bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ecclesiastes 12
Ecclesiastes 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
1
O ta ũu lilikana Mũmbi waku ĩvindanĩ yĩĩ wĩ mũndũ wa mũika, nũndũ mĩthenya na myaka ya mathĩna nĩyũkĩte, yĩla ũkasya atĩĩ, “Ndiũtanĩa thayũ.”
2
Ĩvinda yĩu kyeni kya syũa, mwei na ndata kĩkaeka kwoneka, na kũyĩthĩwa matu ma mbua matekũvĩta.
3
Nĩvo ĩndĩ moko maku ala weesiĩĩaa namo makathĩlĩa, na maũũ maku ala me na vinya yu makethĩwa me monzu. Maeo maku makeethĩwa me manini ũndũ ũtatanyuka lĩu, na metho maku maieka kwona nthĩ nesa.
4
Ũkaeka kwĩw'a wasya wa andũ me nzĩanĩ na wa kĩthii kĩũthia, kana wa andũ mekwina, ĩndĩ ũkaamũkaw'a nĩ wasya wa kasũni!
5
Ũkakĩaa kũũngama kũndũ kũla kũtũlu, na kũthi kũkeethĩawa kwĩ thĩna kwaku. Nzw'ĩĩ sya mũtwe waku ikeeũva; ndũkethĩwa ũtonya kũthi wĩkalaatĩte, na ndũkethĩwa na mawendi. Nĩvo ĩndĩ mũndũ ũkusaa, na andũ maithi maĩĩte nũndũ wake.
6
Ũlii wa silĩva ũkatw'ĩka, na taa wa thaavu ũivalũka na kwanangĩka; ĩkanda ya kĩthimanĩ yĩkatw'ĩka na mũtũngi wa kĩw'ũ ũyanangĩka.
7
Mĩĩ ya andũ ĩkasyoka mũthanganĩ vala yaumie, na thayũ ũisyoka kwa Ngai vala waumie.
8
Nĩ mana, nĩ mana, easya ũu Mũtavany'a. Maũndũ onthe nĩ mana.
9
O vamwe na kwĩthĩwa na ũĩ, Mũtavany'a nĩwamanyĩisye andũ kwĩthĩwa na ũmanyi. Nĩwasũanĩie mũno ĩũlũ wa nthimo na amantha kũelewa nĩsyo, na kũiandĩka iatĩanĩe nesa.
10
O ta ũu Mũtavany'a nĩwatatie kũmantha ndeto sya kwendeesya, na kĩla waandĩkie kyaĩ kĩlũngalu na kya w'o.
11
Ndeto sya mũndũ mũĩ nĩ ta ndata ĩla mũĩthi ũtũmĩaa akĩĩthya, na nthimo syĩ kĩvathũkany'o iilyĩ ta mĩsumaa ĩla ĩathĩĩawa ĩkakwatany'a syĩndũ ikalũma ki. Nthimo ii syumĩte kwa Ngai ũla nĩ Mũĩthi waitũ ithyonthe.
12
Mwana wakwa, ĩsũvĩane na ndeto ingĩ sya ũĩ, ila itonya kwongeleelwa ila syĩ ĩvukunĩ yĩĩ. Kũandĩkwa kwa mavuku kũithelaa, na kũsoma kwingĩ nĩkũtumaa mũndũ akwatwa nĩ mĩnoo mingĩ.
13
Ĩtina wa maũndũ asu onthe, no ũndũ ũmwe tũ ndonya kwasya: Ĩthĩwa na kĩkĩo kya Ngai na ũyĩkaa ũndũ mĩao yake ĩkwasya, nũndũ ũu nĩw'o mũndũ woombiwe ekae.
14
Ngai akasilĩla andũ kwondũ wa meko moo ala meekie, o na ethĩwa meekĩiwe kĩmbithĩnĩ, me maseo kana me mathũku.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
All chapters:
1
2
3
4
5
6
7
8
9
10
11
12