a kwan a kwangbu enwẹn m n'o yeni m ẹka, ọ jụ n'ọ gọnkọ ntịn ekpere m.
9
O gigụọ ogbe ọmụma dọkinchanrịn ụzọ ile m'a gha; o mẹgụọ ụzọ ile m'a gha jọ njọ.
10
Osolobuẹ nọ m nwan kẹ eje-anụ wụ biẹ warị e che, ọ nọ m kẹ ẹwọrọ warị e ke anụ ọ chọ n'o gbu;
11
ọ dọkpụnpụ m ụzọ, dọkịka m, la m hụ tọ ebẹhụ.
12
Ọ dọ ụta a, e dọn m, kẹn'ọ gba m ọbara a.
13
O zupu m akpobi ghahanị ọbara-ụta ndị hụ o bu imẹ ẹkpa-ọbara a.
14
E họnringụọ m ihiẹn ndị nke ẹnyi gi a mụ ẹmụ — w'a gba m ẹbụ eki e we gi.
15
O yegụọ m ẹhụhụọ e lu ilu yejun m ẹfọ, ye m olulu-anụ ra rajun ẹfọ.
16
O gigụọ m ọnụ kikin akpụrụ-iyi rị alị, tikwọnpụ m eze; ọ zọgụọ m limẹni alị.
17
Obi eruzini m alị kaka; a zọgụọdẹ m ihiẹn ẹfọ-ọsụsụọ wụ.
18
Ya m nọ sị, “Ọghọ m a la, ya lẹ ihiẹn ile m rị a tụ ẹnya a ẹka Osolobuẹ.”
19
Nyanhan afụnfụn m lẹ ọwahunmẹ m rị a wahunmẹ — k'ọ jọhan njọ lẹ k'o dọn rị a fụ m.
20
Ogẹn ile kẹ m'a nyanhan a, ọ gụchanrịn m ndụn.
21
Kanị, ihiẹnni kẹ m'a nyanhan, ịya kẹ m gi e dọn ẹnya:
22
ihiẹn-ọsụsụọ Osolobuẹ haịn wẹ gilẹni gbuchanrịn ẹnyi, makẹni omikẹn ẹ ara gụ.
23
O mẹsọnmẹ ẹ ụtụntụn ile; y'e mẹkẹ onyẹ wẹ e gi dọn ẹnya.
24
A sịgụọ m enwẹn m, “Osolobuẹ kẹ m nwọn, m k'e cheri ẹ nwan.”
25
Osolobuẹ e mẹyekẹni ndị gi ẹ dọn ẹnya — onyẹ ọwụlẹ hụn a chọ uche ẹ;
26
ọ rịka mma nị ịhịan gi ndidin cheri nị Osolobuẹ zụọpụha a.
27
Ọ rịka mma nị ịhịan dingbu ẹgbụn ebe ọ rị okoro.
28
Ya sụọ nọdị, gba nkịtịn, makẹni Osolobuẹ ye ẹ afụnfụn hụ ta.
29
Ya welụachanrịn enwẹn ẹ alị budẹ ihun che ẹjan alị ikẹnkwọ n'ọ rịzịghọ mma.
30
Ya bu nti zinmẹ onyẹ hụn k'a ma a ọra, ya narịnchanrịn mkpari rịn'a.
31
Makẹni Osolobuẹ ara jụ ịhịan, jụ a jẹnrin ejẹn.
32
Ọsụọn'a n'o wẹhẹ ihiẹn-ẹkwan, o sikọ d'e mẹzi omikẹn — makẹni ihiẹn-ọsụsụọ a e hikẹ ogbe.
33
Ẹlẹ obi ẹ n'o buhẹni ịhịan afụnfụn mọbụ mẹ ịhịan ihiẹn-ẹkwan —
34
kẹ ịzọgbu ndị ngan ile rị alịnị,
35
kẹ ịnapụ ịhịan ihiẹn Onyẹ ahụn Kachanrịnnị sị ya ru ẹ ẹka
36
kẹ ịhangbu onyẹ mẹlẹni njọ eṅẹn — Osolobuẹ ara kwadọn ihiẹn ndị nọ ẹrịra.
37
Onyẹ k'a s'ẹka ku, o mẹ, omẹni Osolobuẹ ekuni ẹrịra?
38
Ẹlẹ ọnụ Onyẹ ahụn Kachanrịnnị kẹ ihiẹn jọ njọ lẹ ihiẹn rị mma gha a bịanị ịhịan?
39
Kị onyẹ rị ndụn k'e dẹnnwịnwịnnị nwan nị wẹ rị e ye ẹ afụnfụn njọ o mẹ?
40
Nị ẹnyi leban ni nwan obibi ẹnyi ẹnya, lele ẹ, nị ẹnyi rogharị d'e kunrun Osolobuẹ.
41
Nị ẹnyi weshi obi ẹnyi lẹ ẹka ẹnyi elu zinmẹ Chuku rị elu-igwee, sị a,
42
“Ẹnyi e mẹgụọ njọ, nupụ isi, yụ nwẹn a jụgụọ nị y'a gbagharịkọ ẹnyi.
43
Y'e gigụọ olulu i fụkpumẹ enwẹn ị nọkẹ ẹkwa, chụ ẹnyi nchụgbu; y'e gbugụọ ẹnyi, y'e mẹni omikẹn.
44
Y'e gigụọ orukpu kpumẹ enwẹn i makẹ ekpere ọwụlẹ gha e ru ebe ị rị.
45
Y'e mẹgụọ ẹnyi họnrin ikpọn-fin lẹ unyin ebe alị ndị ọzọ rị ichẹn-ichẹn rị.
46
Ndị-iṅẹnrẹn ẹnyi ile a mụgbugụọ ẹnyi ẹmụ.
47
Ihiẹn-egun lẹ ọdakin e kunrungụọ ẹnyi, ya lẹ ntikpọ lẹ mwiwi.”
48
Ẹnya-mirin m e huru kẹ iyi, makẹni e tikpọgụọ wẹ ndị nke m.
49
Ẹnya-mirin hụ a gba m; ọ kụsịkọ —
50
d'e ru nị Osolobuẹ a gha elu-igwee lee ẹnya alị, hụn kẹ ihiẹn nọ.
51
Ihiẹn m gi ẹnya m a hụn rị a gbawa m obi — ihiẹn rị e mẹ ikpoho ile rị obodo m.
52
Ndị wụ iṅẹnrẹn m bụ onwọnni ihiẹn m mẹ wẹ hụ a chọ m kẹ w'a chọ nnụnụ, nị wẹ gbu m.
53
A tụ wẹ m ye imẹ mgbugbu ebe m rị ndụn, ma m ọmụma.
54
Mirin e rukpumẹ m, m te ro ni m'e d'a la.
55
A kpọku m ẹfan ị Osolobuẹ — imẹ-imẹ olu ebẹhụ.
56
Ị nọ nụ arịrịọ m kẹ m sị ị, “Dodo, agbakwọlẹ m nkịtịn ẹkwan m rị a kwan n'i yeni m ẹka.”
57
Y'a nọzụnhanghọ kẹ m kpọ ị, ị nọ sị, “Atụlẹ egun.”
58
Euu Osolobuẹ, ị nọ kuni m ọnụ m; gbapụha ndụn m.
59
Euu Osolobuẹ, y'a hụngụọ eje-ihiẹn wẹ mẹ m. Han nị m eṅẹn!
60
Y'a hụngụọ eje-mmẹgwarị wẹ, eje-ihiẹn ile wẹ romẹni m.
61
Euu Osolobuẹ, y'a nụgụọ mkpari wẹ rị a kpari m, eje-ihiẹn ile wẹ romẹni m —
62
oku-ọnụ ndị-iṅẹnrẹn m lẹ nwịnrịn-nwịnrịn wẹ rị a ka lẹ eje-ihiẹn wẹ e romẹni m uhinhin lẹ efinaị.
63
Ledẹ wẹ! Kẹ wẹ dinẹ edinẹ kẹ wẹ wuzo ọtọ, wẹ hụ a gba m ẹbụ.
64
Osolobuẹ dodo, mẹ wẹ ihiẹn han kẹ ihiẹn wẹ mẹ, ihiẹn han kẹ ihiẹn ẹka wẹ mẹ.
65
Mẹ wẹ wụrụ ndị ifẹnrẹn ghalẹni e mẹ; abụmọnụ ị y'a sọnmẹ wẹ!
66
Gi olulu chụ wẹ, n'i gbupụ wẹ elu-ụwanị hụn rị okpuru igwere.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5