bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Karakalpak
/
Институт перевода Библии, 2022
/
2 Chronicles 33
2 Chronicles 33
Институт перевода Библии, 2022
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Menashshe on eki jasında patsha boldı hám Erusalimde eliw bes jıl patshalıq etti.
2
Ol Jaratqan Iye Izrail xalqınıń aldınan quwıp jibergen xalıqlardıń jerkenishli jaman islerine eliklep, Jaratqan Iyeniń názerinde jawız bolǵan islerdi isledi.
3
Ákesi Xizkiya qıyratıp taslaǵan sıyınıw orınların qayta tikledi, Baallarǵa arnap qurbanlıq orınlar qurdı, kiyeli aǵashlardı ornattı hám pútkil aspan denelerine tabınıp, olarǵa xızmet etti.
4
Menashshe Jaratqan Iyeniń Úyine, yaǵnıy Jaratqan Iyeniń: «Atım máńgige Erusalimde boladı», – degen Úyine basqa qudaylarǵa arnap, qurbanlıq orınlar qurdırdı.
5
Ol Jaratqan Iyeniń Úyiniń eki háwlisine de barlıq aspan denelerine arnap qurbanlıq orınlar qurdı.
6
Ol Ben-Hinnom oypatlıǵında óz ulın otta jandırıp qurbanlıqqa berdi, pal ashtı, belgilerdi jorıdı, duwaxanlıq qıldı, árwaq hám ruwxlardı shaqırıwshılarǵa másláhát saldı. Ol Jaratqan Iyeniń názerinde jawız bolǵan islerdi kóp islep, Onı ǵázeplendirdi.
7
Menashshe ózi isletken oyma buttı Qudaydıń Úyine qoydı. Quday Dawıtqa hám onıń ulı Sulaymanǵa: «Bul Úyde hám Izrail urıwları arasınan tańlap alǵan qalam Erusalimde atımdı máńgige ornataman.
8
Eger olar Muwsa arqalı bergen barlıq Nızam, qaǵıyda hám pármanlarıma baylanıslı buyrıqlarımdı muqıyatlı túrde orınlap jasasa, onda Izrail xalqın ózleriniń ata-babalarına belgilep bergen jerden qaytadan quwıp shıǵarmayman», – degen edi.
9
Biraq Menashshe Yahuda xalqın hám Erusalim turǵınların joldan azǵırǵanı sonshelli, Izrail xalqı óziniń aldınan Jaratqan Iye joq qılǵan xalıqlarınan da kóbirek jamanlıqlar isledi.
10
Jaratqan Iye Menashshege hám onıń xalqına eskertse de, olar qulaq salmadı.
11
Sonlıqtan Jaratqan Iye olarǵa Assiriya patshasınıń áskerbasıların jiberdi. Olar Menashsheni tutqınǵa aldı, murnına halqa ótkerip, qola kisen menen kisenledi hám onı Babilonǵa alıp ketti.
12
Ol azap shegip atırıp, Qudayı Jaratqan Iyege jalbarındı hám ata-babalarınıń Qudayı aldında shın júrekten bas iydi.
13
Ol duwa etti, Jaratqan Iye de onıń duwasın qabıl etip, jalbarınıwın esitti. Onı jáne Erusalimge, óz taxtına qaytardı. Sonda Menashshe Jaratqan Iyeniń haqıyqattan da Quday ekenin bildi.
14
Bunnan keyin, Menashshe Dawıttıń qalasınıń sırtqı diywalın burınǵıdan da biyik etip qayta qurdı. Bul diywal oypatlıqtaǵı Gixon bulaǵınıń batısınan Ofel tóbesin aynala ótip, Balıq dárwazasınıń kireberisine shekem sozıldı. Patsha Yahudanıń qorǵanlı qalalarınıń hámmesine áskerbasılar tayınladı.
15
Menashshe Jaratqan Iyeniń Úyinen basqa jerlerdiń qudaylarınıń músinlerin, ózi qoydırǵan butlardı, Jaratqan Iyeniń Úyi jaylasqan tawdaǵı hám Erusalimdegi barlıq qurbanlıq orınlardı aldırıp, olardı qaladan shıǵarıp tasladı.
16
Ol Jaratqan Iyeniń qurbanlıq ornın qayta tiklep, onda tatıwlıq hám minnetdarshılıq qurbanlıqların usındı hám Yahuda xalqına Izraildıń Qudayı Jaratqan Iyege xızmet etiwdi buyırdı.
17
Degen menen, xalıq sıyınıw orınlarında qurbanlıq beriwin dawam etti. Biraq olar bergen qurbanlıqların Qudayı Jaratqan Iyege arnaytuǵın edi.
18
Menashsheniń basqa isleri, Qudayına arnalǵan duwası hám Izraildıń Qudayı Jaratqan Iyeniń atınan oǵan aytılǵan wáliydiń sózleri Izrail patshalarınıń jılnama kitabında jazılǵan.
19
Onıń duwası, Qudaydıń oǵan rehim etiwi, barlıq gúnaları, opasızlıǵı, ol ózi boysınǵanǵa shekem qurǵızǵan sıyınıw orınları, kiyeli aǵashları hám butları haqqında barlıǵı Kózi ashıqlardıń kitabında jazılǵan.
20
Menashshe ólip, ata-babalarına qosılǵanda, óz sarayına jerlendi. Onıń ornına ulı Amon patsha boldı.
21
Amon jigirma eki jasında patsha bolıp, Erusalimde eki jıl patshalıq etti.
22
Amon da ákesi Menashshege uqsap, Jaratqan Iyeniń názerinde jawız bolǵan islerdi isledi. Ol ákesi soqtırǵan barlıq butlarǵa qurbanlıq berip, olarǵa xızmet etti.
23
Amon ákesi Menashshege uqsap, Jaratqan Iyege qayta júz burmadı, kerisinshe, gúna islewdi arttıra berdi.
24
Amonnıń xızmetshileri oǵan qarsı til biriktirip, onı óz sarayında óltirdi.
25
Biraq úlke xalqı patsha Amonǵa qarsı til biriktirgenlerdiń hámmesin óltirdi hám onıń ornına ulı Ioshiyanı patsha etip qoydı.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36