bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ecclesiastes 10
Ecclesiastes 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
O tondũ ngi ngw'ũ itumaa mauta me mũuke mũseo manyunga naĩ, now'o ũtumanu mũnini wanangaa ũĩ na ndaĩa ya mũndũ.
2
Mosũanĩo ma mũndũ mũĩ nĩmamũtongoeasya kwĩka ũndũ ũla waĩlĩte, ĩndĩ mosũanĩo ma mũndũ mũtumanu nĩmamũtongoeasya kwĩka ũndũ ũla ũtaĩlĩte.
3
Ũtumanu wake nũmanyĩkaa nĩ ala matamwĩsĩ makomana nake nzĩanĩ; nũtumaa kĩla mũndũ amanya kana nĩ mũtumanu.
4
Ethĩwa mũnene waku nĩwathatw'a nue, ndũkatie wĩa, nũndũ mavĩtyo manene makaekewa weethĩwa wĩ mũuu.
5
Ve ũndũ mũthũku nonete ĩũlũ wa nthĩ wumanaa na atongoi:
6
Andũ ala atumanu nĩmanengawe mawĩa ala ma ndaĩa, ĩndĩ ala maĩlĩte kũnengwa mawĩa asu mainengwa mawĩa mate ndaĩa.
7
Nĩnonete ngombo ikuĩtwe nĩ mbalasi, na ngona andũ ma ndaĩa maendete na maũũ ta ngombo.
8
Ũla wĩnzaa ĩima nowe wĩsaa kũlika vo; ũla ũomboaa ũkũta esaa kũũmwa nĩ nzoka.
9
Ũla wasaa mavia esaa kũũmĩw'a nĩmo, na o ta ũu ũla walasya ngũ ethĩawa mũisyonĩ wa kũũmĩw'a nĩsyo.
10
Ethĩwa ĩthoka nĩ ĩtuvu na mũndũ ndekwenda kũyĩnoa, no nginya mũndũ ũsu atũmĩe vinya mwingĩ aithũkũma nayo. Ũĩ nũtumaa mũndũ eka maũndũ kwa nzĩa ĩla yaĩlĩte.
11
Ethĩwa nzoka nĩyaũma mũndũ ĩtanamba kũvoovw'a, vayĩthĩawa vata wa kũmĩvoovya.
12
Ndeto sya mũndũ mũĩ nitumaa ethĩwa na maũndũ maseo, ĩndĩ ndeto sya mũndũ mũtumanu nitumaa asya ndaĩa.
13
Mũndũ mũtumanu ambĩĩa kũneena, aneenaa ndeto sya ũtumanu, na akĩminũkĩlya na ndeto nthũku mũno.
14
Ndia ĩendeeaa kũneena ĩte kũnoa. Vai mũndũ o na wĩva wĩsĩ kĩla kĩkilyĩ kwĩkĩka; na vai ũmwe ũtonya kũweta kĩla kĩkethĩwa ĩtina wa kũkw'a kwitũ.
15
Mũndũ mũtumanu atethasya wĩa mwingĩ, ũkethĩa o na ndamanya nzĩa ya kwĩnũka.
16
Kyeva nĩ kwa andũ ma nthĩ ĩla mũsumbĩ wayo nĩ kĩmwana, na atongoi ala angĩ mayo maokeaa kũnyw'a ũkĩ.
17
Ũtanu nĩ kwa andũ ma nthĩ ĩla mũsumbĩ wayo nĩ mũndũ wĩ mosũanĩo ma ũima, na atongoi mayo maĩsaa na kũtana ĩvinda yĩla yaĩlĩte nĩ kana makwate vinya, ĩndĩ ti kwondũ wa ũthengi.
18
Ethĩwa mũndũ nĩ mũtulu ũndũ ũtaseũvya kĩala kya nyũmba yake, kĩala kĩu kĩkatũlĩka na nyũmba ĩsu ĩyambĩĩa kusya.
19
Mboka ĩseũvaw'a ĩtanĩthye andũ, na ndivai kwĩw'ĩthya andũ mũyo, ĩndĩ maũndũ asu maitonyeka vate mbesa.
20
Ndũkamũneenee kana kũmwĩsilĩlya mũsumbĩ naĩ, o na ndũkaumange mũndũ mũthwii wĩvithĩte vandũ nyũmba nthĩnĩ; kĩtheka kĩ matũ na andũ asu makeew'a ndeto syaku.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12