bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
1 Kings 15
1 Kings 15
Kalenjin Bible (BUKUIT NE TILIL)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Kitoi kolaitoran Abijam eng’ Juda eng’ kenyitab taman ak sisiit ne bo laitoriat Jeroboam weritab Nebat.
2
Kilaitoran kenyisiek somok eng’ Jerusalem: ak kigiguure kamet Maaka cheptab Abisalom.
3
Ak kiwendote tengekwogik tugul che bo kwandanyi che kiga sib koyai eng’ inendet; ak kima kogesunotgei muguleldanyi eng’ Jehovah Kamuktaindennyi, ko u muguleldab Daudi kwandanyi.
4
Ago kiigochi Jehovah Kamuktaindennyi inendet tait eng’ Jerusalem agobo Daudi, konde werinnyi ye me inendet, ak kogimit Jerusalem:
5
amu kiyai Daudi ne mie eng’ taitab Jehovah, ama masta eng’ kiy age tugul ne king’at inendet, eng’ betusiek tugul che bo sobennyi, kobate eng’ ng’olyotab Uria Hitindet.
6
Ak kicham komi luget eng’ kwenutab Reoboam ak Jeroboam eng’ betusiek tugul che bo sobennyi.
7
Ak boisionik che ng’etunotin che bo Abijam ak tuguk tugul che kiyai, ko tos ma kisirji bukuitab ateptab betusiek ne bo laitorinikab Juda? Ak kimi luget eng’ kwenutab Abijam ak Jeroboam.
8
Ak kiru Abijam koboto kwanisiekyik; ak kigitupchi nganasetab Daudi: ak kilaitoran werinnyi Asa kogeer inendet.
9
Ak kitoi kolaitoran Asa eng’ Juda eng’ kenyitab tiptem ne bo Jeroboam laitoriatab Israel.
10
Ak kilaitoran kenyisiek artam ak agenge eng’ Jerusalem: ak kigiguure kamet Maaka cheptab Abisalom.
11
Ak kiyai Asa ne mie eng’ taitab Jehovah, ko u ye kiyai Daudi kwandanyi.
12
Ak kiisto sodomik eng’ emet, ak kiisto kanamonik tugul che kiga koyai kwanisiekyik.
13
Ak kiisto agine kamennyi Maaka eng’ laitornatet, amu kiga yachi Asera kanamwet ne kiwechei; ak kibut Asa kanamwanato, ak kobeel eng’ kererutab Kidron.
14
Ago ma kiisto komoswek che tororen: ago ki igesunotgei muguleldab Asa eng’ Jehovah eng’ betusiekyik tugul.
15
Ak kiib tuguk che kiga kotaban kwandanyi kobwa gotab Jehovah, ak tuguk che kiga kotaban inendet, feda, ak tahabu, ak terenik.
16
Ak kicham komi luget eng’ kwenutab Asa ak Baasa laitoriatab Israel eng’ betusiekwak tugul.
17
Kitogosta Baasa laitoriatab Israel kwo kobargei ak Juda, ak koteech Rama, si machamji chi age tugul komanda anan konyo orit oldab Asa laitoriatab Juda.
18
Konam anyun Asa feda tugul ak tahabu che kiga ng’et eng’ konoraikab gotab Jehovah, ak konoraikab gotab laitoriat, ak konde eunekab otwogik: ak kiiyokyi laitoriat Asa tuguchoto Ben-hadad weritab Tabrimon, weritab Hesion, laitoriatab Suria, ne kimenyei Damasko, kolenji,
19
Mi kasyinet kwenunnyo, inye ak ane, kwenutab kwandanyu ak kwandang’ung’: keero, kaayogun kagochinetab feda, ak tahabu; ui but kasyinet ne oting’ege ak Baasa laitoriatab Israel, si kobiit koistoenagei.
20
Ak kigas it Ben-hadad laitoriat Asa, ak koyokto kiptainik che bo lugosiekyik koba kobargei ak nganasokab Israel, ak kibar Ijon, ak Dan, ak Abel-bet-maaka, ak Kinerot tugul, koboto emet tugul ne bo Naptali.
21
Ak kingogas Baasa ng’olyondonoto, komata koteech Rama, ak komeny Tirsa.
22
Komwaita anyun laitoriat Asa eng’ Juda tugul, ma kituuch chi: ak kiib koikab Rama, ak ketik che kimi yoto, che kiga koteekse Baasa; ak kiteege laitoriat Asa Geba ne bo Benjamin, ak Mispa.
23
Ak boisionik tugul che ng’etunotin che bo Asa, ak kimnatennyi tugul, ak tuguk tugul che kiyai, ak nganasok che kiteech, kotos ma kisirji bukuitab ateptab betusiek ne bo laitorinikab Juda? Ak kinam miando kelyekyik eng’ betusiekab osindanyi.
24
Ak kiru Asa koboto kwanisiekyik, ak kigitub koboto kwanisiekyik eng’ nganasetab Daudi kwandanyi: ak kilaitoran Jeosapat werinnyi kogeer inendet.
25
Ak kitoi kolaitoran Nadab weritab Jeroboam eng’ Israel eng’ kenyitab aeng’ ne bo Asa laitoriatab Juda, ak kilaitoran eng’ Israel kenyisiek aeng’.
26
Ak kiyai yaitiet eng’ taitab Jehovah, ak kowendote ortinwekab kwandanyi, ak tengektanyi, ne kiibeete Israel si koyai tengekto.
27
Ak kichaam inendet Baasa weritab Aija, ne bo gotab Isakar; ak kibar Baasa inendet eng’ Gibeton, ne ki bo Pilistik; amu kiga yiem Nadab ak Israel tugul Gibeton.
28
Kibar Baasa inendet eng’ kenyitab somok ne bo Asa laitoriatab Juda, ak kolaitoran kogeer inendet.
29
Ak kingo kata koek laitoriat, kobar got tugul ne bo Jeroboam; ma ituukyi Jeroboam agot agenge ne kisob, agoi kobar inendet koges: ko u mwaetab Jehovah, ne kimwa eng’ otwogindennyi Aija Silonindet:
30
amu tengekwogikab Jeroboam che kiyai, che kiibeete Israel si koyai tengekto; amu taget ne kitach Jehovah, Kamuktaindetab Israel, si konerech.
31
Ak boisionik che ng’etunotin che bo Nadab, ak tuguk tugul che kiyai, ko ma sirotin eng’ bukuitab ateptab betusiek ne bo laitorinikab Israel?
32
Ak kicham komi luget eng’ kwenutab Asa ak Baasa laitoriatab Israel eng’ betusiekwak tugul.
33
Kitau Basa weritab Aija kolaitorani eng’ Israel eng’ Tirsa eng’ kenyitab somok ne bo Asa laitoriatab Juda, ak kilaitoran kenyisiek tiptem ak ang’wan.
34
Ak kiyai yaitiet eng’ taitab Jehovah, ak kowendote ortinwekab Jeroboam, ak tengektanyi ne kiibeete Israel si koyai tengekto.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22