bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Romans 11
Romans 11
Kamba (MBIVILIA ŨVOO MŨSEO)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Kwoou nĩkũlya atĩĩ, “Ngai ko ũleete andũ make?” Aiee, ũu ti w'o! Nyie mwene nĩ Mũĩsilaeli, nzyawa ya Avalaamu, na nĩ wa mbaĩ ya Mbengyameni.
2
Ngai ndaleete andũ make ala wanyuvie kuma tene. Nĩmwĩsĩ ũndũ Maandĩko Matheu maĩtye vala Eliya ũkũnyungunyĩsya kũla kwĩ Ngai ĩũlũ wa andũ ma Ĩsilaeli ayasya atĩĩ,
3
“Mwĩai, nĩmoaĩte athani maku na makaomboanga ithembeo syaku. No inyie nĩ nyioka ndialĩte, nayu o nakwa meenda kũmbũaa.”
4
Ĩndĩ nake Ngai amũsũngĩie ata? “Nyie nĩnĩtialĩlye andũ ngili mũonza ala mataathaitha Mbaali ngai ya mũvw'anano.”
5
Kwoou o na ĩvindanĩ yĩĩ ve andũ matialĩte, ala manyuvĩtwe kwa mumo wa Ngai.
6
Ethĩwa ĩndĩ nĩ kwa mumo wa Ngai, kũnyuvwa kũyumanaa na meko ma mũndũ; kethĩwa nĩ ũu, kwa w'o mumo wĩthĩwa ũte mumo.
7
Kũilyĩ ata ĩndĩ? Andũ ma Ĩsilaeli mayaaona kĩla mamanthaa. No andũ anyuve makyonie; ala angĩ nĩmoomiw'e ngoo.
8
O tondũ Maandĩko Matheu maĩtye, “Ngai nĩwamanengie veva wa kwĩthĩwa matasũanĩa, metho matona nthĩ, na matũ matew'a nthĩ kũka kũvika o na ũmũnthĩ.”
9
Nake Ndeviti aĩtye: “Makwatĩaw'e mbokanĩ syoo, na iitw'ĩka ũluluutĩkyo na ũkũno kwoo.
10
Matw'ĩke ilalinda wĩthĩe mayona nthĩ, na maikunguutasya nĩ thĩna matukũ onthe.”
11
Kwoou nĩkũlya atĩĩ, “Ayuti nĩmaluluutĩkile mavalũka vyũ?” Aiee, ũu ti w'o! Ĩndĩ nũndũ wa mavĩtyo moo, ũtangĩĩo nĩwaendie kwa Andũ-ma-mbaĩ-ingĩ, nĩ kana Ayuti mamew'ĩe kĩwĩu.
12
Ethĩwa ĩndĩ kũvĩtya kwoo kwaeteie nthĩ ũathimo mwingĩ, na kũvalũka kwoo kwaetee Andũ-ma-mbaĩ-ingĩ ũathimo mwingĩ, kũsyokea Ngai kwoo kũkaete ũathimo wĩana ata?
13
Yu nĩneena nenyu inyw'ĩ Andũ-ma-mbaĩ-ingĩ. Nũndũ nyie nĩ mũtũmwa kwa Andũ-ma-mbaĩ-ingĩ, nĩngũkumya ũthũkũmi wakwa,
14
nĩ kana ndonye kwĩw'ĩthya andũ ma mbaĩ yakwa kĩwĩu na kũtangĩĩa amwe moo.
15
Nũndũ ethĩwa kũlewa kwoo kwaetie wĩw'anĩthyo katĩ wa andũ ala angĩ ĩũlũ wa nthĩ na Ngai, kwĩtĩkĩlwa kwoo kũkaete kyaũ eka kũthayũũka kuma kwa akw'ũ?
16
Ethĩwa mũkate ũla wa mbee nĩwaumĩw'a Ngai, mĩkate ĩla ĩngĩ yonthe nĩ yake o nayo. Na ethĩwa mĩi ya mũtĩ nĩyaumĩw'a Ngai, mbonge nĩ syake o nasyo.
17
Mbonge imwe sya mũthata ũvandĩtwe mũũndanĩ nĩsyatemangiwe, nenyu Andũ-ma-mbaĩ-ingĩ, ala mwaĩ ta mbonge sya mũthata ũmeete kĩthekanĩ mwakundanw'a vandũ vasyo, nĩ kana mũkwatae ũnou wa mũthata ũsu.
18
Kwoou ethĩwa nĩmũkwĩyona, mũikeyonee mbonge isu; lilikanai kana ti inyw'ĩ mũkwatĩĩaa mĩi, ĩndĩ mĩi nĩyo ĩmũkwatĩĩaa.
19
Nĩmũtonya kwasya atĩĩ, “Mbonge syatemangiwe nĩ kana tũkundanw'e vandũ vasyo.”
20
Ũu nĩw'o, matemangiwe nũndũ wa kũlea kwĩthĩwa na mũĩkĩĩo, nenyu mwĩ vo nũndũ mwĩ na mũĩkĩĩo. Ĩndĩ mũikeyone; vandũ va ũu ĩthĩwai na w'ĩa.
21
Nũndũ ethĩwa Ngai ndaaekana na mbonge ila syatwĩe vo, ti inyw'ĩ ũkaekana nenyu.
22
Kwoou yu nĩmũkwona ũndũ Ngai ũseũvĩte na ũndũ ũkalĩkĩte. Nĩmũkalĩku kwa ala mavalũkĩte, ĩndĩ nĩ mũseo kwenyu ethĩwa nĩmũkũendeea kwĩkala ũseonĩ wake. Mwaema, o nenyu no ũkũmũtemanga.
23
Ayuti o namo ethĩwa nĩmekũekana na kũlea kwĩthĩwa na mũĩkĩĩo, nĩmekũkundanw'a ĩngĩ nĩkwĩthĩwa Ngai e na ũtonyi wa kũmatũngĩĩa o ĩngĩ vala meethĩawa.
24
Nĩkwĩthĩwa ethĩwa inyw'ĩ nĩmwatemiwe kuma mũthatanĩ ũla kwa w'o waĩ wa kĩthekanĩ, na mwakundanw'a na mũthata ũvandĩtwe mũũndanĩ, o yĩla ũu nĩ ũndũ ũtethĩawa, nĩ laisi ata kwa Ngai kũkwatany'a mbonge isu syatemiwe na mũthata ũla syaumie?
25
Mbaitũ, nĩngwenda mũmanye kĩmbithĩ kĩĩ mũikese kwona ta mwĩ oĩ mũno: Wũmũ wa andũ ma Ĩsilaeli ũkaendeea kũvika Andũ-ma-mbaĩ-ingĩ onthe moke kwa Ngai.
26
Nĩvo ĩndĩ andũ onthe ma Ĩsilaeli metangĩĩwa. O tondũ Maandĩko Matheu maĩtye, “Mũtangĩĩi akooka kuma Saioni, na akaveta mothũku onthe ma nzyawa sya Yakovo.
27
Ũũ nĩw'o ũtianĩo wakwa namo, yĩla ngamavetea naĩ syoo.”
28
Ngalĩkonĩ ya Ũvoo Mũseo, Ayuti matw'ĩkĩte amaitha ma Ngai, ĩndĩ ũu weethĩwa ũtethyo kwenyu inyw'ĩ Andũ-ma-mbaĩ-ingĩ. Ĩndĩ nayo ngalĩkonĩ ya kũnyuvwa, mo nĩ anyanyae ma Ngai nũndũ wa kĩla Ngai wathie aaũmae moo.
29
Nĩkwĩthĩwa Ngai amina kũnenga andũ mĩthĩnzĩo kana amanyuva, ndasyokaa kũalyũka.
30
O ũndũ inyw'ĩ tene mũtaĩ ewi kwa Ngai, ĩndĩ yu mwĩw'ĩĩtwe tei nũndũ woo kwĩthĩwa mate ewi,
31
yu namo methĩĩtwe mate ewi nĩ kana kwa tei ũla mweew'ĩwe, o namo matonye kwĩw'ĩwa tei.
32
Ngai avingĩĩte andũ onthe nthĩnĩ wa kũlea kwĩw'a, nĩ kana atonye kũmew'ĩa tei onthe.
33
Ũthwii wa Ngai, ũĩ wake o vamwe na ũmanyi wake nĩ mwingĩ mũno. Motw'ĩo make maimanyĩka o na nzĩa syake iyĩeleeka!
34
O tondũ Maandĩko Matheu maĩtye, “Nũũ ũla wĩsĩ mosũanĩo ma Mwĩai, kana ũtwĩe e mũtai wake?
35
Kana nũũ waanenga Mwĩai kĩndũ, nĩ kana emũĩva?”
36
Syĩndũ syonthe syoombiwe nĩwe, syĩ vo nũndũ wake na kwondũ wake. Ũkumyo nĩwĩthĩwe kwake tene na tene! Ameni.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16