bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Chronicles 33
2 Chronicles 33
Kalenjin Bible (BUKUIT NE TILIL)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Ki bo Manase kenyisiek taman ak aeng’ ye kitau kolaitorani; ak kilaitoran kenyisiek konom ak mut eng’ Jerusalem.
2
Ak kiyai ne ya eng’ taitab Jehovah ko u tuguk che kiwechei che bo bororiosiek, che kiga on Jehovah eng’ taitab lagokab Israel.
3
Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.
4
Ak kiteech kapkorosusiek eng’ gotab Jehovah, ne kimwa Jehovah agobo noto kole, Tebe kainennyu Jerusalem koigeny.
5
Ak kiteekyi kapkorosusiek tuguk tugul che bo kipsengwet, eng’ seremusiechoto aeng’ che bo gotab Jehovah.
6
Ak kiigoito kogeny lagokyik kobun mat eng’ atebwetab weritab Hinom: ak king’orso ak kiisogis, ak kiyai bonisiet, ak king’alal ak che boisie oik ak bonik: kiyai yaitiet ne o eng’ taitab Jehovah, kotach inendet konerech.
7
Ak kiinde kit ne kigiwai ne bo kanamwet ne kiyai inendet, gotab Kamuktaindet, ne kimwachi Kamuktindet Daudi ak Solomon werinnyi, agobo goyoto, kolenji, Andoi kainennyu koigeny goi, ak Jerusalem, ne kialewen eng’ ortinwek tugul che bo Israel:
8
amaistoi kogeny keldab Israel eng’ emet ne kiaarorji kwanisiekwak: ngot korib koyai tugul che kiang’at ichek eng’ Musa, ng’atutik tugul ak etanutik ak kayomisutik.
9
Ak kiigochi anyun Manase Juda ak bik che kimenyei Jerusalem, koyai tengekto kot koyai yaitiet kosiir bororiosiek che king’em Jehovah eng’ taitab lagokab Israel.
10
Ak king’alalji Jehovah Manase ak bikyik; ago kima mage kiy.
11
Komutyi anyun Jehovah ichek kiptainikab luget ne bo laitoriatab Asuria che kiimut Manase ko ratat eng’ sirimwek ak mugurek, ak komut inendet kwo Babulon.
12
Ak kingomi eng’ nyalilda kosa Jehovah Kamuktaindennyi, ak koming’ingei mising’ eng’ taitab Kamuktaindetab kwanisiekyik.
13
Ak kisa, ak kigigasyi; kigas Jehovah somennyi, ak kiimut inendet kogeny konyo Jerusalem ole mi bounatennyi. Konai anyun Manase kole Jehovah ko Kamuktaindet.
14
Kingobata nito koteech irimet ne bo sang’ ne bo nganasetab Daudi eng’ komostab cherongo ne bo Gion, eng’ atebwet, eng’ ole kichutei eng’ ormarichetab njirenik; ak kiyiem Opel, ak koteech kogoit mising’; ak kiinde kiptainik che nyigonen nganasok tugul che ng’ototin che bo Juda.
15
Ak kiisto kanamonik che too ak kanamwet ne kimi gotab Jehovah ak kapkorosusiek tugul che kiga koteech eng’ tulwetab gotab Jehovah, ak eng’ Jerusalem, ak kowirji sang’utab nganaset.
16
Ak kiteech kaptisisietab Jehovah ak kogoitoe yoto tiseiywekab kagochinoikab kalyet ak che bo kongoi, ak kong’at Juda koot Jehovah Kamuktaindetab Israel.
17
Agos kita koeny bik tiseiywek eng’ komoswek che tororen, ago kieng’jine yoto Jehovah Kamuktaindenywa kityo.
18
Ak boisionik che ng’etunotin che bo Manase, ak saet ne kisa Kamuktaindennyi, ak ng’alekab keerik che king’alalji inendet eng’ kainetab Jehovah, Kamuktaindetab Israel, ogeero, sirotin koboto boisionikab laitorinikab Israel.
19
Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.
20
Kiru anyun Manase koboto kwanisiekyik, ak kigitub eng’ gonnyi: ak kilaitoran werinnyi Amon kogeer inendet.
21
Ki bo Amon kenyisiek tiptem ak aeng’ ye kitau kolaitorani; ak kilaitoran kenyisiek aeng’ eng’ Jerusalem.
22
Ak kiyai ne ya eng’ taitab Jehovah ko u ye kiyai kwandanyi Manase: ak kieng’ji Amon tiseiywek kanamonik tugul che kigiwai che kiga koyai kwandanyi Manase, ak koot.
23
Ak kima iming’ingei eng’ taitab Jehovah ko u ye kiiming’ingei kwandanyi Manase; ago kites Amon koyai chalwokto mising’ kosiir.
24
Ak kichaam inendet otwogikyik, ak kobar inendet eng’ gonnyi.
25
Ak kibar bikab emonoto bichoto tugul kichaam laitoriat Amon; ak kiieet bikab emet Josia werinnyi koek laitoriat kogeer inendet.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36