bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ephesians 5
Ephesians 5
Kamba (MBIVILIA ŨVOO MŨSEO)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
Ĩkalaai mũyĩyĩelekany'a na Ngai, nũndũ mwĩ syana syake ila wendete.
2
O ĩngĩ ĩkalaai mũyendana ũmwe kwa ũla ũngĩ, o ũndũ Klĩsto watwendie na eenengane mwene kwondũ witũ ta nthembo yĩ mũuke mũseo ĩthembeetwe Ngai.
3
Ĩndĩ katĩ wenyu vaikawetwe molaalai kana ũvuku wa mũthemba o na wĩva kana mawendi, nĩkwĩthĩwa maũndũ ma mũthemba ũsu mayaĩlĩte o na kũwetwa katĩ wa aĩkĩĩi.
4
O ta ũu mũikaneenae ndeto syĩ nthoni, kana sya ũtumanu, kana sya kũvũa ngũĩ, ĩndĩ kavaa mwĩkalae mũitũngĩa Ngai mũvea.
5
Nĩmwaĩlwe nĩ kũmanya kwa w'o kana vai mũndũ o na wĩva wĩkaa ũlaalai, kana maũndũ mavuku, kana wĩ ĩtomo, nũndũ ĩtomo nĩ mũthemba wa kũthaitha mĩvw'anano, ũkethĩwa na mwanya wa kũlika ũsumbĩnĩ wa Klĩsto na wa Ngai.
6
Mũikaeke mũndũ o na ũmwe amũkenge na ndeto sya mana, nũndũ maũndũ ta aa nĩmatumaa Ngai asilĩla andũ ala matamwĩw'aa.
7
Kwoou mũikethĩwe mwĩ na ngwatanĩo na andũ ala mekaa maũndũ ta asu.
8
Navu mbeenĩ mwekalaa kĩvindunĩ, ĩndĩ yu mwĩkalaa kyeninĩ, nĩkwĩthĩwa nĩmũtw'ĩkĩte ma Mwĩai. Kwoou ĩkalaai ta syana sya kyeni kĩu,
9
nakyo kyeni nĩkyonekaa kĩyĩyumĩlya maũndũnĩ onthe maseo, ala maĩlu, na ala maw'o.
10
Tatai kũmantha nĩ kyaũ kĩla kĩmwendeeasya Mwĩai.
11
Mũikethĩwe na ngwatanĩo na andũ ala mekaa maũndũ asu ma kĩvindu, ĩndĩ mony'ei mavĩtyo moo.
12
Nĩkwĩthĩwa o na ve nthoni kũweta maũndũ asu mekaa mevithĩte.
13
Ũndũ o na wĩva waumĩlw'a kyeninĩ nĩwonekaa nĩ andũ onthe,
14
na ũitw'ĩka wa kyeni. Kĩu nĩkyo kĩtumi Maandĩko Matheu maĩtye, “Amũka we ũkomete, na ũithayũũka kuma kĩkw'ũnĩ, na Klĩsto akakũnenga kyeni.”
15
Kwoou ĩsũvĩei ũndũ mwĩkalaa. Mũikekale ta andũ atumanu, ĩndĩ ĩkalaai ta andũ oĩ.
16
Tũmĩaai nesa kamwanya kala mwakwata, nũndũ yĩĩ nĩ ĩvinda ya mothũku.
17
Mũikethĩwe mwĩ atumanu, ĩndĩ tatai kũmantha kwenda kwa Mwĩai kũla mwaĩlĩte kwĩanĩsya.
18
Mũikeyanange kwa kũnyw'a ndivai mũkamilwa, ĩndĩ usũwai nĩ Veva Mũtheu.
19
Ĩkalaai mũitaana na ndeto sya kĩ-veva, na kwinaa mbathi sya kũmũtaĩa Ngai na ingĩ sya kĩ-veva, mũimwinĩaa Ngai kuma ngoonĩ na mawasya ma kwendeesya.
20
Tũngĩaai Ngai mũvea kĩla ĩvinda ĩsyĩtwanĩ ya Mwĩai waitũ Yesũ Klĩsto kwondũ wa maũndũ onthe.
21
Ĩkalaai mũyĩnyivanĩsya ũmwe kwa ũla ũngĩ, nũndũ wa kĩkĩo kya Klĩsto kĩla mwĩ nakyo.
22
Iveti ĩnyivĩsyei aũme menyu o tondũ mwĩnyivĩasya Mwĩai.
23
Nũndũ mũndũ-ũme kwa mũka wake nĩ ta mũtwe na mwĩĩ, o ũndũ Klĩsto nĩ mũtwe wa ĩkanisa, nayo ĩkanisa nĩ mwĩĩ wake, na nĩwe Mũtangĩĩi wayo.
24
Kwoou o tondũ ĩkanisa yĩmwĩnyivĩasya Klĩsto, o nasyo iveti nĩsyĩnyivĩasye aũme masyo.
25
Nenyu aũme endai iveti syenyu o tondũ Klĩsto wendie ĩkanisa, na eenengane mwene akw'e kwondũ wayo.
26
Eekie ũu nĩ kana avathe ĩkanisa yĩthĩwe ĩtheu kwa ũtonyi wa ndeto yake, ĩtina wa kũyĩthesya na kĩw'ũ,
27
nĩ kana akwate ĩkanisa ya kũmwendeesya, yĩtethokoanĩtye na naĩ, kana na ũndũ ũte ũlũngalu, kana ũndũ ũngĩ wa mũthemba ta ũsu, ĩndĩ yĩthĩwe yĩ ĩtheu na yĩtawetanĩw'a na ũndũ mũthũku o na wĩva.
28
Kwoou aũme maĩlĩte kũsyenda iveti syoo o tondũ mendete mĩĩ yoo ene. Mũndũ-ũme ũla wendete kĩveti kyake ethĩawa ayĩyenda mwene.
29
Vai mũndũ ũmenaa mwĩĩ wake, ĩndĩ nũĩsaa nesa aũĩthye na kũũsũvĩa, o tondũ Klĩsto ũĩthasya na kũsũvĩa ĩkanisa,
30
nĩkwĩthĩwa ithyĩ aĩkĩĩi twĩ mamutha ma mwĩĩ wake.
31
Maandĩko Matheu maĩtye, “Kĩu nĩkyo kĩtumaa mũndũ-ũme auma kwa ĩthe na nyinyia, na kũlũmany'a na mũka wake, na elĩ maitw'ĩka kĩndũ kĩmwe.”
32
Kĩĩ nĩ kĩmbithĩ kĩnene na kya mwanya, na kĩla ngũweta kĩkonetye Klĩsto na ĩkanisa.
33
Ĩndĩ nyie nĩasya atĩĩ: Kĩla mũndũ-ũme nĩende kĩveti kyake o ũndũ wĩyendete mwene, nakyo kĩveti nĩkĩnenge mũũme wakyo ndaĩa.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6