bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Karakalpak
/
Институт перевода Библии, 2022
/
2 Chronicles 34
2 Chronicles 34
Институт перевода Библии, 2022
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Ioshiya segiz jasında patsha bolıp, Erusalimde otız bir jıl patshalıq etti.
2
Ol Jaratqan Iyeniń názerinde tuwrı bolǵan islerdi isledi hám ońǵa da solǵa da burılmay, babası Dawıttıń jolınan júrdi.
3
Ioshiya óz patshalıǵınıń segizinshi jılında, ele jas bolsa da, babası Dawıttıń Qudayın izley basladı. Al óz patshalıǵınıń on ekinshi jılı Yahuda menen Erusalimdi sıyınıw orınlarınan, kiyeli aǵashlardan, oyma hám quyma butlardıń músinlerinen tazalay basladı.
4
Onıń basshılıǵında Baallarǵa arnalǵan qurbanlıq orınlar buzıp taslandı, olardıń janındaǵı tútetki tútetiletuǵın orınlar qıyratıldı, kiyeli aǵashlar menen oyma hám quyma butlardıń músinleri maydalanıp, usı butlarǵa qurbanlıq bergenlerdiń qábirleri ústine shashıldı.
5
Ioshiya butqa xızmet etetuǵın ruwxaniylerdiń súyeklerin ózleriniń qurbanlıq orınlarınıń ústinde otqa jaqtı. Usılayınsha ol Yahuda menen Erusalimdi pákledi.
6
Keyin Ioshiya Menashshe, Efrayım, Shimon urıwlarınıń qalalarınan Naftaliy jerlerine deyin hám olardıń qıyrap qalǵan aymaqlarındaǵı
7
qurbanlıq orınlardı, kiyeli aǵashlardı kesti hám butlardı maydalap ezdi. Ol pútkil Izrail eli boylap tútetki tútetiletuǵın orınlardı qıyratıp, sońınan Erusalimge qaytıp keldi.
8
Óz patshalıǵınıń on segizinshi jılında, eldi hám Jaratqan Iyeniń Úyin páklegennen soń, patsha Ioshiya Asaliya ulı Shafandı, qala hákimi Maaseyanı hám diywanbegi Ehoaxaz ulı Ioaxtı Qudayı Jaratqan Iyeniń Úyin ońlaw ushın jiberdi.
9
Olar bas ruwxaniy Xilkiyaǵa barıp, Qudaydıń Úyine alıp kelingen barlıq gúmislerdi oǵan berdi. Bosaǵadaǵı qadaǵalawshı ruwxaniyler bolǵan lebiyliler bul gúmislerdi Menashshe hám Efrayım xalqınan, basqa barlıq izraillılardan, barlıq Yahuda hám Benyamin xalqınan, jáne Erusalim turǵınlarınan jıynaǵan edi.
10
Olar gúmislerdi Jaratqan Iyeniń Úyindegi islerdi baqlaw ushın tayınlanǵan adamlarǵa berdi. Baqlawshılar bunı Úydiń buzılǵan jerlerin dúzetip, ońlap atırǵan jumısshılarǵa tóledi.
11
Qarjınıń bir bólegi ustalar menen qurılısshılarǵa da berilip, olar sol gúmislerge Yahuda patshaları qarawsız qaldırǵan imaratlardı ońlaw ushın, jonılǵan taslar hám baqanlar menen arqalıq aǵashlar satıp aldı.
12
Bul adamlar jumısın hadal isledi. Olardıń ústinen Merariy urpaǵınan lebiyli Yaxat penen Obadiyanı hám Qohat urpaǵınan lebiyli Zexariya menen Meshullamdı baqlawshı etip qoydı. Saz ásbapların jaqsı shertetuǵın barlıq lebiyliler
13
júk tasıwshılardı hám hár bir imarattaǵı hámme jumısshılardı baqlap júrdi. Lebiylilerden ayırımları xatkerler, qadaǵalawshılar hám dárwaza qarawılları xızmetin atqardı.
14
Jaratqan Iyeniń Úyine ákelingen gúmisti alıp shıǵıp baratırıp, ruwxaniy Xilkiya Jaratqan Iyeniń Muwsa arqalı bergen Nızam kitabın tawıp aldı.
15
Xilkiya xatker Shafanǵa: – Men Jaratqan Iyeniń Úyinen Nızam kitabın taptım, – dep, kitaptı Shafanǵa berdi.
16
Shafan kitaptı patshaǵa alıp kelip, oǵan: – Qullarıńız ózlerine tapsırılǵannıń hámmesin islep atır.
17
Olar Jaratqan Iyeniń Úyindegi bar gúmisti alıp, baqlawshılar menen jumısshılarǵa berdi, – dep xabar berdi.
18
Sońınan xatker Shafan: – Ruwxaniy Xilkiya maǵan bir kitap berdi, – dedi hám kitaptı patshaǵa dawıslap oqıp berdi.
19
Patsha Nızam kitabındaǵı sózlerdi esitkende, kiyimlerin jırttı.
20
Ol Xilkiyaǵa, Shafan ulı Axiqamǵa, Mixa ulı Abdonǵa, xatker Shafanǵa hám óz xızmetshisi Asayaǵa bılay dep buyırdı:
21
– Barıp, tabılǵan bul kitaptıń sózleri haqqında men ushın da, Izrail hám Yahuda xalqınıń qalǵanları ushın da, Jaratqan Iyeniń erkin sorańlar. Jaratqan Iyeniń ústimizge jawdıratuǵın ǵázebi ullı, sebebi ata-babalarımız Jaratqan Iyeniń sózine ámel qılmadı. Olar bul kitapta jazılǵanlarǵa say is tutpadı.
22
Ruwxaniy Xilkiya menen patsha jibergen adamlar barıp, Xasranıń aqlıǵı Taqhattıń ulı bolǵan muxaddes kiyimlerge qarawshı Shallumnıń hayalı payǵambar Xulda menen sóylesti. Xulda Erusalimniń taza bóliminde jasaytuǵın edi.
23
Hayal olarǵa bılay dedi: – Izraildıń Qudayı Jaratqan Iye sizlerdi maǵan jibergen adamǵa bılay dep aytıńlar dep atır:
24
«Jaratqan Iye bılay deydi: Yahuda patshasınıń aldında oqılǵan kitapta jazılǵan barlıq náletlerdi, yaǵnıy apatshılıqlardı usı jerge hám ondaǵı xalıqqa jawdırmaqshıman.
25
Olar meni tárk etti hám basqa qudaylarǵa tútetki tútetip, pútkil isleri menen Meniń ǵázebimdi keltirdi. Sonlıqtan bul jerge ǵázebim tógiledi hám ol sónbeydi».
26
Jaratqan Iyeniń erkin soraw ushın sizlerdi jibergen Yahuda patshasına bılay dep aytıńlar: «Izraildıń Qudayı Jaratqan Iye sen esitken sózler tuwralı bılay deydi:
27
Bul jer hám ondaǵı xalıqqa qarsı aytqan sózlerimdi esitkenińde, júregiń ezildi hám Maǵan boysındıń. Sen Maǵan boysınıp, kiyimlerińdi jırtıp, Meniń aldımda jılaǵanlıqtan, Men de seni esittim. Bul Jaratqan Iyeniń sózleri.
28
Sonlıqtan Men seni ata-babalarıńa qosaman, tınıshlıq penen qábirge qoyılasań. Men bul jerge hám bul jerde jasaytuǵınlarǵa jawdıratuǵın hesh bir apatshılıqtı seniń kóziń kórmeydi». Olar bul xabardı patshaǵa jetkizdi.
29
Sonda patsha adam jiberip, Yahuda hám Erusalimniń barlıq aqsaqalların jıynadı.
30
Ol Yahuda xalqın, Erusalim turǵınların, ruwxaniylerdi, lebiylilerdi hám úlkeninen kishkenesine deyingi pútkil xalıqtı ertip, Jaratqan Iyeniń Úyine bardı. Keyin patsha olarǵa Jaratqan Iyeniń Úyinen tabılǵan Kelisim kitabın basınan ayaǵına deyin dawıslap oqıp berdi.
31
Patsha óziniń arnawlı ornında turıp, Jaratqan Iyeniń aldında kelisim dúzdi. Ol Jaratqan Iyeniń jolı menen júrip, Onıń buyrıqların, qararların, qaǵıydaların shın júrekten, jan-táni menen orınlawǵa, usı kitapta jazılǵan kelisim sózlerine ámel qılıwǵa ant ishti.
32
Ol Erusalimde hám Benyamin jerinde jasaytuǵın adamlarǵa usı anttı tastıyıqlawdı buyırdı. Erusalim turǵınları Qudaydıń, ata-babalarınıń Qudayınıń kelisimine sadıq qaldı.
33
Ioshiya Izrailǵa qaraslı barlıq aymaqlardaǵı jerkenishli butlardı alıp taslap, Izrailda jasaytuǵınlardıń hámmesine ózleriniń Qudayı Jaratqan Iyege sıyınıwdı buyırdı. Ioshiyanıń kóziniń tirisinde xalıq ata-babalarınıń Qudayı Jaratqan Iyeniń jolınan taymadı.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36