bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
1 Samuel 30
1 Samuel 30
Javanese KJS17 (Kitab Jawa Suriname)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Dongé Daved lan sak balané teka ing Siklag, ing dina kaping telu, wong Amalèk wis nyerang tanah Negeb lan Siklag. Siklag wis dikalahké lan diobong.
2
Wong-wong wadon lan sakkèhé wong lanang ing kono, tuwa enom, wis pada diukum, tanpa ana sing dipatèni siji-sijia, kabèh pada digiring karo neruské mlakuné.
3
Bareng Daved lan sak balané teka ing kono, kuta kuwi wis kobong nganti entèk, nanging para bojoné lan anak-anaké lanang wadon pada diukum.
4
Daved nangis, lan para suradadu-suradaduné kabèh pada nangis, banter swarané, nganti kentèkan swara.
5
Bojoné Daved loro pisan uga katut diukum, ya kuwi: Ahinoam, wong wadon sangka Yisreèl, lan Abigail randané Nabal wong Karmèl.
6
Lan Daved wis kepèpèt banget, awit suradadu-suradaduné wis pada rerasan arep mbandemi watu. Wong kabèh pada susah banget atiné, jalaran sangka bojoné lan anaké lanang-wadon. Nanging Daved nguwatké pertyayané marang GUSTI, Gusti Allahé.
7
Daved terus ngomong marang imam Abyatar anaké Akimèlèk: “Efoté sampéyan gawanen mréné.” Imam Abyatar terus masrahaké éfoté marang Daved.
8
Daved terus ngomong marang GUSTI: “Kula apa Panjenengan karepaké ngoyak grombolan kuwi? Apa kula bisa nututi?” Lan Panjenengané ngomong marang Daved: “Uberen, awit kowé mesti bakal bisa nututi wong-wong kuwi lan ngluwari para sing pada diukum.”
9
Daved terus budal ditutké balané wong 600, mlakuné wis pada tekan ing kali Bésor; balané sak bagéan ana sing kèri ing kono.
10
Daved enggoné ngoyak diteruské ditutké balané wong 400. Wong 200 sing wis kesel banget, nganti ora bisa nyabrang ing kali Bésor, pada kèri ing kono.
11
Sakwisé mengkono wong-wong pada nemoni wong Egipte ing ara-ara; kuwi terus diteraké marang Daved. Wong kuwi diwènèhi roti terus mangan terus diwènèhi ngombé banyu,
12
uga diwènèhi kuku anjir sak iris, lan kuku kismis rong emplèk; sakwisé mangan terus kétok waras menèh, awit ora mangan lan ora ngombé ing telung dina telung mbengi.
13
Daved terus takon marang wong mau: “Kowé kuwi baturé sapa lan tekamu sangka ngendi?” Semauré wong mau: “Kula kuwi wong nom-noman sangka Egipte, baturé wong Amalèk. Kula ditinggal bendara kula, awit telung dina kepungkur kula dadakan lara.
14
Kula entas pada ngalahké tanah Negeb nduwéké wong Krèti lan tanah Yéhuda lan tanah Negeb Kalèb, lan Siklag wis kula obong nganti entèk.”
15
Daved takon menèh: “Apa kowé bisa nduduhké dalané menyang panggonané grombolan kuwi?” Tembungé wong mau: “Hayuk sampéyan sumpah atas asmané Gusti sing urip, yèn sampéyan ora bakal matèni kula lan masrahaké awak kula marang bendara kula, kula terus bakal nduduhké panggonané grombolan kuwi.”
16
Wong mau terus nduduhké dalané marang Daved mbrana, lan ketemu para wong kuwi pating plentyar ing sak ubengé tanah kono, ijik pada mangan lan ngombé lan pada nganakké pésta, awit sangka akèhé sing direbut enggoné njukuki sembarang ing tanah Filistèn lan Yéhuda.
17
Lan ésuké Daved merangi wong-wong kuwi wiwit ésuk mruput nganti tekan mingslepé srengéngé; ora ana wong siji-sijia sing bisa utyul, kejaba wong nom-noman 400 sing bisa mblayu numpak unta.
18
Daved ngluwari kabèh, apa sing direbut wong Amalèk mau; bojoné Daved loro pisan uga ditulungi.
19
Ora ana sing ketyityir, wiwit barang sing ora kajèn tekan sing gedé, uga anak-anaké lanang wadon; barang sing direbut lan sak panunggalané sing wis direbut wong-wong mau; kabèh kuwi digawa bali karo Daved.
20
Daved ngrebut kabèh wedus lan sapi; kabèh pada digiring ing ngarepé karo mbengok: “Iki barang-rebutané Daved.”
21
Bareng Daved teka ing panggonané wong 200 sing pada kekeselen ngetutké Daved, lan sing dililani kèri ing sak tyedaké kali Bésor, wong kuwi pada metu metuk tekané Daved lan wong sing pada mèlu. Daved terus nyedaki wong-wong kuwi lan mbagèkké keslametan.
22
Terus ana rembukané wong sing ala lan dursila sangka tunggalé sing ngetutké Daved, tembungé: “Awit wong kuwi ora pada mèlu kita, aja diwènèhi apa-apa sangka barang sing direbut, sing wis kita rebut kuwi kejaba mung anak bojoné déwé-déwé waé. Kuwi bèn diepèk lan bèn pada lunga.”
23
Nanging Daved ngomong: “Hé para sedulur, aja pada nandangi kaya mengkono, kanggo apa-apa sing wis dikèkké GUSTI marang kita. Gusti wis ngayomi kita lan masrahaké grombolan sing nyerang kita ing tangan kita.
24
Sapa sing gelem ngrungokké tembungmu ing bab perkara iki? Awit pandumané wong sing pada njaga barang-barang kuwi pada kaya sing ngluruk perang, mulané kuwi bakal diedumi rata.”
25
Lan kaya mengkono tumindaké ing dina kuwi lan sak terusé; bab kuwi ditetepaké dadi pepakon lan pernatan kanggo wong Israèl nganti sepréné.
26
Bareng Daved teka ing Siklag, para tuwa-tuwané Yéhuda, para kantya-kantyané Daved, pada dikirimi sak panduman sangka barang sing direbut karo paweling: “Iki panduman sing direbut sangka mungsuhé GUSTI.”
27
Ya kuwi kantya-kantyané ing Bétel, ing Ramot ing tanah Kidul, ing Yatir,
28
ing Aroèr, ing Sifmot, ing Etemoa,
29
ing Rakal, ing kuta-kutané wong Yerakméél, sing manggon ing kuta-kutané wong Kèni,
30
ing Horma, ing Bor-Asan, ing Atak,
31
ing Hébron lan ing panggonané Daved nglembara karo balané.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31