1 Timothy 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1ฮนั้ง น้าย, ตะเยี้ยด เยีย ขวิน เม่ย อ๋อย หฒุ เถง หม่าน เมี่ยน โท้ ทิน-ฮู่ง. อ๋อย หฒุ เหว่ย นิ่น บัว เต๋า เก๋า, โจ้ว ทิน-ฮู่ง, แล์ง ฒี่ง ทิน-ฮู่ง.

2หย่า อ๋อย หฒุ เหว่ย หฒวัง ฮู่ง เตี๋ย เหธา เหยียด ฒู้ง โหฒว โฮล กุ๊น แปะ ฝีง วั้ว เต๋ย เต๋า เก๋า, ปุน บัว ไม้ ม่าย สี่, ถาย-แป้ง เญย เยียม, ฯฒฯ ไฮ่ หลงๆ เญย หฒั่ง ทิน-ฮู่ง, ล่าน หย่า ท่าย ล่าน.

3ฮนั้ง น้าย เต๋า เก๋า เซ หลง เญย, หย่า หอบ บัว เญย เหฌียว เฒี้ยว ทิน-ฮู่ง.

4ทิน-ฮู่ง อ๋อย หม่าน เมี่ยน ตุ๊ เหฌียว หย่า อ๋อย นิ่น บัว ฮิ้ว ตุ๊ เฒียน เล์ย.

5เหว่ย หฒุ ม่าย ดุ เต้า ทิน-ฮู่ง ฮนั้ง. หย่า ม่าย ดุ เต้า เยียม ทิน-ฮู่ง เหธา เมี่ยน บุด๋ง โหฒว บุด๋ง เมี่ยน, เซ กีตู่ เยซู, ต้ง เป๋น ป้าม เมี่ยน วั้ว เต้า.

6กีตู่ เยซู เซี้ย นิ่น กั้น เญย แหม่ง เหว่ย หฒัวะ หม่าน เมี่ยน หฑวน. เถา หอบ เญย เฒี่ยง โห่ นิ่น ฮนั้ง น้าย นอ โหฒว ปุน ธีง ทิน-ฮู่ง อ๋อย หม่าน เมี่ยน ตุ๊ เหฌียว.

7เหว่ย น้าย ทิน-ฮู่ง พ้าย เยีย โหฒว ฒุ่น โต์ เมี่ยน หย่า พ้าย เยีย โหฒว กง-โฒ่, โหฒว ฟิน-แซง หฌาว หม่าน ฝีง จั๋น เสียน เยซู, หย่า ฮิ้ว ตุ๊ เฒียน เล์ย. น้าย เยีย ไม้ ก๊อง-แปะ. เยีย ก๊อง เฒียน เญย.

8เยีย อ๋อย เยียม นอมๆ ต๋อง เญย มจั่ง ตอน ซูง เจี์ย ธีง-เหฑ่ง เญย ปั์ว เต๋า เก๋า, หย่า ไม้ เฉีย เจี์ย, ไม้ แฑง จ๋า.

9เยีย หย่า อ๋อย มเซียะ ตอน ฒุ ฒง ฮ่อง ลุย-โหว. ไม้ ตู๋ง ฒอง เหว่ย สาย-เลี์ยง เมี่ยน, หย่า ไม้ ตู๋ง กิ๊ด บะเปยย บิ์น, ไฟ หล่ง จ๋าย เญย หละเปย๊ย-โฒว, ไฟ เจียม, ไฟ หล่ง จ๋าย ไห่ เญย ลุย-โหว ฒอง ซิน.

10มเซียะ ตอน อ๋อย หฒุ โหฒว คู้ สี่ เหว่ย ฒอง กั้น. น้าย เซ ผุย เหญี่ยม เสียน ทิน-ฮู่ง เญย มเซียะ ตอน โหฒว เญย สี่.

11โหะ โต์-เล์ย เญย เฒี่ยง โห่, มเซียะ ตอน อ๋อย หฒุ เหฑียะ ฑี์ง หย่า เฮญี้ยว ส่วน เญย.

12เยีย ไม้ ปุน มเซียะ ตอน หฌาว ไฟ หล่ง หัด ม์า กุ๊น มจั่ง ตอน. มเซียะ ตอน อ๋อย หฒุ เหฑียะ ฑี์ง เญย,

13เหว่ย หฒุ ทิน-ฮู่ง เหฒย อาดัม ด่าง, ฆะฮ้า หธีง เหฒย ฮาวา.

14หฒุ ดั๊ว เญย เซ ไม้ เฒ์ย อาดัม. หฒุ ดั๊ว เญย เซ มเซียะ ตอน, นิ่น ฯฒฯ ป์าม ฒุ์ย อ๊ะ.

15มป่า เหว่ย หฒุ มเซียะ ตอน ยู์ง กู้งว์า, สี ก๊อง หฒั่นๆ เสียน หลง, ม่าย เฮญี้ยว ฮนั้ม เมี่ยน, โหฒว ธีง-เหฑ่ง หย่า กุ๊น ตุ๊ กั้น, นิ่น บัว ฯฒฯ ตุ๊ เหฌียว.

← Chapter 1 Jump to: Chapter 3 →