bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Romans 10
Romans 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Mbaitũ, wendi wa ngoo yakwa na mboya syakwa kwa Ngai, nĩ kwondũ wa andũ ma Ĩsilaeli movow'e.
2
Nyie no numye ũkũsĩ vandũ voo, kana me na kwĩnengane kũnene ũthũkũminĩ wa Ngai, ĩndĩ kũyumanĩte na ũmanyi ũla wa w'o.
3
Nũndũ wa kwĩthĩwa mayĩsĩ ũndũ Ngai ũtw'ĩkĩthasya andũ alũngalu, na memantha nzĩa yoo ene, nĩmaleete kũatĩĩa nzĩa ĩla Ngai ũtũmĩaa kũtw'ĩkĩthya andũ alũngalu.
4
Klĩsto nĩwaminie maũndũ ma Mĩao, nĩ kana andũ onthe ala meethĩwa na mũĩkĩĩo matw'ĩkĩthw'e alũngalu.
5
Mwose aeleisye kana mũndũ ũla wĩkalaa kwĩanana na ũlũngalu ũla wũkaa kwa kũkwata Mĩao, ũsu akekala thayũ nũndũ wayo.
6
Ĩndĩ ũlũngalu ũla wũkaa kumana na mũĩkĩĩo wĩweta atĩĩ, “Ndũkekũlye na ngoo: ‘Nũũ ũla ũkwambata ĩtunĩ?’ (Naw'o nĩ, akamũtheesye Klĩsto kũũ nthĩ.)
7
O na ndũkakũlye, ‘Nũũ ũla ũkũtheea vala maveva ma ala akw'ũ mekalaa?’ ” (Naw'o nĩ, akamũthayũũkye Klĩsto kuma kwa akw'ũ).
8
Namo Maandĩko Matheu maasya ata? “Ũvoo wa Ngai wĩ vakuvĩ naku; wĩ kanyw'anĩ waku na wĩ ngoonĩ yaku,” naw'o nĩ ũvoo wa mũĩkĩĩo ũla tũtavanasya.
9
Ethĩwa ũkakũsĩĩa na kanyw'a waku kana Yesũ nĩ Mwĩai, na ũyĩĩkĩĩa na ngoo yaku kana Ngai nĩwamũthayũũkisye kuma kwa akw'ũ, ũkatangĩĩwa.
10
Nũndũ mũndũ aĩkĩĩaa na ngoo na aitw'ĩkĩthw'a mũlũngalu, na akũsĩĩaa na kanyw'a na aitangĩĩwa.
11
Maandĩko Matheu maĩtye atĩĩ, “Ũla ũmũĩkĩĩaa ndakasonokw'a.”
12
Ũndũ ũũ ũwetetwe kwa andũ onthe, nũndũ vai kĩvathũkany'o kya Mũyuti na Mũndũ-wa-mbaĩ-ingĩ; Mwĩai o ũmwe nĩwe Mwĩai woo onthe, na nĩ mũlau kwa onthe ala mamũvoyaa.
13
Nũndũ Maandĩko Matheu maĩtye, “Mũndũ o na wĩva ũla ũkekaĩla ĩsyĩtwa ya Mwĩai akatangĩĩwa.”
14
Ĩndĩ andũ matonya ata kũmwĩkaĩla ũla mataamwĩtĩkĩla? Na makamwĩtĩkĩla ata mataaĩw'a ũvoo wake? Na makawĩw'a ata matatavĩtw'e nĩ mũndũ?
15
Namo andũ matonya ata kũtavany'a mate atũme? O tondũ Maandĩko Matheu maĩtye, “Kote ũndũ mũseo kũka kwa atũmwa ala maetae Ũvoo Mũseo!”
16
Ĩndĩ ti andũ onthe metĩkĩlĩte Ũvoo Mũseo. Mwathani Ĩsaia nĩwaĩtye atĩĩ, “Mwĩai, nũũ ũla wĩtĩkĩlĩte kĩla wĩw'ĩte kuma kũla tũĩ?”
17
Kwoou ĩndĩ mũĩkĩĩo wũkaa kwa kwĩw'a Ũvoo, naw'o Ũvoo wũkaa kwĩsĩla kũmũtavany'a Klĩsto.
18
Ĩndĩ nĩngũkũlya atĩĩ, “Mo nomaawĩw'a?” Kwa w'o nĩmawĩwie, o tondũ Maandĩko Matheu mekwasya, “Wasya woo nĩwatũnganie nthĩ yonthe; ndeto syoo nĩsyavikie kĩla vandũ ĩũlũ wa nthĩ.”
19
O ĩngĩ nĩngũkũlya: “Andũ ma Ĩsilaeli mo nomaaelewa?” Mwose nĩwe wa mbee kũsũngĩa. Nĩwaisye atĩĩ, “Ngatuma andũ makwa Ĩsilaeli mew'ĩa kĩwĩu andũ matatalawa kwĩthĩwa mbaĩ; ngatũmĩa mbaĩ ya andũ atumanu nĩmathatye.”
20
Mwathani Ĩsaia nake nũneenete ateũkĩa akasya: “Nĩnonekete nĩ andũ mataamantha, nĩnĩyonanĩtye kwa andũ mataakũlya ũvoo wakwa.”
21
Ĩndĩ nũneenete ĩũlũ wa Ĩsilaeli akasya atĩĩ, “Mũthenya w'onthe ndindie nĩtambũũkĩtye moko nĩthokye andũ ang'endu na mbaa matũ.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16