Jonah 2

Kamba (MBIVILIA ŨVOO MŨSEO)

← Chapter 1 Jump to: Chapter 3 →

1Nĩvo ĩndĩ Yona e ĩvunĩ ya ĩkũyũ wavoyie Mwĩai Ngai, Ngai wake

2ayasya atĩĩ, “Ame Mwĩai Ngai, nĩnakwĩtie yĩla naĩ thĩnanĩ, naku wanzũngĩa. Kuma kũla maveva ma ala akw'ũ mekalaa nĩnakwĩkaĩlile, naku weew'a kĩĩo kyakwa.

3Nĩwambĩkisye ũkanganĩ katĩ, ũkanganĩ vandũ vala valiku vyũ, vala kĩw'ũ kyanthyũlũlũkĩte; iuutani na itulumo syesĩlaa ĩũlũ wakwa.

4Nasũanĩie kana nĩmbetetwe kuma vala ũĩ, na kana ndikona Ĩkalũ yaku ĩtheu ĩngĩ.

5Kĩw'ũ nĩkyanthyũlũlũkĩte na kũtuma nĩthita; ũkanga nĩwambw'ĩkĩte vyũ; ĩia ya ũkanganĩ nĩyalingĩte mũtwe wakwa.

6Natheeie nginya wambĩlĩĩlyonĩ wa iĩma, nthĩ ĩla mĩvĩa ya yo ĩvingĩtwe tene na tene. Ĩndĩ we Mwĩai Ngai, Ngai wakwa, nĩwambumisye Ĩimanĩ ya kĩkw'ũ nĩ thayũ.

7Yĩla neewie thayũ wakwa ũyenda kũndia, nĩnakũvoyie we Mwĩai Ngai, naku wambĩw'a wĩ Ĩkalũnĩ yaku ĩtheu.

8Andũ ala mathaithaa ngai sya mĩvw'anano ite vata, maekaa kwĩthĩwa me aĩkĩĩku kũla ũĩ.

9Ĩndĩ nyie ngakwinĩaa wathi wa ũkũtũngĩa mũvea, ngakũthembeaa nthembo, na kwĩanĩsya mawĩvĩto makwa. Ũtangĩĩo wumaa kwa Mwĩai Ngai.”

10Nĩvo ĩndĩ Mwĩai Ngai waneenie na ĩkũyũ, nayo yathi kũtavĩka Yona nthĩ nyũmũ.

← Chapter 1 Jump to: Chapter 3 →