bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin 2019 (Bukuit Ne Tilil)
/
Proverbs 26
Proverbs 26
Kalenjin 2019 (Bukuit Ne Tilil)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Ko uu ye ma namegei teluji ak kemeut, ama namegei ropta ak peetuusyegap kesisyet, ko uu nooto, ma nyooljin teegisto chii ne perber.
2
Ko uu ye ma ombenoti puch chepkelembut, anan ko uu ye ma tirirenoti puch kibiswet, ko uu nooto, ma namei chii chubisyet ne po puch.
3
Ko uu ye po `kipchoritiit paraisiit, ak ko uu ye po `karnetap kutit sigiryet, ko uu nooto, po `kirokto chiito ne perber.
4
Amewolji ne perber ko uu perberyennyi, si meige ineendet aginye.
5
Wolji ne perber ko uu perberyennyi, si ma iitkei ineendet kole utaat eng' losennyi pogei.
6
Ineendet ne iyooktoe ng'olyoot chiito ne perber ko uu ye tilei keelyekyik anan koeei ng'emisyet.
7
Ko uu ye songinindos keelyegap ne ing'wali; ko uu nooto kalewenet eng' kutusweegap che perber.
8
Ineendet ne igoochin teegisto chiito ne perber, ko uu chiito ne indoi koita porowet ne ki wiirtoisye.
9
Uu kateet ne toorei eutap kibogityot, kalewenet eng' kutusweegap che perber.
10
Uu mwogindet ne iguoteni tugul, ineendet ne siirei ne perber anan che siirtoi, koboisyechi.
11
Uu seset ne weekyingei kang'undaikyik, ineendet ne perber ne ketyingei perberyennyi.
12
Tos igeere chiito ne iityingei kole utaat eng' losennyi pogei? Miitei kamang'unet eng' chiito ne perber kosiir ineendet.
13
Mwaei ne choriren kole, “Mi ng'etundo ooreet; mi ng'etundo ortinwek che paraen.”
14
Ko uu ye weegegei kereiywotap kurgeet kariikyik che namei, ko uu nooto weechegei chiito ne choriren eng' itogunnyi.
15
Unyei keunnyi eng' taabeet chiito ne choriren; ng'etei ineendet si ma inde kutinnyi.
16
Iityingei chiito ne choriren kole ng'oom eng' losennyi pogei kosiir piik tisap che imuuchi kowol kiy.
17
Uu ne namei itigap seset, ineendet ne siirtoi, ak koiimgei eng' pooryeet ne ma nenyi.
18
Uu chiito ne amei iywek ne wiirtoi kegenganik, kipchabonik ak meet;
19
chiito ne iberberi chiitap kokwennyi, ak kole, “Ka urereni?”
20
Meei maat ye ma mi kweenik; ak siisei pooryeet eng' ole ma mi chaamindet.
21
Ko uu ye tesei `nesek ng'etetyot ak ko uu ye tesei `kweenik maat; ko uu nooto, tesei suryet `chiito ne poliin.
22
Uu amitwogik che anyiny ng'aleegap chaamindet, ak pendi ng'aleechooto moet oriit.
23
Uu tereetap meneet ne ki kiliige michikyigek che kigenendoe fedha, kutitap chemwai kuut kobooto muguleldo ne ya.
24
Iberberisyei eng' ng'aleekyik chiito ne wegisyei, ago konorchingei ng'aalseet;
25
ye kamwa che myach, ko meyan ineendet; amu miitei muguleldanyi tuguuk tisabu che po wegeet.
26
Agot ngo tugegei wegeet eng' ng'aalseet, ko tuun keng'aanyei yaityennyi eng' taitap tuiyet.
27
Ibutyin keriinget age tugul ne palei keriinget; ak koweekyingei koita ineendet ne mildoi.
28
Wechei ng'elyepta ne mwaei lembech icheeget che kagoguoten; ak ibu ng'emisyet chiito ne chemwai kuut.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31