bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
2 Kings 15
2 Kings 15
Javanese KJS17 (Kitab Jawa Suriname)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Ing taun sing kaping pitu jamané Yérobéam, ratu ing Israèl, Asarya, anaké Amasia, ratu ing Yéhuda, dadi ratu.
2
Waktu dadi ratu kuwi umuré nembelas taun, nanging enggoné dadi ratu ing Yérusalèm lawasé sèket loro taun. Asmané ibuné Yékolya sangka Yérusalèm.
3
Ratu nandangi apa sing bener ing ngarepé GUSTI, netepi apa sing ditindakké karo Amasia, bapaké.
4
Nanging senajan mengkono, puntuk-puntuk pangurbanan ora didohké. Rayat ijik pada nggawé sajèn lan ngobong kurban ing puntuk-puntuk kono.
5
Mulané GUSTI terus ngukum ratu, nganti dadi lara lépra nganti tekan ing matiné, lan manggon ing omah didèwèkké. Nanging Yotam, anaké, mréntah kratoné lan nindakké pemrintahan kanggo rayat ing negara kono.
6
Sak luwihé sejarahé Asarya lan sakkèhé sing ditandangi, kuwi wis ketulis kabèh ing kitab sejarahé para ratu ing Yéhuda.
7
Asarya terus dililani ngasuh nunggal karo para leluhuré lan terus dikubur ing sandingé para leluhuré ing kutané Daved, nanging Yotam, anaké, terus dadi ratu, nggentèni piyambaké.
8
Ing taun sing kaping telung puluh wolu jamané Asarya, ratu ing Yéhuda, Sakaria, anaké Yérobéam, dadi ratu ing Israèl ing Samaria. Enggoné dadi ratu suwéné nem sasi.
9
Ratu nindakké apa sing ala ing ngarepé GUSTI kaya sing ditandangi karo para leluhuré, ora ngedohi dosa-dosané Yérobéam anaké Nébat, sing njalari wong Israèl uga terus nglakoni dosa.
10
Salum anaké Yabèsy terus nganakké komplotan nglawan piyambaké, ratu dipatèni ing kuta Yilbiam, lan Salum terus dadi ratu nggentèni dèkné.
11
Sak luwihé sejarahé Sakaria, kuwi wis ketulis kabèh ing kitab sejarahé para ratu ing Israèl.
12
Mengkéné tembungé GUSTI sing dikèkké marang Yéhu: “Anak-anakmu bakal nglungguhi damparé Israèl nganti turun sing kaping papat!” Lan ya terus kelakon mengkono.
13
Ratu Salum anaké Yabèsy kuwi enggoné dadi ratu ing taun sing kaping telung puluh sanga jamané Uzia, ratu ing Yéhuda; nanging enggoné dadi ratu ing Samaria suwéné sesasi.
14
Sakwisé mengkono Mahanahém anaké Gadi sangka kuta Tirsa, ngluruk perang nganti tekan ing Samaria. Mahanahém matèni Salum anaké Yabèsy ing Samaria terus dadi ratu nggentèni piyambaké.
15
Sak luwihé sejarahé Salum lan enggoné nganakké komplotan, kuwi kabèh wis ketulis ing kitab sejarahé para ratu ing Israèl.
16
Ing waktu kuwi wiwit sangka kuta Tirsa, Mahanahém ngentèkké Tifsak lan sakkèhé wong ing kono uga panggonané pisan, awit wong ora pada gelem mbukakké lawangé kuta. Mulané kuta kuwi terus dientèkké, lan sakkèhé wong wadon sing meteng pada dibedèli.
17
Ing taun sing kaping telung puluh sanga jamané Asarya, ratu ing Yéhuda, Mahanahém anaké Gadi ngadek dadi ratu ing Israèl. Enggoné dadi ratu lawasé sepuluh taun ing Samaria.
18
Piyambaké nindakké apa sing ala ing ngarepé GUSTI. Ing sakjeké uripé ora ngedohi dosa-dosané Yérobéam anaké Nébat, sing njalari wong Israèl ya terus nglakoni dosa uga.
19
Pul, ratu ing Asyur, teka lan nyerang negara kono; Mahanahém terus ngekèki slaka 1000 talénta marang Pul, supaya gelem ngréwangi nguwatké kratoné ing tangané.
20
Ratu enggoné ngetokké duwit iki karo dimomotké marang Israèl lan marang sakkèhé wong sing sugih, supaya dipasrahké marang ratu ing Asyur: Saben wong siji dijukuk slaka sèket sèkel. Ratu ing Asyur terus mulih, ora tetep ing negara kono.
21
Sak luwihé sejarahé Mahanahém lan sakkèhé sing ditandangi, kuwi wis ketulis kabèh ing kitab sejarahé para ratu ing Israèl.
22
Mahanahém terus dililani ngasuh nunggal karo para leluhuré, nanging Pekahya, anaké, terus dadi ratu, nggentèni piyambaké.
23
Ing taun sing kaping sèket jamané Asarya, ratu ing Yéhuda, Pekahya, anaké Mahanahém, dadi ratu ing Israèl ing Samaria, nanging enggoné dadi ratu suwéné rong taun.
24
Piyambaké nandangi apa sing ala ing ngarepé GUSTI, ora nyingkiri dosa-dosané Yérobéam anaké Nébat, sing njalari wong Israèl ya terus nindakké dosa uga.
25
Sakwijiné penggedéné, Ya kuwi Pekah anaké Remalya, nganakké komplotan nglawan piyambaké, ratu dipatèni ing Samaria ing kraton. Nanging sing ngguyupi ya kuwi Argob lan Arye lan wong sèket tunggalé turunané Giléad. Pekahya dipatèni lan sakwisé mengkono Pekah terus ngadek dadi ratu nggentèni piyambaké.
26
Sak luwihé sejarahé Pekahya lan sakkèhé sing ditandangi, kuwi kabèh wis ketulis ing kitab sejarahé para ratu ing Israèl.
27
Ing taun sing kaping sèket loroné jamané Asarya, ratu ing Yéhuda, Pekah anaké Remalya dadi ratu ing Israèl ing Samaria. Enggoné dadi ratu lawasé rong puluh taun.
28
Piyambaké nandangi apa sing ala ing ngarepé GUSTI, ora nyingkiri dosa-dosané Yérobéam anaké Nébat, sing njalari wong Israèl ya terus nindakké dosa uga.
29
Ing jamané Pekah, ratu ing Israèl, Tiglat Piléser, ratu ing Asyur teka lan terus ngrebut Iyon, Abel-Bèt-Maakha, Yanoah, Kèdès lan Hasor, Giléad lan Galiléa, tanah Naftali kabèh, lan rayaté terus diboyong kabèh menyang Asyur, dadi wong buwangan.
30
Hoséa anaké Ela nganakké komplotan nglawan Pekah anaké Remalya, ratu dipatèni lan sakwisé mengkono Hoséa terus dadi ratu nggentèni piyambaké, ya kuwi ing taun sing kaping rong puluh jamané Yotam anaké Uzia.
31
Sak luwihé sejarahé Pekah lan sakkèhé sing ditandangi, kuwi kabèh wis ketulis ing kitab sejarahé para ratu ing Israèl.
32
Ing taun sing kaping pindoné jamané Pekah anaké Remalya, ratu ing Israèl, Yotam, anaké Uzia, ratu ing Yéhuda, dadi ratu.
33
Waktu dadi ratu kuwi umuré selawé taun, nanging enggoné dadi ratu ing Yérusalèm lawasé nembelas taun. Ibuné asmané Yerusa, anaké wadon Sadok.
34
Piyambaké nandangi apa sing bener ing ngarepé GUSTI, persis apa sing ditindakké karo Uzia, bapaké.
35
Nanging senajan mengkono, puntuk-puntuk pangurbanan ora didohké. Rayat ijik pada nggawé sajèn lan ngobong kurban ing puntuk-puntuk kono. Ratu nggawé Gapura Luhur ing griyané GUSTI.
36
Sak luwihé sejarahé Yotam, apa sing ditindakké, kuwi kabèh wis ketulis ing kitab sejarahé para ratu ing Yéhuda.
37
Wiwit jaman semono GUSTI ndadèkké Resin ratu ing Aram lan Pekah anaké Remalya pada merangi Yéhuda.
38
Yotam terus dililani ngasuh nunggal karo para leluhuré lan dikubur sandingé para leluhuré ing kutané Daved, leluhuré. Nanging Akas, anaké, terus dadi ratu nggentèni piyambaké.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25