bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Mark 2
Mark 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
1
O mẹpụ akpọhịn ole, Jesu nọ kinhẹn Kapanọm, ọ nọ kpọgbarị n'ọ rị ụlọ.
2
Ndị bu ọda nọ ruhẹ, nke wụnị ụzọ eruzini wẹ, kẹ imẹ ụlọ kẹ ihun-ezi. Jesu hụ a gwa wẹ oku-Chuku.
3
Ya kẹ ikẹnnyẹ ẹnọ nọ buhẹn'ẹ okẹnnyẹ ọrọ kinmin.
4
Kanị ahụnnị wẹ nwan ebe w'a gha d'e kunrun Jesu makẹni ịhịan jun ebẹhụ, wẹ nọ nyinrin elu ụlọ. E bemẹ wẹ oghe ye ẹ elu ebe Jesu rị. E begụ wẹ oghe hụ, wẹ nọ gha ebẹhụ dọ onyẹ hụ ọrọ kinmin lẹ ute ẹ ye ihun Jesu.
5
Jizọsị a hụn okukwe wẹ, ọ nọ sị onyẹ hụ ọrọ kinmin, “Nwa m, a gbagharịgụọ wẹ i njọ ị.”
6
O nwọn ndị-nkuzi Iwu nọdị alị ebahụn; wẹ hụ e ro ihiẹnni o ku imẹ obi wẹ, a sị,
7
“Kị okẹnnyẹni rị e kudẹni arụ?! Onyẹ a s'ẹka a gbagharị njọ wezụka Osolobuẹ sụọ!?”
8
Mmọn Jesu nọ gwa a ihiẹn wẹ rị e ro imẹ obi wẹ. Ọ nọ sị wẹ, “Kị haịn ụnụ gi e ro ihiẹn nọ ẹnịna imẹ obi ụnụ?
9
Elee hụn ka nfe: ịsị onyẹ-ọrọnị, ‘A gbagharịgụọ wẹ i njọ ị.’ Ra, ịsị a, ‘Lihi ọtọ heri ute i jẹnmẹ ijẹn?’
10
Kanị, nị m ghọsị ụnụ nị Nwa nke Ịhịan nwọn ikẹn o gi a gbagharị njọ elu-ụwa.” Ọ nọ sị onyẹ-ọrọ hụ,
11
“M sị ị, lihi ọtọ, heri ute i lama iwe i!”
12
Ọ nọ lihi ọtọ, heri ute ẹ ozigbo, gha ebahụn pụ — idẹnya wẹ ile, nke wụnị ọ tụ wẹ ile ẹnya, wẹ nọ jama Chuku mma, a sị, “Ẹnyi ahụntuni ihiẹn nọ ẹnịna mbụ!”
13
Ya Jesu nọ jẹnmẹzi mkpẹnrẹn mirin Galili. Igunrun ịhịan nọ fihunmẹ ẹ, ọ nọ kuzi wẹ.
14
Ebe ọ ghafekọ, ọ nọ hụn Livaị nwa Alịfịọsụ k'ọ nọdị alị ọdụ ndị ụgwọ-isi, ọ nọ sị a, “Sọnmẹ m.” Livaị nọ lihi ọtọ, sọnmẹ ẹ.
15
Ogẹn Jesu gi rị e ri ihiẹn-oriri iwe Livaị, ndị bu ọda imẹ ndị ụgwọ-isi lẹ ndị ọzọ wẹ gi njọ marịn hụ e sọn Jesu lẹ ndị nsọnmazụụn a e ri ihiẹn-oriri, makẹni ndị rị e sọnn'ẹ bu ọda.
16
Ndị-nkuzi Iwu hụn rị imẹ ndị Itu-Farisi a hụn nị Jesu lẹ ndị ahụn wẹ gi njọ marịn lẹ ndị ụgwọ-isi rị e ri ihiẹn-oriri, wẹ nọ sị ndị nsọnmazụụn a, “Kị haịn o gi e du ndị a na ụgwọ-isi lẹ ndị wẹ gi njọ marịn e ri, a ra?”
17
Jesu a nụ a, ọ nọ sị wẹ, “Ndị ẹhụ rị ikẹn ara chọ dibiẹ kanị ndị emu rị a kụ; ẹlẹ ndị ezi-omumẹ kẹ m bịa d'a kpọ kanị ndị njọ.”
18
O nwọn ogẹn ndị nsọnmazụụn Jọnụ lẹ ndị Itu-Farisi gi rị e bu ọnụ. Wẹ nọ bịa d'a jụ Jesu, “Kị haịn ndị nsọnmazụụn Jọnụ lẹ ndị nsọnmazụụn ndị Itu-Farisi gi e bu ọnụ bụ ndị nsọnmazụụn ị ara bu?”
19
Jizọsị nọ sị wẹ, “Ndị bịa agbamẹkụkwọ e budẹ nwan ọnụ ebe okẹnnyẹ rị a gba ẹkụkwọ rị imẹ igunrun wẹ ra? Mba nụ! Ebe wẹ lẹ okẹnnyẹ hụ rị a gba ẹkụkwọ rị, ebukọ wẹ ọnụ.
20
Kanị, ogẹn wẹ k'e gi wepụ okẹnnyẹ hụ rị a gba ẹkụkwọ lala, ogẹn hụ, e bumẹ wẹ ọnụ.
21
“Onwọnni onyẹ e gi ẹkwa ọhụn hụn a kụkụmanị a kwakin ẹkwa akan. O gi ẹ kwakin ẹ, nke ọhụn a dọkapụ, ebahụn a jọwaye njọ.
22
“Onwọnzikwọnị onyẹ e gi ihiẹn akan a gbaye manya ọhụn. O gi ẹ gbaye ẹ, manya a gbawapụ a, kẹ manya kẹ ihiẹn wẹ gi gbaye ẹ a la iwi. Gi nwan ihiẹn ọhụn gbaye manya ọhụn.”
23
Ụhụọhịn Ezumikẹn ohu, Jesu ghakọ imẹ ugbo ọka-witi. Kẹ wẹ ghakọ imẹ ugbo hụ, ndị nsọnmazụụn a nọ ghọrịma ọka-witi.
24
Ya ndị Itu-Farisi nọ sị Jesu, “Kị wẹ rị a dannị iwu Ezumikẹn?”
25
Ya Jesu nọ sị wẹ, “Ya wụ, ụnụ agụntuni ihiẹn Defidi mẹ ogẹn mkpa gi rịn'a, ogẹn ẹgụn gi rị a gụn ịya lẹ ndị ya lẹ wẹ wị?
26
K'o dọn banye ụlọ Osolobuẹ, ogẹn Abiata gi wụ onyẹ-isi nchụn-ẹjan, ri brẹdi-nsọ hụ w'e bupụhanị Osolobuẹ, brẹdi Iwu sị nị onyẹ ọzọ erikọ a mmanị ndị nchụn-ẹjan; kanị Defidi ri ẹ, yezikwọ ndị ya lẹ wẹ wị.”
27
Ya Jesu nọ nwan sị, “Ọrịrịmma ịhịan kẹ wẹ tumẹni Ụhụọhịn Ezumikẹn, ẹlẹ wẹ ke ịhịan makẹ Ụhụọhịn Ezumikẹn.
28
Ya wụ nị mmẹ wụ Nwa nke Ịhịan nwọn ku ihiẹn wẹ e mẹ Ụhụọhịn Ezumikẹn.”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
All chapters:
1
2
3
4
5
6
7
8
9
10
11
12
13
14
15
16