Malachi 4

Kamba (Mbivilia) 1956

← Chapter 3 Jump to:

1Nundũ, sisyai, mũthenya nĩwũkĩte, wakanĩte ta iko ĩnene; na ekathĩĩi onthe, na onthe ala mekaa ũthũku, makeethĩwa ũa; na mũthenya ũla wũkĩte ũkamavĩvya vyũ, mũvaka ndũkamatialya mũi o na ũvonge, easya ũu Yeova wa nguthu.

2Ĩndĩ kwa inyw’ĩ ala mũkĩaa syĩtwa yakwa syũa ya ũlũngalu yĩkauma yĩ na wovosyo nthwaunĩ syayo; nenyu mũkaumaala, na kũtũva ta tũsaũ twa kĩtũũnĩ.

3Na mũkakinyangĩa ala athũku nthĩ; nũndũ makeethĩwa mũu ungu wa nyaĩĩ syenyu mũthenya ũla nĩtw’a, easya ũu Yeova wa nguthu.

4Lilikanai, inyw’ĩ, mĩao ya Mose mũthũkũmi wakwa, ũla namwĩaĩe ku Olevu nũndũ wa Isilaeli onthe, o myamũlo na motw’ĩo.

5Sisyai, ngatũma mwathani Eliya kwenyu mbee wa mũthenya mũnene na wa ũtĩsya wa Yeova ũtanoka.

6Na akathyũũa ngoo sya aaĩthe syelekele syana, na ngoo sya syana syelekele aaĩthe masyo; ndikese kũka na kũmĩkũna nthĩ na kĩumo.

← Chapter 3 Jump to: