Song of Solomon 7

Mien Bible (Thai Script) © Thailand Bible Society, 2007

← Chapter 6 Jump to: Chapter 8 →

1โอ ฮู่ง เซียะ อ่า, เม่ย ตาบ เจี๊ยน เญย เฮ่ เหลาะ, เม่ย เญย เหฒา เหฑว่ย ไห่. เม่ย เญย ธั่ม ฒุ่ย จุ้น ฮนั้ง หฒั่ง เมี่ยน หธอ ต้าย เญย หละเปย๊ย-จ๋าย.

2เม่ย เญย กะเซีย นุด จุ้น เญย ฮนั้ง ติ๊ว-ฒ้าน นอ, หาย หฒั่น หย่า ฒ่าง เจี๊ยน เผว ต้าย เญย ติ๊ว. เม่ย เญย กะเซีย ฮนั้ง เหยียด ดุย เบย้า วิด, ม่าย แปะ เหาะ เปี้ยง เว่ย ก๋อม.

3เม่ย เญย อี นอม หญอ ฮนั้ง เหยียด ต๋อย ไฌ่ ตอน, เซ ไฌ่ เญ์ย เหฌี่ย เญย ซูง-ตอน.

4เม่ย เญย จาง ฮนั้ง หล่ง ฒ์าง-ญ่า โหฒว ต้าย เญย ล่าว, เม่ย เญย อี นอม มฒีง ฮนั้ง เยียม เฮ้ดโบน, เบดลับบิม ฒี่ง แก้ง กะเฮลน เญย ววม-ต้ม. เม่ย เญย บะฒอง ฮนั้ง เลบานอน เญย ฟั่น ท้าบ, หมั่ง เหฌี่ย ดามัดกัด ฒี่ง.

5เม่ย เญย มฆ้อง เหลียบ หฒะ ฮนั้ง คานเมน บง, เม่ย เญย บะเปยย เซ้ด เจี๊ยะ หลัวะ, บะเปยย ฒู้ง แปง หฒุ ฮู่ง เตี๋ย เญย เฮญี้ยว หมี่ อ๊ะ.

6โอ เยีย ฮนั้ม เญย เมี่ยน อ่า, เม่ย หฒะเก้ง เหฑว่ย, หอบ เฮญี้ยว ไห่, เม่ย หฒะเก้ง หยัวะ เมี่ยน ฮนั้ม.

7เม่ย เญย ซิน-เพย ฮนั้ง ตาว เญย เดี๋ยง, เม่ย เญย หญอ ฮนั้ง ตาว เญย เปี๊ยว-จ้อย.

8เยีย ก๊อง, “เยีย อ๋อย ฝาว ตาว-เดี๋ยง, เยีย อ๋อย นั้น เจี๊ยน นิ่น เญย ฆว่า.” โท้ ปุน เม่ย เญย หญอ ฮนั้ง อะหงุ่น เปี๊ยว-จ้อย, เม่ย เญย เฉีย ฮนั้ง ปะจ้าว เปี๊ยว เญย เฉีย ดาง,

9เม่ย เญย ฑุ่ย ฮนั้ง เก้า คู้ เจี๋ย เญย อะหงุ่น ติ๊ว. กุ๊น ปุน น้าย หลง เญย ติ๊ว แปง หฒะ เญย มี่ง เถา เยีย ฮนั้ม เญย เมี่ยน, หย่า เหลี่ยว เปียะ ฑุ่ย เหมย เหธา ญ่า ฉัง.

10เยีย เป๋น เยีย ฮนั้ม เญย เมี่ยน เญย, นิ่น อ๋อย เญย เซ เยีย.

11เยีย ฮนั้ม เญย เมี่ยน อ้า! ต้าย ม่าะ! บัว มี่ง วั้ว หล่ม-ฮวาง, บัว มี่ง วั้ว ล์าง เปว๋ย ม์วน.

12บัว เจี์ย ซิน เฑี้ยว เญย มี่ง อะหงุ่น หฮวีง, หมั่ง ก๋า อะหงุ่น เฮมย ธ้วด หธุน ปุ๊ด เปี้ยง เญว์ย ไฟ ไม้ ปุ๊ด, อะหงุ่น เญย เปี้ยง ฆอย ไฟ ไม้ ฆอย, หฒิ เลี่ยว เดี๋ยง เญย เปี้ยง หย่า ฆอย ไฟ, เยีย ฯฒฯ เยียม วั้ว เฒาะ เยีย ฮนั้ม เญย เฮญี้ยว ปุน เม่ย.

13เยีย ฮนั้ม เญย เมี่ยน อ่า, ดูดาอิม เจี้ย ธ้วด ดาง เญย เฉีย. เยียม บัว เญย แก้ง ด่าง ม่าย หญู่งๆ คู้ เญย เปี๊ยว, เลี่ยม เซียง เญย, โล์ เญย, เยีย เซียว ต้าย เลี่ยว เม่ย.

← Chapter 6 Jump to: Chapter 8 →