Nahum 2

Kamba (Mbivilia) 1956

← Chapter 1 Jump to: Chapter 3 →

1Ũla ũvevenzaa tũlungu nĩwakwambatĩĩa: sũvĩa ngome, syaĩĩsya nzĩa, ĩkia kĩnyunyu kyaku vinya, lũlũmĩlya ũtonyi waku mũno mũnene.

2Nũndũ Yeova nũnũkũtũnga ũnene wa Yakovo, o ta ũnene wa Isilaeli; nũndũ amini nĩmamaminĩte, na kwananga mbonge syoo sya mĩsavivũ.

3Ngao ya ngũmbaũ syake nĩ ndunĩvye, andũ me ũkũmbaũ mekĩĩte ngũa ndune mũno: makasya ma kaũ me iaa nĩmatisatisaa mũthenya wa kwĩyũmban’ya kwake, na matumo ma mĩtalakwe nĩmavyũlavyũlaw’a.

4Makasya ma kaũ nĩmasembaa nzĩanĩ nene ta mekũũũka; nĩmaendaa mĩtũkĩ kũũ na kũũ nzĩanĩ nthanthau: mwonekele wamo ũilyĩ ta mĩmũĩ; nĩmasembaa o ta motisi.

5Nũlilikanaa anene make me ndaĩa: nĩmalulutĩkaa mĩtambĩlyenĩ yoo; nĩmekalaatĩlaa ũvainĩ wayo, na kĩla kĩsiĩĩaa nĩkyũmbanaw’a.

6Mbingĩlo sya mbũsĩ nĩ mbingũe, na nyũmba nene mbanakavye nĩ mbanangĩku.

7Usavu nũvuĩtwe, nũtwaĩtwe kũasa; na athũkũmi make eĩtu nĩmang’ulasya ta wasya wa mavũĩ, makĩkũnanga ithũi syoo.

8Ĩndĩ Nineva yatwĩe ĩtilyĩ ndia ya kĩw’ũ kuma tene: ĩndĩ nĩmeũkĩa. Mamanĩĩsyaa, Ũngamai, ũngamai; ĩndĩ vati ũsisya na ĩtina.

9Tavai vetha, tavai thaavu; nũndũ vatĩ mũminũkĩlyo wa syĩndũ mbie, ũtaĩo wa mĩio mĩseo yonthe.

10Ndĩ na kĩndũ, na nĩ nthei, na mbanange na ngoo nĩnĩũtweka, na mau kũkũnangana, na woo wĩ inyunyunĩ syonthe, na mothyũ moo onthe nĩ maalyũku.

11Kĩĩva kĩsumo kya mĩnyambũ, na vala ĩĩthĩaw’a mĩnyambũ ya mũika, vala mũnyambũ na mũnyambũ mũka yangangaa, na ĩswii ya mũnyambũ, na vate wa kũmĩtelemya?

12Mũnyambũ watembũangaa tũlungu twĩanĩu nũndũ wa tũswii twaw’o, na kwita nũndũ wa mĩnyambũ yaw’o mĩka, na kusũsya ngunga syaw’o na sya nzyĩma, na isumo syaw’o na kĩla ũtembũangĩte.

13Sisya, nĩ ũndũ naku, easya ũu Yeova wa nguthu, na ngavĩvĩsya makasya make ma kaũ nthĩnĩ wa syũki, na ũvyũ ũkamina mĩnyambũ yaku ya mũika; na ngaveta sya nzyĩma syaku syume nthĩ, na wasya wa atũmwa maku ndũkew’ĩka ĩngĩ.

← Chapter 1 Jump to: Chapter 3 →