bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Philippians 1
Philippians 1
Ilokano (Ti Biblia (1973))
Jump to:
Chapter 1
Chapter 2
Chapter 3
Chapter 4
Chapter 2 →
1
Ni Pablo ken ni Timoteo, nga ad-adipen ni Cristo Jesus, isuratda cadagiti isu-amin a sasanto ken Cristo Jesus, idiay Filipos, agraman cadagiti ob-obispo ken cadagiti diacono:
2
Parabur ken talna ti Dios nga Amatayo ken ni Apo Jesu-Cristo adda coma cadacayo.
3
Agyamanac iti Diosco, tunggal pannacalagipco cadacayo,
4
Cancanayon a cadagiti amin a cararagco, agdawdawatac a siraragsac gapu cadacay amin,
5
Gapu iti pannakicadcaduayo iti pannacaiwarragawag ti evangelio, nanipud idi immuna nga aldaw agingga ita;
6
Ket sitatalgedac itoy met laeng, a daydiay nangirugi cadacayo ti nasayaat nga aramid, ananayennanto agingga iti aldaw ni Jesu-Cristo:
7
Iti casta nalinteg caniac a panpanunutencayo amin, gapu ta addacay itoy pusoc; ket cadagiti pannacabalbaludco a cas met iti panangisakit ken pammanecnecco iti evangelio, dacay amin mairamancay caniac itoy a parabur.
8
Ta ti Dios ti sacsic no casano ti iliwco cadacayo amin iti nasnec a dongngo ni Cristo Jesus.
9
Ket daytoy ti cararagco: A ti ayatyo umadu coma la nga umadu, iti kinasirib ken iti amin a pannacaawat;
10
Tapno mabigbigyo coma dagiti banag a nasayaat; tapno napudnocayo ket awan ti pacapilawanyo nga agingga iti aldaw ni Cristo;
11
A mapnocayo cadagiti bungbunga ti kinalinteg, a maipaay iti dayag ken pacaidayawan ti Dios, gapu ken Jesu-Cristo.
12
Ngem cayatco a maammoanyo, cacabsat, a dagiti banbanag a napasamac caniac, nagbanagda ketdi a nangparang-ay ti evangelio;
13
Iti casta dagiti pannacarepreppetco gapu ken Cristo, naiwarragawagda, cadagiti isu-amin nga agaywan iti pangocoman ken cadagiti isu-amin a sabsabali;
14
Ket dagiti ad-adu cadagiti cacabsat, idi a napakiredda gapu cadagiti pannacarepreppetco, ad-addapay ti turedda nga agsao ti sao ti Dios, nga awan butbutengda.
15
Dagiti dadduma pudno nga icascasabada ni Cristo, gapu iti apal ken pannakisusic laeng; ngem dagiti sabali, iti met naimbag a nakem:
16
Dagitoy agsaoda gapu iti ayat, idinto nga ammoda a naisaadac a mangicanawa iti evangelio;
17
Ngem dagidiay icascasabada ni Cristo gapu iti supiat, saan a napudno ket panpanunutenda a nayonan ti rigatco cadagiti pannacarepreppetco.
18
Ania ngarud? Nupay casta uray casano, uray pagpambar, uray napudno, ni Cristo maicascasaba: ket iti daytoy agragragsacac, wen, ket agragsacacto.
19
Ta ammoc a daytoy rumsuanto a pacaisalacanac, gapu cadagiti panangidawdawatyo, ken ti pannacaipaay ti Espiritu ni Jesu-Cristo,
20
Cas iti nasnec a panagpadpadaanco ken pananginanamac, a diacto maibabain iti uray ania; no di ket idinto a situturedac a cas masansan, casta met ita, ni Cristo mapatan-oc itoy bagic, uray gapu iti biag, uray gapu iti patay.
21
Ta no caniac, ti panagbiag isu ni Cristo, ket ti ipapatay isu ti gonggona.
22
Ngem no ti panagbiag iti lasag, daytoy pagbungaenna ti aramidco; iti casta diac ammo ti piliecto.
23
Ta addaac a naglabbetan dagiti dua a banag, a tarigagayac ti pumanaw ken agnaed ken Cristo; isu a nasaysayaat unay;
24
Ngem ti panagtaeng iti lasag nangnangrona a masapul maipuon cadacayo.
25
Idinto ngarud a capnecac daytoy, ammoc a matdaacto ket makipaggianacto cadacay amin, a maipaay iti irarang-ayco ken ragsac iti pammati;
26
Tapno umadu ti rag-oyo ken Cristo Jesus gapu caniac, a maipuon iti caaddac manen cadacayo.
27
Isuna laeng a ti panagbibiagyo maicari coma iti evangelio ni Cristo: tapno, uray umayac ket makitacayo, wenno no awanac, madamagco coma ti casasaadyo a sititibkercayo iti sangsangcamaysa nga espiritu, agraman sangsangcamaysa a cararua nga umag-agawa a maipaay iti pammati iti evangelio;
28
Nga awan ket ti cabutengyo gapu cadagiti cabusoryo; ket daytoy isu cadacuada ti pagilasinan ti pannacapucaw, ngem cadacayo, ti pannacaisalacan, ket daytoy, iti biang ti Dios;
29
Ta, maipuon ken Cristo, maited cadacayo, saan laeng a ti pammati kencuana, no di ket ti panagsagaba met gapu kencuana:
30
Nga adda cadacayo daydi met la pannakidangadang a nakitayo caniac, ken madamagyo ita nga adda caniac.
Jump to:
Chapter 1
Chapter 2
Chapter 3
Chapter 4
Chapter 2 →
All chapters:
1
2
3
4
Recommended Reading
Commentary
Philippians Commentaries
→
Devotional
Philippians Devotional Guide
→
Get This Bible
1973 Study Bible
→