bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Job 1
Job 1
Ilokano (Ti Biblia (1973))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 2 →
1
Adda idi maysa a lalaki idiay daga nga Hus, a ti naganna Job: ket lalaki a napalongdo ken nalinteg, ken maysa a managaligaget iti Dios, ken linicilicanna ti dakes,
2
Ket nayanac idi kencuana dagitipito nga annac a lallaki ken tallo a babbai.
3
Ti sanicuana met pito ribu idi a carcarnero, ken tallo ribu a camcamello, ken limagasut a casangolan a vacvaca, ken limagasut nga as-asno, ken dackel unay a sangacabbalayan iti casta daytoy a tao ti cadackelan idi cadagiti amin nga annac ti daya.
4
Ket dagiti annacna a lallaki napanda ken nakidayada idiay balay ti tunggal maysa iti aldawna; ket isuda nagbaonda ken pinaayabanda dagiti tallo a cacabsatda a babbai tapno makicaan ken makiinumda cadacuada.
5
Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.
6
Naaramid iti aldaw idi a dagiti annac a lallaki ti Dios immayda imparang dagiti bagbagida iti sangoanan ni Jehova, nga immay met ni Satanas iti tengngada.
7
Ket kinuna ni Jehova ken Satanas, Sadino ti naggapuam? Idin simmungbat ni Satanas ken Jehova, ket kinunana, Iti panagsursur idiay daga, ken iti panagpagpagna kencuana.
8
Ket ni Jehova kinunana ken Satanas, Inotobmo ni adipenco a Job? ta awan ti umasping kencuana idiay daga, maysa a napalongdo ken nalinteg a lalaki maysa a managaligaget iti Dios, ken liclicanna ti dakes.
9
Idin simmungbat ni Satanas ken Jehova, ket kinunana, Agaligaget aya ni Job iti Dios nga awan capapayanna?
10
Dica aya nangaramid iti maysa nga alad iti aglicmut kencuana, ken aglicmut iti balayna, ken aglicmut ti amin a cupicupanna, iti tunggal sikigan? binendicionam, ti aramid dagiti imana, ket ti cucuana immaduda idiay daga.
11
Ngem yunnatmo ta imam ita, ket sagidem amin nga adda kencuana, ket tallicudannacanto nga iparupa.
12
Ket ni Jehova kinunana ken Satanas, Adtoy, amin a cupicupanna adda ita pannacabalinmo; isuna laeng a dica icabil ta imam kencuana met laeng. Iti casta ni Satanas rimmuar a naggapu iti saclang ni Jehova.
13
Ket napasamac iti maysa nga aldaw idi a dagiti annacna a lallaki ken babbai addada idi a mangmangan ken agininum iti arac idiay balay ti calacayan unay a cabsatda a lalaki,
14
A dimteng ti maysa a babaonen ken Job, ket kinunana, Adda idi nga agararado dagiti vacvaca, ket agar-arab dagiti as-asno ti dennada;
15
Dagiti Sabeos dimmuclusda cadacuada, ket innalada ida: wen, pinatayda dagiti ad-adipen iti tadem ti campilan; ket siac laeng a maymaysa ti nacatalaw a mangibaga kenca.
16
Bayat ti caaddana idi pay laeng nga agsasao, dimteng met ti sabali, ket kinunana, Ti apuy ti Dios nagtinnag nanipud langit, ket pinuuranna dagiti carcarnero ken ad-adipen, ket rinunawna ida; ket siac laeng a maymaysa ti nacatalaw a mangibaga kenca.
17
Bayat ti caaddana idi pay laeng nga agsasao, dimteng met ti sabali, ket kinunana, Dagiti Caldeos nagcatloda a capangen ket dimmuclusda cadagiti camcamello ket innalada ida, wen, ket pinatayda dagiti ad-adipen iti tadem ti campilan; ket siac laeng a maymaysa ti nacatalaw a mangibaga kenca.
18
Bayat ti caaddana idi pay laeng nga agsasao, dimteng met ti sabali ket kinunana, Dagiti annacmo a lallaki ken babbai manarimaanda idi a mangmangan ken umininum iti arac idiay balay ti calacayan a cabsatda a lalaki;
19
Ket, adtoy, immay ti dackel nga angin a naggapu iti let-ang ket kinabilna ti uppat a suli ti balay, ket narpuog a naipandag cadagiti agtutubo a lallaki, ket natayda; ket siac laeng a maymaysa ti nacatalaw a mangibaga kenca.
20
Idin ni Job timmacder, ket rinay-abna ti lambonna, ket kiniskisanna ti olona, ket nagpasag iti daga, ket nagcararag;
21
Ket kinunana, Lamolamoac a rimmuar idi tian ni inac, ket lamolamonto ti pagtungpalac; inted ni Jehova, ket innala ni Jehova; bendito ti nagan ni Jehova.
22
Iti amin cadagitoy ni Job saan a nacabasol ket dina met impabasol a simamaag iti Dios.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42