bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Karakalpak
/
Институт перевода Библии, 2022
/
Matthew 24
Matthew 24
Институт перевода Библии, 2022
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
Iysa Ibadatxanadan shıǵıp baratırǵanda, shákirtleri Oǵan Ibadatxananıń imaratların nusqap kórsetiw ushın qasına keldi.
2
Sonda Iysa olarǵa: – Mınalardıń bárin kórip tursızlar ma? Sizlerge shının aytıp turman: bul jerde tas ústinde tas qalmaydı, hámmesi qıyratıladı, – dedi.
3
Sonnan soń, Ol Záytún tawında otırǵanda shákirtleri awlaqta Onıń qasına kelip: – Ustaz, bunıń qashan bolatuǵının bizlerge aytıp ber. Seniń keliwińdi hám usı zamannıń aqırın qanday belgi bildiredi? – dep soraw qoydı.
4
Iysa olarǵa bılay dep juwap berdi: – Birewlerdiń sizlerdi aldawınan saq bolıńlar!
5
Sebebi kópler Meniń atım menen kelip: «Men – Masiyxpan» dep, kóp adamlardı aldaydı.
6
Sizler urıslardıń shawqımın hám urıslar tuwralı xabarlardı esitesizler, biraq qáweterlenbeńler. Bulardıń bolıwı shárt, biraq bul ele aqırı emes.
7
Óytkeni millet milletke qarsı, patshalıq patshalıqqa qarsı kóteriledi, kóp jerlerde asharshılıqlar hám jer silkiniwler boladı.
8
Al bulardıń hámmesi tolǵaq azabınıń baslanıwına uqsaydı.
9
Sonda sizlerdi qıynawǵa uslap beredi hám óltiredi. Meniń atım ushın barlıq xalıqlar sizlerdi jek kóredi.
10
Sonda kóp adamlar isenimnen qaytadı, bir-birine satqınlıq islep, bir-birin jek kóredi.
11
Kóplegen jalǵan payǵambarlar payda bolıp, kóp adamlardı aldaydı.
12
Nızamsızlıq kóbeygenlikten, kóp adamlardıń súyispenshiligi suwıydı.
13
Biraq, aqırına deyin shıdaǵan qutqarıladı.
14
Aspan Patshalıǵı tuwralı Xosh Xabar pútkil jer júzine járiyalanıp, barlıq xalıqlarǵa gúwalıq boladı. Sonnan keyin, usı zamannıń aqırı keledi.
15
– Al Daniel payǵambar aldın ala aytqan wayran qılatuǵın jerkenishli bir zattıń muxaddes orında turǵanın kórgenińizde, – payǵambardıń jazıwın oqıǵan adam bul zattıń mánisin túsinsin, –
16
Yahudiyadaǵılar tawlarǵa qashsın.
17
Kim de kim tamnıń tóbesinde bolsa, úyinen bir nárse alıw ushın tómenge túspesin.
18
Kim de kim atızda bolsa, shapanın alıw ushın izine qaytpasın.
19
Sol kúnleri júkli hám emiziwli hayallarǵa qanday qıyın boladı!
20
Qashatuǵın waqıtlarıńız qıs máwsimine yamasa Shabbat kúnine tuwrı kelmesin dep, duwa etińler.
21
Sebebi sonda dúnya jaratılǵannan beri usı kúnge deyin bolmaǵan hám qaytıp bolmaytuǵın ullı apat boladı.
22
Eger sol kúnler qısqartılmaǵanda, hesh kim de qutqarılmaǵan bolar edi, biraq tańlap alınǵanlar ushın, sol kúnlerdi qısqartadı.
23
Sonda eger sizlerge birew: «Qarańlar, Masiyx bul jerde!» yamasa: «Ol ana jerde» dese isenbeńler.
24
Óytkeni jalǵan masiyxlar hám jalǵan payǵambarlar payda bolıp, eger múmkin bolsa, tańlap alınǵanlardı da aldaw ushın, ullı káramatlı belgiler hám tań qalarlıq islerdi kórsetedi.
25
Dıqqat etińler! Men sizlerge aldın ala aytıp atırman.
26
Solay etip, eger sizlerge: «Mine, Ol shólistanda!» dese, shıqpańlar yamasa: «Ol jasırın bólmelerde» dese, isenbeńler.
27
Sebebi Adam Ulınıń keliwi shıǵısta payda bolıp, aspan boylap batısqa zuwlap ótken jıldırımday boladı.
28
Ólik qay jerde bolsa, quzǵınlar sol jerge jıynaladı.
29
– Sol kúnlerdiń apatınan soń, «Birden quyash qarańǵılanadı, Ay óz jaqtısın túsirmeydi, Juldızlar aspannan túsip, Aspan kúshleri silkinedi».
30
Sonda aspanda Adam Ulınıń káramatlı belgisi kóringende, jer júzindegi barlıq xalıqlar jılay baslaydı. Olar Adam Ulınıń ullı qúdiret hám saltanat penen aspandaǵı bultlardıń ústinde kiyatırǵanın kóredi.
31
Kárnaydıń kúshli dawısı menen Ol Óziniń perishtelerin jiberedi hám olar dúnyanıń tórt tárepinen, aspannıń bir shetinen baslap ekinshi shetine deyin, Onıń tańlap alǵanların jıynap keledi.
32
– Ánjir aǵashın mısalǵa alıńlar: onıń shaqaları jumsarıp, japıraq shıǵara baslaǵanda, jazdıń jaqın ekenin bilesizler.
33
Sol sıyaqlı, sizler usılardıń hámmesin kórgenińizde Adam Ulınıń jaqınlap, esik aldında turǵanın bilińler!
34
Sizlerge shının aytıp turman: bul áwlad joq bolıp ketpesinen burın bulardıń hámmesi boladı.
35
Aspan menen jer joyıladı, biraq Meniń sózlerim hesh qashan joyılmaydı.
36
– Biraq, sol kúndi hám sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi.
37
Nuxtıń zamanında qalay bolǵan bolsa, Adam Ulı kelgende de solay boladı.
38
Óytkeni topan suwınan burın, Nux kemege mingen kúnge deyin, adamlar iship-jedi, úylendi, turmısqa shıqtı.
39
Topan suwı basıp, bárin qırıp joyǵanǵa deyin, olar ańǵarmadı. Adam Ulı kelgende de solay boladı.
40
Sol waqıtta eki adam atızda bolsa, birewi alınıp, ekinshisi qaldırıladı.
41
Eki hayal digirman tartıp otırsa, birewi alınıp, ekinshisi qaldırıladı.
42
Solay etip, sergek bolıńlar! Sebebi Iyeńizdiń qashan keletuǵının bilmeysizler.
43
Mınanı bilip qoyıńlar: eger úy iyesi urınıń túnniń qaysı waqtında keletuǵının bilse uyıqlamay, úyine urınıń buzıp kiriwine múmkinshilik bermegen bolar edi.
44
Sonlıqtan sizler de tayar bolıp turıwıńız shárt! Óytkeni Adam Ulı sizler oylamaǵanda keledi.
45
Iyesi úy-ishimdegilerdi basqarsın hám olarǵa waqtında awqatın bersin dep tayınlaǵan isenimli hám aqıllı xızmetshi kim?
46
Iyesi kelgende onıń solay islep atırǵanın kórse, sol xızmetshi baxıtlı!
47
Sizlerge shının aytıp turman: iyesi onı óziniń pútkil mal-múlkin basqarıwshı etip tayınlaydı.
48
Al eger sol xızmetshi jaman bolıp, ishinen: «Iyem tez kele qoymas», – dep oylap,
49
xızmetshi joldasların sabap, máskúnemler menen birge iship-jese,
50
sonda sol xızmetshiniń iyesi kútpegen kúni hám oylamaǵan waqıtta kelip,
51
onı ayawsız jazalap, eki júzlilerdiń awhalına saladı. Sol jerde ol jılap, pushayman jeydi.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28