bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Corinthians 1
1 Corinthians 1
Kamba (MBIVILIA ŨVOO MŨSEO)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
1
Kuma vala nĩĩ nyie Vaũlo, ũla neetiwe kwendanĩ kwa Ngai nĩtw'ĩke mũtũmwa wa Klĩsto Yesũ, na kuma kwa mwana-a-asa waitũ Sosithene.
2
Valũa ũũ nĩ kwenyu ĩkanisa ya Ngai yĩla yĩ Kolintho, inyw'ĩ ala mũtheetw'e nthĩnĩ wa Klĩsto Yesũ, na mwĩtĩtwe mwĩthĩwe andũ atheu, vamwe na andũ onthe ma kĩla vandũ ala mamũthaithaa Mwĩai waitũ Yesũ Klĩsto, ũla nĩ Mwĩai woo na Mwĩai waitũ:
3
Mumo na mũuo nĩsyĩthĩwe nenyu kuma kwa Ngai Asa waitũ, na kuma kwa Mwĩai Yesũ Klĩsto.
4
Nĩtũngĩaa Ngai mũvea kĩla ĩvinda kwondũ wenyu, nũndũ wa mumo wake ũla ũmũnengete kwĩsĩla kwa Klĩsto Yesũ.
5
Nĩkwĩthĩwa kwĩsĩla kwake inyw'ĩ nĩmũthuĩtw'e maũndũnĩ onthe; nĩmũnengetwe ũneeni na ũmanyi w'onthe.
6
Ũvoo ĩũlũ wa Klĩsto nĩ mũlũmu yu nthĩnĩ wenyu,
7
ũkethĩa vai mũthĩnzĩo wa kĩ-veva ũmwaĩaa mweteelete kũvuanw'a kwa Mwĩai waitũ Yesũ Klĩsto.
8
O ta ũu akamũlũlũmĩĩlya kũvika mũminũkĩlyo, nĩ kana mwĩĩthĩwa mũte na ĩvĩtyo Mũthenyanĩ wa kũka ĩngĩ kwa Mwĩai waitũ Yesũ Klĩsto.
9
Ngai nĩ mũĩkĩĩku, ũla ũmwĩtĩte mwĩthĩwe mwĩ mũamba na Mwana wake Mwĩai waitũ Yesũ Klĩsto.
10
Nĩngũmwĩsũva mbaitũ, ĩsyĩtwanĩ ya Mwĩai waitũ Yesũ Klĩsto inyw'onthe mwĩthĩwe na mwĩw'ano, na kũikethĩwe na ũtilĩkangano katĩ wenyu, ĩndĩ mwĩthĩwe na kĩsũanĩo kĩmwe na kĩeleelo o kĩmwe.
11
Nũndũ nĩndavĩtw'e nĩ andũ amwe ma mũsyĩ wa Kĩloe kana kwĩ na kũtetany'a katĩ wenyu.
12
Kĩla ngũweta nĩ kĩĩ: Kĩla ũmwe wenyu easya, “Nyie nĩ wa Vaũlo,” kana, “Nyie nĩ wa Avolo,” kana, “Nyie nĩ wa Vetelo,” kana, “Nyie nĩ wa Klĩsto.”
13
Klĩsto ko mũaany'e? Vaũlo nĩwe wakwie ngelany'onĩ kwondũ wenyu? Kana mwaavatiswa ĩsyĩtwanĩ ya Vaũlo?
14
Nĩtũngĩa Ngai mũvea nũndũ vai ũmwe wenyu nyie naavatisa, eka Kĩlisivo na Kaio,
15
ũndũ ũmwe wenyu wĩsa kwasya mwavatisiwe ĩsyĩtwanĩ yakwa.
16
Ĩĩ, nĩngũlilikana nĩnavatisie Sitevana na andũ ma mũsyĩ wake, ĩndĩ eka asu, ndyĩsĩ kana naavatisa mũndũ ũngĩ.
17
Nĩkwĩthĩwa Klĩsto ndaandũma kũvatisa andũ; andũmie nĩtavany'e Ũvoo Mũseo, na ngĩũtavany'a ndeũtũmĩa ndeto sya ũĩ wa kĩ-mũndũ, nĩ kana kĩkw'ũ kya Klĩsto ngelany'onĩ kĩikoswe ta kya mana.
18
Ũvoo wa Klĩsto wa kũkw'a ngelany'onĩ nĩ ũtumanu kwa ala mekwaa, ĩndĩ kwitũ ithyĩ ala tũũtangĩĩwa, nĩ wonany'o wa ũtonyi wa Ngai.
19
Nũndũ Maandĩko Matheu maĩtye: “Ngaananga ũĩ wa ala oĩ, ngaveta ũmanyi wa ala me na ũmanyi.”
20
Kwoou aĩva yu ũla mũndũ mũĩ? Aĩva yu ũla mũmanyĩsya wa mĩao? Aĩva yu ũla mũndũ ũtasindĩka maũndũnĩ ma ngananĩo ĩvindanĩ yĩĩ tũĩ? Ngai nũtw'ĩkĩthĩtye ũĩ wa nthĩ ĩno kwĩthĩwa ũtumanu.
21
Nĩkwĩthĩwa ũĩnĩ wa Ngai, nthĩ ndyaamũmanya kwĩsĩla ũĩnĩ wayo; Ngai endie kũtangĩĩa ala maĩkĩĩaa kwĩsĩla kĩla kyosawa kwĩthĩwa ũtumanu, nakyo nĩ kĩla ithyĩ tũtavanasya.
22
Ayuti mo mendaa maĩkĩĩthw'e na syama, namo Akiliki mamanthaa ũĩ.
23
Ĩndĩ naitũ tũtavanasya Klĩsto ũla wambiwe, o yĩla kwa Ayuti nĩ ũluluutĩkyo, na kwa Andũ-ma-mbaĩ-ingĩ nĩ ũtumanu mũnene.
24
Ĩndĩ kwa andũ ala Ngai wĩtĩte, Ayuti o vamwe na Andũ-ma-mbaĩ-ingĩ, Klĩsto nĩ ũtonyi wa Ngai na nĩ ũĩ wa Ngai.
25
Nũndũ ũla wonekaa ta ũtumanu wa Ngai wĩthĩawa wĩ ũĩ mwingĩ kwĩ ũĩ wa mũndũ, na kĩla kyonekaa ta wonzu wa Ngai kĩ vinya kwĩ vinya wa mũndũ.
26
Mbaitũ, kwa sũanĩai ũndũ mwailyĩ Ngai aimwĩta; ti aingĩ menyu maĩ oĩ kwĩanana na ũĩ wa nthĩ ĩno, o na ti aingĩ menyu maĩ na ũkũmũ kana masyaĩtwe mĩsyĩnĩ yĩ nguma.
27
Ĩndĩ Ngai anyuvie ala monekaa kũũ nthĩ kwĩthĩwa atumanu nĩ kana asonokye ala oĩ, na anyuva ala monekaa mate na ũtonyi nĩ kana asonokye ala me na ũtonyi.
28
Ngai anyuvie kĩla kĩtanengawe ndaĩa kũũ nthĩ na kĩvũthĩĩaw'a na kyonekaa kĩte kĩndũ, nĩ kana atw'ĩkĩthye sya mana syĩndũ ila syonekaa syĩ sya vata.
29
Eekie ũu nĩ kana vaikethĩwe mũndũ ũtonya kwĩkathĩĩa mbee wa Ngai.
30
Nĩ kwondũ wa Ngai inyw'ĩ mwĩ nthĩnĩ wa Klĩsto Yesũ, ũla Ngai ũmũtw'ĩkĩthĩtye ũĩ witũ, ũlũngalu witũ, ũtheu witũ na ũtangĩĩo witũ.
31
Kwoou o tondũ Maandĩko Matheu maĩtye, “Ũla ũkwenda kwĩkathĩĩa, nĩekathĩĩe nthĩnĩ wa Mwĩai.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
All chapters:
1
2
3
4
5
6
7
8
9
10
11
12
13
14
15
16
Recommended Reading
Commentary
1 Corinthians Commentaries
→
Devotional
1 Corinthians Devotional Guide
→
Get This Bible
Kamba (MBIVILIA ŨVOO MŨSEO) Study Bible
→