Amos 6

Kalenjin Bible (BUKUIT NE TILIL)

← Chapter 5 Jump to: Chapter 7 →

1Bwa eng’ ichek che mi kalyet eng’ Sion, ak eng’ ichek che ribotin che mi tulwetab Samaria, bik che toogunotin che bo che eechen eng’ bororiosiek, che bwanjin gotab Israel!

2Osiirte oba Kalne, ak ogeer; ak obe eng’ oloto agoi Hamat ne o: yeityo ochorjige Gat ne bo Pilistik; tos miachen ichek kosiir bounatosiechu? Anan tos o kiwotenywa kosiir neng’wong’?

3Okwek che oistoi kolooit betut ne ya, ak oibu ng’echeretab koromnatet korik;

4ichek che ruitos eng’ itogusiek che bo kelekab belek, ak koiitogei eng’ tugukwak che kilyeldoe, che amei arekab kechir che bo akwet, ak moek che mi biusiek;

5ichek che tieni tienwogik che bo buch eng’ cheetab kibugandet; che chopchingei tuguk che bo tienwogik, ko u Daudi;

6che eei divaik eng’ bagulisiek, ak koiilegei mwanik che kororon; ago maarogendos agobo nyalildab Josep.

7Kiluulei anyun koboto ichek che kisib keluul, ak kogesgei anyun bolatet ne bo boiboiyetab ichek che iitogei.

8Kigoyosiechigei Kiptaiyat Jehovah, mwaei Jehovah, inendet Kamuktaindet ne bo lugosiek, kole: Aweche menotetab Jakobo, ak aweche gorikyik che bo laitoriat: asoru anyun nganaset koboto tugul che mi orit.

9Ak ngot kong’et bik tamanu eng’ got agenge, kobegu.

10Ak ye sut chi imamet, ne inendet ne beelei, si koib kowek komong’ eng’ go, ak kolenji inendet ne mi komoswek che bo orit che bo got, Tos ta omi ak age? Ak kole inendet, Achicha; kole anyun, Sis; amu magichamwech kemwa kainetab Jehovah.

11Amu, ogeero, ng’atei Jehovah, kebut got ne o kong’emak, ak kebut got ne ming’in kong’asiagan.

12Tos ruaei mbartanyisiek eng’ ruandet? Tos ibate chi eik oloto? Ko owal kiruoget koek kit ne ng’wan, ak owal logoek che bo imanda koek ng’wanet:

13okwek che oboiboitune kit ne bo buch, che omwae ole, Tos ma kiib eng’ kimnatennyo kuinoik kobunjech?

14Amu, ogeero, ang’eeti bororiet obarge, ee, gotab Israel, mwaei Jehovah, Kamuktaindet ne bo lugosiek; ak konyalilak koboch ole kibunei kebendi Hamat agoi kererut ne bo Araba.

← Chapter 5 Jump to: Chapter 7 →