Daniel 10

Mien Bible (Thai Script) © Thailand Bible Society, 2007

← Chapter 9 Jump to: Chapter 11 →

1เปเซีย เญย ฮู่ง, ไซลัด, กุ๊น ตะฟาม หฮญัง วั้ว หฮญัง, ทิน-ฮู่ง หล่าว ย่าง เหยียด หญู่ง เฝียน ปุน ดานีเอน, ต้ง ม่าย กั้น นอม บั๋ว เห่ว เบนเทซัดซา. น้าย เต๋ย เฝียน เซ เฒียน เญย, หย่า ก๊อง หฒุ เบ๊าะ ต้ม จ๋า. นิ่น เม่ง แปะ น้าย เต๋ย เฝียน, หย่า เปียะ เฮญี้ยว วั้ว เต๋ย หล่าว ย่าง เญย สี่.

2วั้ว หฒั่น เยีย, ดานีเอน, หฒะเก้ง เฑ่า ไห่ ปวั๊ง ปัว นอม เล์ย-ป๋าย.

3หาย หญู่ง คู้ เยีย หย่า ไม้ หญั่น. อ๊อ ไฟ อะหงุ่น ติ๊ว หย่า ไม้ เปียะ เยีย เญย ฑุ่ย. น้าย เต๋ย ปัว นอม เล์ย-ป๋าย กะญั์ว เยีย หย่า ไม้ หล่ง หาย หญู่ง โย่ว ฑ้าด เยีย เญย ซิน.

4ฒี่ หฮลา หญี่ เหฒียบ เฝย วั้ว ฮนอย เยีย โซ้ว เจี๊ยน ไทกิด ต้ม ด้าย เฮลน.

5เยีย เธา เฮมียน หมั่ง, ปวัด เต้า เมี่ยน ฒุ เจี๊ยน ล่าม่า เดีย. จ๊าย หย่า ไซ เจี๊ยน อุฟ้าด เญย เจียม โหฒว ต้าย เญย โหว-ฮลาง.

6นิ่น เญย ซิน ฌัง ฮนั้ง บั๊ว-หลุน เญย หละเปย๊ย-จ๋าย. นิ่น เญย เฮมียน ฮนั้ง บะหลี่ง, มฒีง หย่า ฮนั้ง โต์ว-ป๊า. นิ่น เญย ปั์ว-เหฒา ฮนั้ง ฑ้าด ต้าย เญย ต้ง ซิ นอ. นิ่น ก๊อง หว่า เญย เฉีย หย่า ฮนั้ง เหยียด ต้ม กวั้น เมี่ยน ธั้ม กั๊บ ฒุ้น เญย เฉีย บุย.

7น้าย เต๋ย หล่าว ย่าง เญย สี่ ขูง เยีย, ดานีเอน กั้น, ดุ ล่าน เมี่ยน ปวัด ฮนั้ง. เหธา เยีย เยียม เญย เมี่ยน ไม้ ม่าย หาย เต้า ปวัด, มป่า นิ่น บัว ซิน หฒิน ญั่นๆ เญย, ฯฒฯ เปย๋า มี่ง ปี๋ง.

8ขูง เหฒ่ง เยีย ดุ ล่าน เมี่ยน ฮนั้ง. เยีย ปวัด น้าย เต๋ย ต้ม หล่าว ย่าง เญย สี่, ซิน หฒั่ง เญย ชะ เหฑ่ง หมี่ อ๊ะ, เฮมียน-เหมว่ย ทิ้ว เซ้ด, เบี่ยน เหฑ่ง หมี่ อ๊ะ. ซิน ไม้ ม่าย เหยียด อ๋า ชะ.

9เยีย แอ๋ง ไฮ์ นิ่น ก๊อง หว่า เญย เฉีย บุย. เยี้ยด ไฮ์ นิ่น เญย เฉีย บุย เยีย บ๊าบ เหฌี่ย, เฮมียน เถา เดา, มฌ่อม โด เญย.

10วั้ว หฒั่น ม่าย เจี๊ยะ ปั์ว มาน เยีย เญย ซิน, ปุน เยีย หล่ง ธี่ง เบาะ เหธา ปั์ว-ฒ้าง แหธง เจี๊ยน ซิน.

11ฟิน-เมี่ยน ก๊อง บั๋ว เยีย, “โอ ดานีเอน อ่า, ทิน-ฮู่ง หฒะเก้ง ฮนั้ม เม่ย. เม่ย อ๋อย หฒุ เปียะ เฮญี้ยว เยีย เหธา เม่ย ก๊อง เญย หว่า. อ๋อย หฒุ โซ้ว เจี์ย ต้าย เหว่ย หฒุ ทิน-ฮู่ง พ้าย เยีย อี้ หฒั่น ต้าย ล์อ เม่ย.” นิ่น เหธา เยีย ก๊อง น้าย เต๋ย หว่า วั้ว หฒั่น, เยีย โซ้ว เจี์ย ต้าย ซิน หฒิน เจี๊ยน เญย.

12นิ่น แอ๋ง ก๊อง บั๋ว เยีย, “ดานีเอน อ้า! ไม้ ตู๋ง กั้ม เหฑีย เหว่ย หฒุ เยียม เม่ย ต้าว ฮนอย เหลียบ เฮญี้ยว อ๋อย เม่ง แปะ หย่า เยียม ทิน-ฮู่ง เญย หฑะเฮมียน เหญี่ยม กั้น โหฒว ไฝ, เม่ย เญย หว่า ตุ๊ ไฮ์ หมี่ อ๊ะ. เยีย หย่า เหว่ย เม่ย เญย หว่า ต้าย น้าย.

13มป่า กุ๊น เปเซีย กั๊วะ วั้ว เต้า เมี้ยน ตั๊ง เจี๊ยน เยีย หญี่ เหฒียบ เยี้ยด ฮนอย. ฆะฮ้า ม่าย เต้า ฟิน-เมี่ยน เปย๊ย, บั๋ว เห่ว มีคาเอน, ต้าย เถง เยีย. เยีย ฯฒฯ กวั่ง นิ่น เหธา กุ๊น เปเซีย กั๊วะ วั้ว เต้า เมี้ยน เยียม หน่าย.

14อี้ หฒั่น เยีย ต้าย อ๋อย ปุน เม่ย เม่ง แปะ เหธา เม่ย จวั่ง ฝีง เญย เมี่ยน ฆะฮ้า ฮี้ง อ๋อย ปวั้ง เญย สี่, เหว่ย หฒุ หธ่อ ม่าย หิ่น ย่าง เญย สี่ ก๊อง เถา โฮ์ ฆาง เญย เฒี่ยง โห่.”

15นิ่น ก๊อง น้าย เต๋ย หว่า บั๋ว เยีย วั้ว หฒั่น, เยีย โด๊ะ เหฌี่ย หมั่ง เดา, ปุ๊ด อ๊า หมี่ อ๊ะ.

16แอ๋ง ม่าย เต้า ฮนั้ง ป้าม เมี่ยน นอ, ฮลัว เยีย เญย ฑุ่ย เหมย. เยีย ฯฒฯ ไฮ่ ก๊อง ธ้วด หว่า บั๋ว โซ้ว เยีย เญย หฑะเฮมียน แหมง วั้ว เต้า, “โอ เยีย เญย เฒี้ยว อ่า, เหว่ย ปวัด น้าย เต๋ย หล่าว ย่าง เญย สี่ เยีย เฮญี้ยว มุน. เยีย เญย ชะ เหฑ่ง หมี่ อ๊ะ.

17เยีย เญย เฒี้ยว เญย โปว ฮนั้ง หาย นอ ไฮ่ เหธา เยีย เญย เฒี้ยว ก๊อง หว่า? เยีย เญย ซิน ไม้ ม่าย เหยียด อ๋า ชะ หย่า ไม้ ม่าย เฉีย เท้า อ๊ะ.”

18ต้ง ม่าย ฝัง เฒ้ย ฮนั้ง เมี่ยน วั้ว เต้า แอ๋ง มาน เจี๊ยน เยีย, ปุน เยีย เฮ้น เจี์ย ต้าย.

19นิ่น ก๊อง, “ทิน-ฮู่ง เก้ง ฮนั้ม เญย เมี่ยน อ่า, ไม้ ตู๋ง กั้ม เหฑีย. โท้ ปุน เม่ย ตุ๊ แป้ง ออน. เม่ย อ๋อย หฒุ ม่าย ชะ, อ๋อย หฒุ เฮ้น.” นิ่น เหธา เยีย ก๊อง หว่า วั้ว หฒั่น, เยีย ฯฒฯ เฮ้น เจี์ย ต้าย หย่า ก๊อง, “โท้ เยีย เญย เฒี้ยว ก๊อง, เหว่ย หฒุ เม่ย ปุน เยีย เฮ้น เจี์ย ต้าย อ๊ะ.”

20นิ่น ฯฒฯ ก๊อง, “เม่ย ฮิ้ว ตุ๊ เยีย เหว่ย หาย ติ่ว ต้าย ล์อ เม่ย ไฟ? อี้ หฒั่น เยีย อ๋อย หฑวน มี่ง เหธา กุ๊น เปเซีย กั๊วะ วั้ว เต้า เมี้ยน เบ๊าะ จ๋า. เบ๊าะ ลิ์ว นิ่น, ฯฒฯ ม่าย กุ๊น กีก กั๊วะ วั้ว เต้า เมี้ยน อ๋อย ต้าย.

21มป่า เยีย อ๋อย ปุน เม่ย ฮิ้ว ตุ๊ เฟี้ย เจี๊ยน เฒียน เล์ย เญย โซว วั้ว เต๋ย หว่า. ไม้ ม่าย หาย เต้า เถง เยีย เบ๊าะ วั้ว เต๋ย กุ๊น กั๊วะ เญย เมี้ยน, ธ้วด ลิ์ว โก๋ว เม่ย บัว เญย ฟิน-เมี่ยน เปย๊ย, มีคาเอน.

← Chapter 9 Jump to: Chapter 11 →