bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
1 Kings 17
1 Kings 17
Kalenjin Bible (BUKUIT NE TILIL)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.
2
Ak kinyonji inendet ng’olyotab Jehovah, kolenji,
3
Ui eng’ yu, ak itokyige komostab kong’asis, ak iunyge eng’ kererutab Kerit, ne tokyingei Jordan.
4
Ak iee beekab kererunato; ak kaang’at chepkuginik kobain eng’ yoto.
5
Kwo anyun ak koyai ko u ng’olyotab Jehovah: amu kiwa ak komeny ye negite kererutab Kerit, ne tokyingei Jordan.
6
Ak kiipchi inendet makatinik ak banyek chepkuginik karon, ak koipchi makatinik ak banyek koskoleny; ak kiee beekab kererunato.
7
Ak ki eng’ betusiek che matia koteny kererunato, amu kimata korobon emet.
8
Kinyonji inendet ng’olyotab Jehovah kolenji,
9
Ng’eet, ak iwe Sarepat, ne bo Sidon, ak imeny oloto: keero, kaang’at mosoget eng’ oloto kobain.
10
Kong’eet anyun, ak kwo Sarepat; ak kingoit ormarichetab nganaset, keero, kimi yoto kwondo koyumi kwenik: ak kiguur inendet, ak konyo kolenji, Asomin ale, ibwa beek eng’ teret ne ming’in, aee.
11
Ak ye kita kowendi koibu, koguur inendet, kolenji, Asomin ale, ibwa makatiat kitigin eng’ eung’ung’.
12
Ak kile, Ko u ye sobei Jehovah Kamuktaindeng’ung’, ko matinye makatiat, kobate busiekab eut che mi teret, ak mwaita kitigin ne mi sotet ne ming’in: ak keero, abute kwenik aeng’, si kekwang’jinege ak werinnyu, si keam, ak kebegu.
13
Ak kilenji Elija inendet, Ameiywei; ui, ak iyai ko u ye kaimwa: ago kwang’wa korok makatiat kitigin, ak iibwa komong’, yeityo okwang’jige ak wering’ung’.
14
Amu kamwa Jehovah, Kamuktaindetab Israel ko u ni, kole, Maigesugei busiek eng’ teronoto, anan kobek mwaita eng’ sotonoto ming’in, kot koit betut ne iyokyin Jehovah ropta ng’ony.
15
Ak kiwa koyai ko u mwaetab Elija: ak kiam amitwogik, kwonyoto, ak Elija, koboto gotab kwonyoto, eng’ betusiek che chang’.
16
Ma igesgei busiek eng’ teret, anan kobek mwaita eng’ sotet ne ming’in, ko u ng’olyotab Jehovah, ne kimwa eng’ Elija.
17
Ak kingobata tuguchu, komian lakwetab kwonyoto, ne inendet ko chebioset ne bo got; ak kigoromit mianoto, kot ko ma kobusi.
18
Ak kilenji Elija, Kiting’ege nee ak inye, chitab Kamuktaindet? Koinyo oli ami si kong’ang’ak tengektanyu, ak ibar werinnyu!
19
Ak kilenji inendet, Kona wering’ung’. Ak kitaach Elija lakwet eng’ tegetab mosogonato, ak koganab, ak komut kwo got age ne mi barak, ole kimenyei, ak komogonji itogunnyi.
20
Ak kirirji Jehovah, kole, Ee Jehovah, Kamuktaindennyu, keipchi kogeny yaitiet mosogani ami gonnyi, ibare werinnyi?
21
Ak kiitoegei lakwet konyil somok, ak korirji Jehovah kolenji, Ee Jehovah, Kamuktaindennyu, asain ale, ingoweekyigei lakwani sobondanyi kogeny.
22
Ak kigas Jehovah kutitab Elija; ak kiweekyigei lakwet sobondanyi kogeny, ak kisob.
23
Ak kiganab Elija lakwet, ak komut kochorgei eng’ goyoto konyo got ne bo ng’ony, ak kogochi kamet: ak kile Elija, Keero, sobei wering’ung’.
24
Ak kilenji kwonyoto Elija, Kaanai nguno ale i chitab Kamuktaindet, ak ko bo iman ng’olyotab Jehovah ne mi kuting’ung’.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22