bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
Revelation 22
Revelation 22
Kalenjin Bible Revised (BUKUIT NE TILIIL Sireet ne Dutero Kanon)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,
2
eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.
3
Ama komi chubisyet kogeny: ak tuun mi oriitinnyi ng'echereetap laitornatet ne po Kamuktaindet ak ne po Aarwet: ak yachin poisyet ineendet otwogikyik;
4
ak keerei togeennyi; ak mi kainennyi togoochikwak.
5
Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.
6
Ak ki leenjo, “Ng'aleechu ko che kiyani ak ko po iman: ak ki iyook Kiptaiyat, ineendet ne Kamuktaindet ne po kabuusetap maotik, malaikaiyandennyi koboorchi otwogikyik tuguuk che sip kobiitu matiny.”
7
“Ogeero, anyoone achogu. Paibai ne riibei ng'aleegap maonateetap bukuini.”
8
Anee Johana ne ki agas tuguuchu ak ageer. Ak ye kinga kas ak ageer, abutyi ng'wony alasu eng' keelyegap malaikaiyat ne ki iboorwo tuguuchuuto.
9
Ak koleenjo, “Amat iyai ko uu nooto; amu ki otwogik kobooto tupchosyeguk maotik, ak kobooto icheek che riibei ng'aleegap bukuini. Ilasu Kamuktaindet!”
10
Ak ki leenjo, “Amat ing'ooch ng'aleek che po maonateetap bukuini; amu kagoriik peetuusyek.”
11
Ineendet ne ma po imanda, koyai che ma po imanda kosiir: ak ineendet ne po simdo, ingoek ne po simdo kosiir: ak ineendet ne po imanda, koyai che po imanda kosiir: ak ineendet ne tiliil, ingotiliilit kosiir.
12
“Ogeero, anyoone achogu; ak aibu melektanyu si agoochi chii age tugul ko uu poisyonikyik.
13
Aa Alpha ak ko aa Omega, ne po tai ak ne po let, taunet, ak kagesunet.”
14
Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.
15
Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.
16
“Anee Jeso ne kaayogu malaikaiyandennyu si kobaoryanwok tuguuchu eng' kanisosyek. Aa tigityot ak keswootap Daudi, taboiyat ne po karon ne ikwenyi.”
17
Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.
18
Abaoryanjini chii age tugul ne kasei ng'aleek che po maonateetap bukuini, ale: Ngo tesyi chii age tugul ng'aleechu ng'aleek alak, kotesyin Kamuktaindet korotwek che ki kisirchi bukuini.
19
Ak ngo nem chii age tugul ng'aleek eng' bukuitap maonatoni, konemu Kamuktaindet kebebertanyi eng' keetitap saboondo, ak eng' nganaseet ne tiliil, che ki kisirchi bukuini.
20
Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!
21
Ingotep myeeindap Kiptaiyat Jeso Kristo kobooto che tiliileen. Amen.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22