Daniel 12

Mien Bible (Thai Script) © Thailand Bible Society, 2007

← Chapter 11 Jump to:

1“วั้ว หฒั่น โก๋ว เม่ย เญย แปะ ฝีง วั้ว เต้า ต้ม ฟิน-เมี่ยน เปย๊ย, มีคาเอน, อ๋อย เจี์ย ต้าย, ฯฒฯ ม่าย ต้ม เหฒะ หน่าน. เยียม เหลียบ กั๊วะ ต้าย เถา วั้ว หฒั่น, ไม้ ม่าย เจี๋ย ด่ง น้าย หฑุ่น. มป่า วั้ว หฒั่น เม่ย เญย กั๊วะ เญย แปะ ฝีง, ตะฟ่าน ม่าย บั๋ว เฟี้ย เจี๊ยน เยียม วั้ว ป๊วน โซว-ตาน, ฯฒฯ ตุ๊ เหฌียว.

2ไต่ มี่ง เญย เมี่ยน ธั้ม เญย อ๋อย นั่ง ต้าย. ม่าย เต๋ย ฯฒฯ ตุ๊ เหยียด ลิ์ว เญย แหม่ง, ม่าย เต๋ย เหยียด ลิ์ว หฒุ ป่าย เฮมียน เตี๊ย ไญ้.

3ม่าย ธง-เม่ง เญย เมี่ยน อ๋อย หฒิว ธ้วด ฌัง ฮนั้ง ลู่ง หฒั่ง เญย ฌัง. ต้อ เมี่ยน ธั้ม โหฒว ตุ๊ หอบ วั้ว เต๋ย อ๋อย เหยียด ลิ์ว ฮนั้ง เหฮลย ฌัง เถา หม่าน โก๊ว หม่าน ต่อย.

4ดานีเอน อ่า, เม่ย แอ๊ะ, อ๋อย หฒุ เฒาะ เฟี้ย เจี๊ยน น้าย เต๋ย หว่า น้าย หฌุ่น โซว เบ๊าะ เหยียน แน้ด เจี๊ยน เถา เซ้ด เมว์ย เญย เฒี่ยง โห่. ม่าย เมี่ยน ธั้ม เญย ถิว เจี๋ย น้าย ถิว เจี๋ย วั้ว เหว่ย ปุน ว่วน ฒาง หฮยาง เจี๊ยน ฝาว.”

5วั้ว หฒั่น เยีย, ดานีเอน, หมั่ง ปวัด อี เต้า เมี่ยน โซ้ว เจี๊ยน, เหยียด เต้า โซ้ว เจี๊ยน น้าย ปูง ด้าย เฮลน, เหยียด เต้า โซ้ว วั้ว ปูง ด้าย เฮลน.

6ม่าย เต้า ก๊อง บั๋ว ฒุ เจี๊ยน ล่าม่า เดีย โซ้ว เจี๊ยน ด้าย กู้ หงว่าย วั้ว เต้า, “น้าย เต๋ย บัวะ ฮ่อง เญย สี่ ม่าย ด่ง หาย เล่า หธีง เถา เซ้ด เมว์ย?”

7ฒุ เจี๊ยน ล่าม่า เดีย โซ้ว เจี๊ยน ด้าย เญย ววม กู้ หงว่าย วั้ว เต้า ซูง บย่าว เจี๊ยะ ปั์ว เหธา หฒาย เจี๊ยะ ปั์ว หูง เจี๊ยน ลู่ง. เยีย หย่า ไฮ์ นิ่น เฒี้ยง เจี๊ยน เหยียด ลิ์ว เฒี่ยง วั้ว เต้า แล์ง หว่า ก๊อง, “แอ๋ง ม่าย เหยียด หธาม, อี หธาม เหธา ด๊าม-หธาม เฒี่ยง โห่ หธีง เถา. ธีง-เหฑ่ง แปะ ฝีง เญย ชะ หฒุด วั้ว หฒั่น, น้าย เต๋ย เหยียด ฒู้ง สี่ เถา เซ้ด เมว์ย อ๊ะ.”

8เยีย หมวัง ไฮ์ มป่า ไม้ เม่ง แปะ เยีย ฯฒฯ ก๊อง, “โอ เยีย เญย เฒี้ยว อ่า, น้าย เต๋ย สี่ เซ้ด เมว์ย ฮนั้ง หาย นอ?”

9นิ่น ก๊อง, “ดานีเอน อ่า, กุ๊น มี่ง อ๊ะ. เหว่ย หฒุ น้าย เต๋ย หว่า อ๋อย หฒุ เกม เจี๊ยน, ฆ้าบ เจี๊ยน เหยียน เถา เซ้ด เมว์ย เญย เฒี่ยง โห่.

10ม่าย เมี่ยน ธั้ม สา กั้น ธีง-เหฑ่ง, แปะ ต้าย ฮนั้ง สิน เจี๋ย นอ. มป่า เอ๊าะ เมี่ยน อ๋อย โหฒว เอ๊าะ เจี๊ยน มี่ง, หย่า ไม้ ม่าย หาย เต้า เอ๊าะ เมี่ยน ตุ๊ เปียะ เฮญี้ยว. ขูง ม่าย ธง-เม่ง เญย เมี่ยน เปียะ เฮญี้ยว ฮนั้ง.

11“เยียม หฒุ เฒาะ กวั่ง หฒั่นๆ ฝ่ง ห่อ ปั๊ว เหฒี่ย เญย เจ๊า เถา เหลียบ เจี์ย โหฒว ปุน หญู่งๆ หว่าย วั้ว เต้า ต้ม เฮยี่ย โหยว ม่าย เหยียด ธิน หญี่ แป๊ะ จั๊ว เหฒียบ ฮนอย.

12ฒั้ว ตุ๊ เถา เหยียด ธิน ฟาม-แป๊ะ ฟ่า เหฒียบ ฮม์ ฮนอย เจี๋ย ลิ์ว วั้ว เต๋ย ม่าย ออน-เหลาะ.

13“ดานีเอน อ่า, กุ๊น มี่ง อ๊ะ. ฒั้ว เจี๊ยน เถา เซ้ด เมว์ย, เม่ย ฯฒฯ ตุ๊ ฮิด ขวน. เถา เซ้ด เมว์ย เม่ย ตุ๊ เจี์ย ต้าย ฒิบ พ้าย ปุน เม่ย หฑิบ เญย ป่วน.

← Chapter 11 Jump to: