bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ephesians 6
Ephesians 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
Syana mew'ei asyai menyu nũndũ ũu nĩw'o waĩlĩte, nĩkwĩthĩwa mwĩ ma Mwĩai.
2
Mwĩao ũla wa mbee Ngai wathanĩte kĩndũ waĩtye, “Nenga ĩthe waku na inyia waku ndaĩa,
3
nĩ kana maũndũ maku methĩwe me maseo, na ũyĩkala ĩvinda ĩasa ĩũlũ wa nthĩ.”
4
Nenyu asyai mũikeke ũndũ ũtuma syana syenyu ithata, ĩndĩ ieei kwa kwimanyĩsya na kũitaa na momanyĩsyo ma ndeto ya Mwĩai.
5
Athũkũmi ĩthĩawai mwĩ ewi kwa anene menyu ma kũũ nthĩ, mwĩ na kĩkĩo na ndaĩa nene; thũkũmaai ta mũũthũkũma Klĩsto.
6
Mũikathũkũmae nĩkwĩthĩwa nĩmamũsyaĩĩsye, ta mũũmantha kũmendeesya, ĩndĩ ĩkaai kĩla kĩmwendeeasya Ngai kuma ngoonĩ ta mwĩ athũkũmi ma Klĩsto.
7
Tethasyai wĩa wenyu na ngoo ya kwenda ta mũũthũkũma Mwĩai, na ti andũ.
8
Manyai kana wĩa w'onthe mũseo ũla mũndũ o na wĩva ũtethasya, o na ethĩwa nĩ mũthũkũmi kana ti mũthũkũmi, akanengwa ĩtuvi yĩanĩu ya wĩa ũsu nĩ Mwĩai.
9
Nenyu anene ĩkaai o ta ũu, na mũikethĩawe mũitelemangya athũkũmi menyu, nĩkwĩthĩwa nĩmwĩsĩ kana mũnene wenyu inyw'onthe e ĩtunĩ na nde wendeesyo.
10
Kwa kũminũkĩlya, ĩthĩwai na vinya nthĩnĩ wa Mwĩai na kũtonyethw'a nĩ vinya wake.
11
Ĩkĩai mĩio yonthe ya kaũ wa kĩ-veva ĩla Ngai ũmũnengete, nĩ kana mwĩthĩawe mũtonya kwĩsiĩĩa mĩvango mĩthũku ya mawũĩ ma Satani.
12
Nũndũ tũikũkita kaũ wa mũndũ na ũngĩ, ĩndĩ twĩũkita na mokũmũ, motonyi na ala masumbĩkĩte ĩũlũ wa nthĩ ĩvinda yĩĩ ya mothũku maingĩ, na ala angĩ masumbĩkĩte yayayanĩ na ũtonyi.
13
Kwoou tũmĩaai mĩio yonthe ya kũkita kaũ wa kĩ-veva, nĩ kana mwĩthĩawe mũtonya kũkita na mũmaitha mũthenyanĩ wa mothũku. Ĩtina wa kũkita, mũkaendeeaa o kwĩthĩwa mwĩ alũmu.
14
Kwoou ĩthĩwai mwĩ alũmu mũĩkĩĩonĩ; ĩlũlũmĩĩlyeĩ ta mwĩyovete mũsivi inyunyunĩ kwa kũneena ũla w'o; ĩkaai ũla ũlũngalu ta w'o ngao yenyu ya kĩthũi,
15
na mũyĩthĩwa mwĩyũmbanĩtye kũthi kũtavany'a Ũvoo Mũseo wa mũuo; kwĩyũmbany'a kũu nĩ ta kw'o iatũ maũũnĩ menyu.
16
Ĩũlũ wa maũndũ asu onthe, ĩthĩwai na mũĩkĩĩo ta w'o ngao yenyu ya kũsiĩĩa kaũ wa Ũla Mũthũku; kaũ ũsu ũilyĩ ta wa kũathangwa na maangi makene mwaki.
17
Ũtangĩĩo wenyu wĩthĩwe ta w'o ngovia ya kwĩsiĩĩa mũtwe, na ndeto ya Ngai ĩyĩthĩwa ta yo ũvyũ ũla ũnenganawe nĩ Veva Mũtheu.
18
Ĩkalaai mũivoya mavinda onthe mũitetheew'a nĩ Veva Mũtheu. Voyaai mũtekũeka na mũyĩkalaa mwĩyũmbanĩtye mwĩ na wũmĩĩsyo, o vamwe na kũvoyeaa aĩkĩĩi ala angĩ.
19
Mboyeei nyie o nakwa nĩ kana Ngai akanengae ndeto yĩla ngũtavany'a, na ngĩtavanasya na ũkũmbaũ ĩũlũ wa kĩmbithĩ kya Ũvoo Mũseo.
20
Nĩkwĩthĩwa Ũvoo ũsu Mũseo nĩw'o nĩtũmĩtwe kũtavany'a, o na kau yu nĩ mwove yela. Mboyeei nĩ kana nĩũtavany'e na vinya ndeũkĩa, kwĩanana na ũndũ naĩlĩte kũũtavany'a.
21
Tikikasi mwana-a-asa waitũ mwendwa, na mũthũkũmi mũĩkĩĩku wĩanĩ wa Mwĩai, akamũtavya ũvoo wakwa mbeange, ĩũlũ wa ũndũ nĩendee.
22
Kĩu nĩkyo kĩtumie nĩmũtũma kũla mũĩ, nĩ kana mũmanye ũndũ tũendee na aimũthangaasya mathayũnĩ menyu.
23
Mũuo, wendo, o vamwe na mũĩkĩĩo kuma kwa Ngai Ĩthe waitũ, na Mwĩai Yesũ Klĩsto, nĩsyĩthĩwe na aĩkĩĩi onthe.
24
Mumo nĩwĩthĩwe kwa onthe ala mwamwendete Mwĩai waitũ Yesũ Klĩsto na wendo ũtathela.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6