bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
Numbers 31
Numbers 31
Kalenjin Bible Revised (BUKUIT NE TILIIL Sireet ne Dutero Kanon)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Ki mwachi `Kamuktaindet ne Toroor Musa koleenji,
2
“Yaakyi mugetuut Midianik amu piigap Israel. Ye ibata nooto kiyumin iwe ole mi piiguk.”
3
Ki mwachi anyun `Musa piik koleenji, “Ingolaach murenik alak eng' okweek kariik, si koba kobargei ak Midianik, koyai yaaktaetap mugetuut ne po Kamuktaindet ne Toroor eng' Midian.
4
Oyookte eliphuut eng' ooreet age tugul, eng' ortinwek tugul che po Israel koba lugeet.”
5
Ara ki kikwei murenik eliphuusyek taman ak aeng' che tinyei kariigap lugeet; eliphuut agenge agenge kobun ooreet age tugul eng' eliphusyegap Israel.
6
Ak ki iyookto `Musa icheek, eliphuut agenge agenge kobun ooreet age tugul koba lugeet kobooto Phineas weeriitap Eleazar tisiindet, koba tugul koibei tuguugap ole-tiliil ak igondisyek che kiguutei eng' waagaat.
7
Ki pargei ak Midianik, ko uu ye ki ng'at `Kamuktaindet ne Toroor Musa ak ki par muren age tugul.
8
Ki par kobooto piik chuun alak laitorinik muut che po Midian: Ebi, Rekem, Sur, Hur ak Reba. Ki par agine Balaam weeriitap Beor eng' rotwetap chok.
9
Ki iluul `piigap Israel kwonyiigap Midianik, lagokwak, tuukwak tugul, neekwak tugul ak tuguukwak tugul.
10
Ki peel nganasookwak tugul ole menyei ak meng'otosyekwak tugul.
11
Ki ip tuguuk tugul che ki kiluul eng' piik ak eng' tyong'ik,
12
ki imut luulenik, akwotisyek ak tuguukwak kobwa ole mi Musa, Eleazar tisiindet ak tuiyetap piigap Israel, agoi nganaseet ne miitei warengetap Moab, ne neegitee Jordan eng' Jeriko.
13
Ki pa Musa, Eleazar tisiindet ak kirwoogik tugul che po tuiyet kotorookta icheek eng' saang'utap nganaseet.
14
Ki nereekyi `Musa kandoigap lugeet, kiptainigap eliphuusyek ak kiptainigap pogolusyek, che ki punu poisyetap lugeet.
15
Ak kiteebe `Musa icheek koleenji, “Koobagaakte kobogorisyek tugul kosapcho?
16
Icheeget chuuto che ki isup ng'olyootap Balaam ak ki igoochi piigap Israel koleelji Kamuktaindet ne Toroor eng' ng'olyootap Peor, ak ki piit koroito eng' tuiyetap Kamuktaindet ne Toroor amu nooto.
17
Ara anyun obar weeriit age tugul eng' lagok ak obar kwony age tugul ne ki koruiyo ak muren.
18
Ago oriip kosapcho kobunjook tiibiik tugul che tomo koruiyo ak muren.
19
Chii age tugul ne kogobar chii anan chii age tugul ne kogotwa muustap ne ko ki parei, ko ingotebi saang'utap nganaseet peetuusyek tisap. Oanyinygei anyun okweek ak luulenikwok eng' peetuutap somok ak eng' peetuutap tisap.
20
Ak otiliil ngoryeet age tugul, kiy age tugul ne ki kiyae muito anan poisyet age tugul ne po koroorigap ng'oroorek, anan tuguuk tugul che ki kiyae keetiik.”
21
Ki leenji `Eleazar tisiindet murenigap lugeet che ki pa pooryeet, “Niito ng'atuutyet ne po karureiywot ne ki ng'at `Kamuktaindet ne Toroor Musa.
22
Thahabu, fedha, sugunonik, karnook, kibatinik, ngosyelait,
23
ak kiy age tugul ne ma chootei eng' maat obeel anyun chooto eng' ma si kotiliiliitu. Ago kitiliili kora eng' peek che po katabaanet. Ak onde peek tuguuk tugul che chotoos eng' maat.
24
Eng' peetuutap tisap omwet ngoroikwok ak oanyinyitu. Ye ibata obwa nganaseet oriit.”
25
Ki mwachi `Kamuktaindet ne Toroor Musa koleenji,
26
“Iit luulenik tugul che ki kenam, che piik ak che kiyagi, inyee ak tisiindet Eleazar ak pounigap kooriigap kwanisyek che po tuiyet.
27
Opcheune che ki oluul kebeberwek aeng', punjin kebeberta age murenigap lugeet, che kigaba pooryeet, kobunji age tuiyet komugul.
28
Yeityo inemu aisuruut ne po Kamuktaindet ne Toroor eng' murenigap lugeet che ki pa pooryeet. Agenge eng' pogol muut, eng' piik, tuuga, sigiroik ak eng' keechiirek.
29
Onemune chooto kebebertanywa ak igoochi tisiindet Eleazar, koek kagoochinet ne kinamjin parak ne po Kamuktaindet ne Toroor.
30
Inemu eng' kebebertap piigap Israel, agenge eng' konom, eng' piik, eng' tuuga, eng' sigiroik, eng' neego anan eng' akwotisyek alak ak igoochi chooto Lawiik, che riibei poisyetap kootap Kamuktaindet ne Toroor.”
31
Ki yai Musa ak Eleazar tisiindet ko uu ye ki ng'at `Kamuktaindet ne Toroor Musa.
32
Ak che ki ng'at eng' che ki nam murenigap lugeet, ko ki keechiirek eliphuusyek pogol lo ak tamanwogik tisap ak muut,
33
eng' tuuga ko ki eliphuusyek tamanwogik tisap ak aeng',
34
sigiroik ko ki eliphuusyek tamanwogik lo ak agenge,
35
ak kobogorisyek che ki tomo koruiyo ak muren ko ki eliphuusyek sosom ak aeng' tugul.
36
Koitetap kebeberta, nooto po piik che ki kaba lugeet, ko ki keechiirek eliphuusyek pogol somok ak sosom ak tisap ak pogol muut,
37
ak aisuruutap Kamuktaindet ne Toroor ne po kechirechooto ko ki pogol lo ak tamanwogik tisap ak muut.
38
Ki ek che po tuuga eliphuusyek sosom ak lo, ak aisuruutap Kamuktaindet ne Toroor eng' chooto ko ki tamanwogik tisap ak aeng'.
39
Sigiroik ko ki eliphuusyek sosom ak pogol muut ak aisuruutap Kamuktaindet ne Toroor eng' chooto ko ki tamanwogik lo ak agenge.
40
Ki ek piik eliphuusyek taman ak lo ak aisuruutap Kamuktaindet ne Toroor eng' chooto po piik ko sosom ak aeng'.
41
Ki igoochi `Musa Eleazar tisiindet kebeberta, kagoochinet ne kinamjin parak ne po Kamuktaindet ne Toroor, ko uu ye ki ng'at `Kamuktaindet ne Toroor Musa.
42
Ak eng' kebebertap piigap Israel, ne ki itabaan Musa eng' kebeberta ne ki po murenik che ki yai lugeet,
43
ko ki ek keechiirek eliphuusyek pogol somok ak sosom ak tisap ak pogol muut,
44
che po tuuga ko eliphuusyek sosom ak lo,
45
sigiroik ko eliphuusyek sosom ak pogol muut,
46
ak piik eliphuusyek taman ak lo.
47
Ki inem Musa eng' kebebertap piigap Israel, agenge eng' konom, eng' piik ak akwotisyek, ak kogoochi Lawiik che ki riibei poisyetap kootap Kamuktaindet ne Toroor, ko uu ye ki ng'at `Kamuktaindet ne Toroor Musa.
48
Ak ki pwa ole mi Musa `kandoik che po eliphuusyek che ki yai lugeet, kiptainigap eliphuusyek ak kiptainigap pogolusyek,
49
ak kole, “Kagiit `acheek otwogiguk murenigap lugeet che ki pou, ak ma pet agot agenge eng' acheek.
50
Ara kageibu koek kagoochinetap Kamuktaindet ne Toroor kiit ne konyoor chii age tugul, eng' tuguugap thahabu, mugurek che po keelyek, kariik che po eunek, peteinik che po ng'ookset, munaok ak sonoek, si koyaiywech kagaigaet eng' taitap Kamuktaindet ne Toroor.”
51
Kitaach anyun Musa ak Eleazar tisiindet thahabu che po tuguuchooto eng' icheek, agot tuguuk tugul che ki kitaany.
52
Thahabu tugul che po kagoochinet ne kinamjin parak che ki igoochi Kamuktaindet ne Toroor, che po kiptainigap eliphuusyek ak che po kiptainik che po pogolusyek ko ki keruutik pogol aeng' nyigiisandanyi.
53
(Ki ipchigei chii tugul eng' murenigap lugeet tuguuk che ki kiluul.)
54
Ak kitaach Musa ak Eleazar tisiindet thahabu eng' kiptainigap eliphuusyek ak che po pogolusyek, ak koip kobwa emait ne kituiyechin, koek ne kibwaatee piigap Israel eng' taitap Kamuktaindet ne Toroor.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36