bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Exodus 21
Exodus 21
Kalenjin Bible (BUKUIT NE TILIL)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 22 →
1
Chu anyun kiruogutik che indechini tainywa.
2
Ngial otwogindet ne Hebranindet, koboisiei kenyisiek lo, ak eng’ kenyitab tisab komanda buch kotiagat.
3
Ngo kinyonei inegei, komandoi inegei: ago ngo kiga kotunis, komandoi ak osotiondennyi.
4
Ago ngo kiigochin kiptaindennyi osotiot, ak kosikyi werik anan ko tibik; kobunjin osotiondonoto ak lagokyik kiptaiyandennyi, ak komanda chichoto inegei.
5
Ak ngo mwa komie otwogindet kole, Achame kiptaiyandennyu, ak osotiondennyu, ak lagokyuk; mamandoi, nganda atiagat:
6
komut anyun kiptaiyandennyi chichoto konyo taitab Kamuktaindet, ak komut konyo kurgat, anan tugatukyietab kurgat; ak kobarbar itinnyi kiptaiyandennyi eng’ katet; ak koot inendet agoi.
7
Ak ngo alda chi cheptanyi koek otwogindet, ko mamandoi ko u otwogik che muren.
8
Ngo maibaibai cheboto kiptaiyandennyi, ne kilewen chichoto kole si tun koek osotiondennyi, kochamda kitiach: matinyei kimnatet koalda kwo bororiosiek alak, amu king’al inendet.
9
Ak ngogochi inendet werinnyi koek osotiondennyi, koyachi inendet ko u ye yachin tibikyik.
10
Ak ngo sion, ko mat kochuchuch amitwogikyik, anan ngoroikyik, anan ko u ye nyoljin osotik.
11
Ak ngo mayachi inendet tuguchoto somok, komuchi osotiondonoto komanda buch, ama eng’ alyet.
12
Inendet ne birei chi kot kome, kebarei chichoto iman.
13
Ago chito ne kama kosetyin, ago kiigochi Kamuktaindet inendet konyo eunnyi: achobun ole mwechin.
14
Ak ngo wechi chito chitab kokwennyi eng’ menotet, kwo kobar inendet eng’ ng’alset; ing’usu eng’ kaptisisiennyu, si kebar.
15
Ak inendet ne birei kwandanyi, anan kamet, kebarei iman.
16
Ak inendet ne chorei chi, ak koalda, anan ngenam komi eunekyik, kebarei iman.
17
Ak inendet ne sasei kwandanyi, anan kamet, kebarei iman.
18
Ak ngo borio bik, ak kewire age koita, anan ngo luch, ama kome, ago ngo ru eng’ itogunnyi konyagei,
19
ago ngo ng’eet, kowendot kotebenoti kiroktanyi, keunda anyun ne kibirei: ago igochin tuguk che yamei betusiekyik che kibetyo buch, ak konya inendet komie agoi kosob.
20
Ak ngo bir chi age tugul otwogindennyi ne muren, anan ne tie, eng’ kirokto, kot komechi eunekyik, kigeerjin chichoto yaitiennyi iman.
21
Ago ngot koeekyi betut agenge anan ko aeng’ ama me, ko ma kigeerjin kiy; amu kiga al.
22
Ak ngo borio bik, kot kokwer osotiot ne tamano, ak kororok moet, ama koam kiy osotiondonoto: kogeerjin che yamegei ak che machei manong’otiotab osotiondonoto; igoitoi ko u ye kamwa kiruogik.
23
Ago ngoyaak kiy ne ya, kigeeri sobondo eng’ sobondo,
24
konda eng’ konda, keldet eng’ keldet, eut eng’ eut, keldo eng’ keldo,
25
beelset eng’ beelset, kaguotenet eng’ kaguotenet, biret eng’ biret.
26
Ak ngo kwer chi kondab otwogindennyi ne muren anan ne tie, kot kotui kong’ato; kounda kwo kotiagat amu kondanyi.
27
Ak ngo kwer keldetab otwogindennyi ne muren, anan otwogindennyi ne tie kot kochun; kounda kwo kotiagat amu keldannyi.
28
Ak ngo toor kirgit muren anan kobogorio, ak kome, kelachei kirgoto iman, ak magiamei banyekyik; ak keunda anyun chitab kobo kirgoto.
29
Ago ngo kocham kobarei bich kirgoto, ak kigemwachi chitab kobo, ama koger inendet, ago kabar muren anan kobogorio; kelachei kirgoto, ak kebar chitab kobo agine.
30
Ak ngo biit kiy ne itiagegei, kogoito anyun noto kitiage sobondanyi ko u ye kagecham.
31
Ngo kibar werit, anan chepto, keyachin ko u kiruogonito.
32
Ak ngo toor kirgit otwogindet ne muren anan otwogindet ne tie; kogoitoi sekelisiek sosom che bo feda, kogochin kiptaiyandenywa, ak kelach kirgoto.
33
Ak ngo yat chito keringet, anan ngo bal keringet ama koger, ak ngo rorokyi tany anan sigiriet,
34
kogeeri chitab kobo keringet; ak igochin chitab kobo tuguchoto siling’isiek, ak kobunji noto kagome chitab kobo keringet.
35
Ak ngo bar kirgit kirgitab chito age kot kome; kealdoi noto sobei, ak kopchei tuguk che kagialdae, ak kopchei banyekab ne kame agine.
36
Ak ngingen kele kicham kobarisiei kirgoto, ama koger chitab kobo; kowale kirgoto kirgit age, ak kobunji inendet banyekab ne kame.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40