bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Mark 8
Mark 8
Ika 2018 Bible
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
1
Ogẹn hụ, o nwọnzi igunrun hi-ogbe kokomẹni. Ọ nọbe, makẹni ihiẹn wẹ sikọ d'e ri arịa, Jizọsị nọ kpọ ndị nsọnmazụụn a, sị wẹ,
2
“Omikẹn igunrunni rị e mẹ m, makẹni mmẹ lẹ wẹ a nọpụọlẹ akpọhịn ẹtọ, bụ enwọnzi wẹ ihiẹn wẹ jẹnkọ d'e ri.
3
M sị wẹ bu ẹgụn lama, wẹ sikọ d'a sọhịtọ ụzọ makẹni o nwọn ndị gha ụzọ ote bịa.”
4
Ndị nsọnmazụụn a nọ jụ a, sị, “Elebe kẹ ịhịan a nọ hụn brẹdi ebeni ịhịan rịlẹni hụn sikọ d'e jun ndịnị ile ẹfọ?”
5
Ọ nọ sị wẹ, “Ogbe brẹdi ole kẹ ụnụ nwọn?” Wẹ nọ sị, “Ẹsa.”
6
Ya ọ nọ sị igunrun hụ nọdị akpakalị; o weri ogbe brẹdi ẹsa hụ, ọ kpanmịngụ Osolobuẹ, ọ nọ bebe wẹ weye ndị nsọnmazụụn a nị wẹ buye igunrun hụ ya, ndị nsọnmazụụn a nọ buye igunrun hụ ya.
7
Wẹ nwọnzikwọ azụn mẹ ẹkẹrẹ-ẹkẹrẹ bulẹni ọda; ọ nọzị kpanmịn Osolobuẹ makẹ azụn ndịnị wẹ, sị ndị nsọnmazụụn a buye wẹ ya.
8
Igunrun hụ nọ ri, ẹfọ e jun wẹ; e kpọnkikomẹ wẹ ifunfun ẹ họdụnị, o jun ụkpalị ẹsa.
9
Ihiẹn rịkẹ mmadụ nnụ-iri (4,000) ri ihiẹnni. Ya kẹ Jesu nọ gbashịa wẹ.
10
Jesu lẹ ndị nsọnmazụụn a nọ banye ụgbọ-mirin ozigbo, shi ẹgbẹrẹ Damanuta.
11
Ndị Itu-Farisi bịa d'e kunrun Jesu, sọn ẹ dọma, chọma ihiẹn rị a ọnụ, a sị a ghọsị wẹ ahịma gha elu-igwee bịa.
12
Kanị, Jesu nọ kwọnlụa, sị, “Kị agbọnị rị a chọdẹni ahịma? Ezioku kẹ m rị a gwa ụnụ, onwọnni ahịma ọwụlẹ wẹ jẹnkọ d'a ghọsị agbọnị!”
13
Ọ nọ la wẹ tọ, banyezi ụgbọ-mirin, fetu mirin Galili.
14
Ndị nsọnmazụụn a anyanhannị weri brẹdi; ogbe ohu sụọ kẹ wẹ gi imẹ ụgbọ-mirin ebẹhụ.
15
Jizọsị nọ sị wẹ, “E lekwọ nị ẹnya! Kpachanpụkwọ nị ẹnya makẹ yisti ndị Itu-Farisi lẹ nke Hẹrọdụ.”
16
Wẹ nọ sị ibe wẹ, “Ẹnyi egi brẹdi haịn o gi ku ẹ.”
17
Jesu a marịngụọ ihiẹn wẹ ri e ku, ọ nọ sị wẹ, “Kị ụnụ rị e kuni oku brẹdi ụnụ gilẹni? Ụnụ eke ghọtamakwọ nwan? Ụnụ eke marịnkwọ nwan ihiẹn? Obi ụnụ kpọkin akpọkin ra?
18
Ụnụ nwọn ẹnya bụ ụnụ ara gi ẹ legha ụzọ? Ụnụ nwọn ntịn bụ ụnụ ara gi wẹ nụ ihiẹn? Ụnụ anyanhannị?
19
Ogẹn m gi bebe ogbe brẹdi isẹn ye mmadụ nnụ-uku isẹn (5,000), ụkpalị ole kẹ ifunfun ẹ wẹ tụtụkomẹ jun?” Wẹ nọ sị a, “Mmẹbụọ.”
20
Ọ sịzị wẹ, “Ogẹn m gi bebe ogbe brẹdi ẹsa ye mmadụ nnụ-uku ẹnọ (4,000), ụkpalị ole kẹ ifunfun ẹ wẹ tụtụkomẹ jun?” Wẹ nọ sị a, “Ẹsa.”
21
Ọ sị wẹ, “Ụnụ eke ghọtakwọ nwan?”
22
E ru wẹ Bẹtisaịda, wẹ nọ wẹhẹni Jesu okẹnnyẹ ẹnya kpu ishi, rịọ a n'o mẹtụ a ẹka.
23
Ọ nọ kwọndọn okẹnnyẹ hụ ẹka, wepụ a imẹ obodo hụ, bu ẹsọn che ẹ ẹnya, bu ẹka kwasị a. Ya k'ọ nọ jụ a, “O nwọnghọ ihiẹn ị rị e legha?”
24
Okẹnnyẹ ahụn e lee ẹnya, sị, “M hụ e legha ịhịan, kanị wẹ nọsọnmẹ kẹ osisi rị e jẹn ijẹn.”
25
Ya Jizọsị nọ buzi ẹka che ẹ ẹnya; o lee ẹnya ọhụnma-ọhụnma, ọ nọ leghamazị ụzọ, leghama ihiẹn ile ọhụnma.
26
Ya Jizọsị nọ sị a ala, sị a, “Ị lakọnị, abanyekwọlẹ imẹ obodo hụ.”
27
Jesu lẹ ndị nsọnmazụụn a nọ shi ụmụ-alị rị ẹgbẹrẹ Sizaria-Filipi. Ebe wẹ jẹnkọ, ọ nọ jụ ndị nsọnmazụụn a, sị, “Onyẹ kẹ wẹ sị nị ịya kẹ m wụ?”
28
Wẹ nọ za a, sị, “O nwọn ndị sị nị ị wụ ‘Jọnụ hụn e mẹ mirin-Chuku’ ndị ọzọ sị, ‘Ẹlaịja,’ ndị ọzọ sị, ‘Onyẹ ohu imẹ ndị-amụma mbụ.’ ”
29
Ọ nọ jụ wẹ, sị, “Onyẹ kẹ ụnụ nwẹn sị nị ya kẹ m wụ?” Pita nọ za a, sị, “Ịyụ wụ Kraịstị.”
30
Jesu nọ gba wẹ mkpịnsịn-ẹka ẹnya, sị wẹ agwakwọlẹ onyẹ ọwụlẹ oku ẹ.
31
Jesu nọ kuzimẹ ndị nsọnmazụụn a, nị Nwa nke Ịhịan jẹnkọ d'a tarịrị afụnfụn bu ọda, ndị-isi lẹ ndị-isi nchụn-ẹjan lẹ ndị-nkuzi Iwu sikọ d'a jụ a. Wẹ k'e gbu ẹ; kanị, hụn m'ẹ akpọhịn ẹtọ, ọ gha ọnwụn lihi.
32
Ọ gwapụ wẹ ihiẹnni, o gini ilu ku ẹ. Pita nọ weri ẹ shi ụsụọ, jụgbọma a.
33
Kanị, o gbehutọ, lee ndị nsọnmazụụn a, ọ nọ jụgbọ Pita, sị, “Ekwensụ, pụnị m! Nị ẹlẹ nke Osolobuẹ k'ị rị e ro, kanị nke ịhịan!”
34
Ọ nọ kpọzụnhan igunrun hụ lẹ ndị nsọnmazụụn a, sị wẹ, “Onyẹ chọ n'ọ wụrụ onyẹ nsọnmazụụn m sikọ d'a jụrịrị enwẹn ẹ, buru obe ẹ, sọnmẹ m.
35
Makẹni, onyẹ chọ n'ọ ghe isi ẹ, isi ẹ a tọ a; onyẹ gi ufiri mmẹ lẹ oziọma tuhu ndụn a, ọ hụn ndụn a.
36
Elee erere k'o k'a bannị ịhịan n'o nwọnringụ ụwa ile, tuhu umẹ-ndụn a?
37
Kị ịhịan k'e gi gbarị umẹ-ndụn a?
38
Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
All chapters:
1
2
3
4
5
6
7
8
9
10
11
12
13
14
15
16