bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
Numbers 20
Numbers 20
Kalenjin Bible Revised (BUKUIT NE TILIIL Sireet ne Dutero Kanon)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Ki iit tuiyet komugul ne po piigap Israel surkwen ne po Sin eng' arawet ne po tai, ak kitebee icheek Kadesh. Ye kita komi olooto, kogime Miriam, ak ki kitup eng' olooto.
2
Ki ma nyoor anyun piik peek ak ki iyumgei icheek ak kobolji Musa ak Aron.
3
Kibolyo piik ak Musa, komwaei koleen, “Nda kiga kibegu ye kibegu tupchosyekyok eng' taitap Kamuktaindet ne Toroor!
4
Amu nee si omutu tuiyetap Kamuktaindet ne Toroor kobwa ong'atani? Tos ki omutwech si kobiit kebegu eng' oli; ak tuukyok?
5
Amu nee si omoong'wech ketogosu eng' Misiri, omutwech kebwa oli ya? Kooret ne ma pitye peek, anan logoegap mogoonik, anan sabibuk, anan logoek che eecheen, ama mi peek che keei.”
6
Ki pa Musa ak Aron eng' ole mi tuiyet agoi kurgeetap emait ne kituiyechin. Ki ing'uruukso kot kotiiny togoochikwak ng'wony ak komong'ji `liilindap Kamuktaindet ne Toroor icheek.
7
Ki mwachi `Kamuktaindet ne Toroor Musa koleenji,
8
“Nam kirokto, ak iyum tuiyet, inyee ak Aron, ng'eetap kamenng'ung'. Yeityo ong'alaalji rwandet kogeerei icheek, si kogoon peekyik. Imoong'u peek eng' rwandet ak igoochi icheek; si inage koe tuiyet ak tuukwak.”
9
Ki inem anyun `Musa kirokto eng' taitap Kamuktaindet ne Toroor, ko uu ye ki ng'at ineendet.
10
Ki iyum `Musa ak `Aron tuiyet kotuiyo eng' taitap rwandet, ak koleenji, “Ogas anyun nguno okweek ngelelichu, tos kimoong'wok peek eng' rwandani?”
11
Ki namji anyun Musa eunnyi parak ak kokwer rwandet eng' kiroktonyi konyil aeng'. Ki isururgei peek che chaang', ak kiee tuiyet ak tuukwak.
12
Ago ki leenji `Kamuktaindet ne Toroor Musa ak Aron, “Moiti tuiyoni emet ne ki agoochi, amu ma oyana ogonyita eng' taitap piigap Israel.”
13
Po peechu Meribah, amu kiboryo `piigap Israel Kamuktaindet ne Toroor, ak ki ibarta tiliilindanyi eng' tainnywa.
14
Ki iyookto `Musa piik eng' Kadesh koba kaplaitoryatap Edom, koleenji, “Kale tupcheng'ung' Israel: Ingen nyalilwogik tugul che ki konyoorwech,
15
ko uu ye kichoortagei kwanisyekyok koba Misiri, ki kimeny Misiri kenyiisyek che chaang', ak kiyaiywech Misiriik ne ya ak kwanisyekyok.
16
Kingeriirchi Kamuktaindet ne Toroor kogas riirekyok ak ki iyook malaikaiyat konyo komutwech kemang'une Misiri. Ki mi nguno Kadesh, nganaseet ne mi kiwoteng'ung' taban.
17
Kaigai igoonech kebun emeng'ung'. Ma kibune mbar anan mbareenigap sabibuk, ak ma kiee peek che po keriingonik. Kibune ooreet ne oo kityo ne po laitoryat, ma kimastoi kebendi tai anan kaataam, agoi kesiir kiwoteng'ung'.”
18
Ago ki leenji `Edom, “Mebune emennyu, si ma abookyin ak rotwetap chok.”
19
Ki leenji piigap Israel, “Kibune ooreet ne oo, ak ngee peeguk, acheek ak tuukyok, agoonu anyun alyet ne yamegei. Koono kityo abun eng' keelyekyuk, mayae kiy.”
20
Ago ki le, “Mebune.” Ak ki mong' Edom kobooto piik che chaang', konyo kobargei ak ineendet eng' kimnateet.
21
Ki eetee anyun `Edom Israel kobun kiwotennyi; ak ki weigei anyun Israel kobagaakta ineendet.
22
Ki pa eng' Kadesh, ak ki it tuiyet komugul ne po piigap Israel tulweetap Hor.
23
Ki mwachi `Kamuktaindet ne Toroor Musa ak Aron eng' tulweetap Hor, eng' kiwotetap emetap Edom koleenji,
24
“Tuun kiyumi Aron kobooto piikyik; ma itei emet ne ki agoochi piigap Israel amu ki obistoe ng'olyoondennyu eng' peegap Meribah.
25
Imutu Aron ak weeriinnyi Eleazar, kobwa tulweetap Hor;
26
ireegune Aron ngoroikyik, ak ilaakyi Eleazar weeriinnyi. Ago kiyumi Aron kobooto piikyik, ak komechi olooto.”
27
Ki yai anyun Musa ko uu ye kang'at Kamuktaindet ne Toroor: Ki togosta koba tulweetap Hor kogeeroti tuiyet komugul.
28
Ki ireegune `Musa Aron ngoroikyik ak kolaakyi weeriinnyi Eleazar, ak ki mechi Aron olooto, tulweet parak. Ki choorgei Musa ak Eleazar eng' tulweet.
29
Ye kingo keer tuiyet komugul kole kagome Aron, koriirchi Aron koot tugul ne po Israel peetuusyek sosom.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36