Esther 5

Mien Bible (Thai Script) © Thailand Bible Society, 2007

← Chapter 4 Jump to: Chapter 6 →

1เอเซเท เฒย ไม้ หญั่น หาย หญู่ง เญย ตะฟาม ฮนอย, นิ่น ฒอง เจี๊ยน ฮู่ง หม่า เญย ลุย-โหว มี่ง โซ้ว เจี๊ยน ฮู่ง ติ่น กะญั์ว เญย เหยียด คัง ต๋อง, ต้ง ฮู่ง เหว่ย เยียม วั้ว ฉง ฮู่ง ติ่น หฑะเฮมียน แหมง. ฮู่ง เตี๋ย เฒว์ย เจี๊ยน ฮู่ง เหว่ย ฮวิน มี่ง เปียะ ฮู่ง ติ่น เญย แก้ง.

2ฮู่ง เตี๋ย ปวัด เอเซเท ฮู่ง หม่า โซ้ว เจี๊ยน ฮู่ง ติ่น กะญั์ว วั้ว คั้ง ต๋อง, ฮู่ง เตี๋ย อะเฮน้ย ไห่. นิ่น ซูง เยียม นิ่น เญย ปั์ว วั้ว ติ้ว เจียม-ปย๊า ธ้วด หูง เอเซเท. เอเซเท ฯฒฯ เปียะ มี่ง ฮลัว เจียม-ปย๊า เตว๊ย-เมว์ย.

3ฮู่ง เตี๋ย หน่าย ก๋า, “เอเซเท ฮู่ง หม่า อ่า, ม่าย หาย หญู่ง ไฟ? เม่ย อ๋อย โท้ หาย หญู่ง? ไม้ กุ๊น โท้ เหยียด ป่วน เยีย เญย กั๊วะ, เม่ย ฯฒฯ ตุ๊ อ๊ะ.”

4เอเซเท เตา, “สี ก๊อง หอบ ฮู่ง เตี๋ย เญย เฮญี้ยว นอ, โท้ ฮู่ง เตี๋ย เหธา เจี๊ยน ฮามาน อี้ ฮนอย ต้าย หญั่น ต้ง เยีย เหว่ย ฮู่ง เตี๋ย เบ่น เหฒียง เญย หฮนาง.”

5ฮู่ง เตี๋ย บั๋ว เมี่ยน, “เห่ว ฮามาน เซี้ยบๆ เญย ต้าย ม่าะ! เยีย บัว ฯฒฯ ไฮ่ เอย เจี๊ยน เอเซเท โท้ เญย หว่า โหฒว.” ฮู่ง เตี๋ย เหธา ฮามาน ฯฒฯ มี่ง หญั่น เอเซเท เบ่น เหฒียง เญย หฮนาง.

6ฮบ เจี๊ยน อะหงุ่น ติ๊ว วั้ว หฒั่น, ฮู่ง เตี๋ย แอ๋ง หน่าย เอเซเท, “เม่ย อ๋อย หล่ง หาย หญู่ง กุ๊น โท้. เม่ย อ๋อย เยีย ปุน หาย หญู่ง? ไม้ กุ๊น โท้ เหยียด ป่วน เยีย เญย กั๊วะ เยีย ฯฒฯ ปุน เม่ย.”

7เอเซเท เตา, “เยีย โท้ เญย, เยีย โจ้ว เญย เซ ฮนั้ง น้าย.

8สี ก๊อง ฮู่ง เตี๋ย ปวัด เยีย หอบ ฮู่ง เตี๋ย เญย เฮญี้ยว, หย่า ปวั๊ง เอ๋ย เยีย โท้ เญย เหธา โจ้ว เญย หว่า โหฒว นอ, โท้ ฮู่ง เตี๋ย เหธา ฮามาน ฌัง ฮนอย แอ๋ง ต้าย หญั่น ต้ง เยีย อ๋อย เหว่ย เม่ย บัว เบ่น เญย หฮนาง. เถา วั้ว หฒั่น เยีย มต้าย เตา ฮู่ง เตี๋ย หน่าย เญย หว่า.”

9วั้ว ฮนอย ฮามาน ไฮ์ ออน-เหลาะ ไห่, เฌียนๆ โย่วๆ เญย ธ้วด. มป่า นิ่น ปวัด โมเดไค เฒว์ย เจี๊ยน ฮู่ง ติ่น เญย หลาด แก้ง, ไม้ โซ้ว เจี์ย ซิน หย่า ไม้ ปุน ธีง นิ่น กั้ม เหฑีย เหยียด เต๋ย. ฮามาน ฯฒฯ เฉีย เจี์ย! ไห่ โมเดไค.

10มป่า ฮามาน เญี์ยน เจี๊ยน เฉีย หฑวน เปย๊า หมี่ อ๊ะ. ฮามาน ฯฒฯ เห่ว นิ่น เญย โล์-แกง ต่อย เหธา นิ่น เญย เอ๊า, เซเอเล้ด, ต้าย.

11นิ่น เธง นิ่น กั้น ปุ๊ด ฒ่อย ไห่, เป๋น ไห่, ม่าย ตอน ธั้ม, หย่า ก๊อง ฮู่ง เตี๋ย ฮนั้ง หาย นอ ท่าย นิ่น, ปุน นิ่น เญย เจียน-เม่ง ฝาว ฮลัง, ฒู้ง เก้า ฮลัง เหยียด หฒวัง โหฒว โฮล เญย เมี่ยน เหธา โหฒว เจียน เญย เมี่ยน.

12นิ่น แอ๋ง หฑิบ เจี๊ยน ก๊อง, “ไม้ ตาน ฮนั้ง หน่าย. ธ้วด ลิ์ว เยีย, เอเซเท ฮู่ง หม่า ไม้ ธี้ง หาย เต้า เหธา ฮู่ง เตี๋ย มี่ง หญั่น นิ่น เบ่น ต้าย เญย หฮนาง. นิ่น หย่า ธี้ง เยีย เหธา เจี๊ยน ฮู่ง เตี๋ย ฌัง ฮนอย แอ๋ง มี่ง หญั่น ต๋น.

13มป่า ตะฟ่าน ปวัด วั้ว เต้า ยิวไท เมี่ยน, โมเดไค, หธ่อ เฒว์ย เจี๊ยน ฮู่ง ติ่น เญย หลาด แก้ง, เยีย ไฮ์ น้าย เต๋ย เหยียด ฒู้ง เหว่ย เยีย ไม้ ลั่ม หล่ง.”

14นิ่น เญย เอ๊า, เซเอเล้ด, เหธา นิ่น เญย เหยียด ฒู้ง โล์-แกง ต่อย ก๊อง, “อ๋อย หฒุ เห่ว เมี่ยน โหฒว นอม ดิ๋ว จาง เญย ต๋อง, ฮลัง ฮม์ เหฒียบ เดาะ. ฌัง ดอม มี่ง โท้ ฮู่ง เตี๋ย ปุน เมี่ยน เฒาะ โมเดไค ต้าย ดิ๋ว เจี๊ยน. ฆะฮ้า เฌียนๆ โย่วๆ เญย มี่ง เหธา ฮู่ง เตี๋ย หญั่น หฮนาง.” ฮามาน ไฮ์ น้าย หญู่ง หฒะเอ๋ย หอบ เฮญี้ยว ไห่. นิ่น ฯฒฯ เห่ว เมี่ยน มี่ง โหฒว เหฒียง ดิ๋ว จาง เญย ต๋อง.

← Chapter 4 Jump to: Chapter 6 →