bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kumaoni
/
kumaoni
/
1 John 1
1 John 1
kumaoni
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
1
हम एक आदिमी का बारिमें लिखूनमर्या, जो जीवन को बचन छै। उ दुनिया का बनून है पैलि भटे छ्यो जैस हमूले सुणछ्य और अपून आँखान ले देखछ्य, बल्कि जैस हमूले ध्यान ले देखछ्य और हातून ले छूँ रैछ।
2
यो आदिमी जो जीवन दीछो, उ संसार में आछ, और हमूले ऊस देखछ्य, और उकी गवाही दीनू, और तुमून उ अनन्त जीवन का बारिमें बतूनू जो पिता परमेश्वरा का दगाड़ छ्यो और हमून में प्रगट भ्योछ।
3
जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।
4
और यो बात हम येक कारण लिखनू, ताकि हमरि खुशी पुरी हो जौ।
5
जो सुसमाचार हमूले यीशु मसीह थैं सुण रैछ, और तुमून सुणनू, उ यो छै; कि परमेश्वर उज्याला को जसो निको छै और उमें थ्वाड़ा ले अन्यारो नाहातिन।
6
अगर हम कुंनू कि परमेश्वरा का दगाड़ हमरि संगति छै, फिरले अन्यारा में हिटूनमर्या, तो हम झूठ बोलनू और सच्चाई का अनुसार नै हिटना।
7
लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।
8
अगर हम कुंनू कि हमूले पाप नै कर्यो, त अपून आपस ध्वाका दीनू और हम येमें विश्वास नै करना कि परमेश्वर जो कुंछो उ सच्ची छै।
9
अगर हम अपून पापून परमेश्वरा का सामुनि मान लीनू, त उ हमार पापून माफ करून, और सब अधर्म भटे शुद्ध करून में विश्वासयोग्य और धर्मी छै।
10
अगर कुंनू कि हमूले पाप नै कर्यो त हम परमेश्वर स झूठ्ठो ठैहरूनू, और अब तक हमून ले परमेश्वरा का बचनून नै मानियो।
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
All chapters:
1
2
3
4
5