bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Exodus 23
Exodus 23
Kalenjin Bible (BUKUIT NE TILIL)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
1
Amemwaate ng’alek che bo lembech: amonamge ak kiptengekyot, iegu baoriat ne ma bo iman.
2
Amesub tuiyet iwe iyai kiy ne ya; amebaorianji ng’alek isub tuiyet imaas kiruoget:
3
ametiytii kibanania eng’ ng’alekyik.
4
Nginyoru tetab bunyondeng’ung’ anan sigiriennyi ne betoti, ikwerichi iman chitab kobo,
5
Nginyoru sigirietab ne wechin ko kagobut amu tuguk che laei, ak kama imache itoret, ko kanyol itoret ing’eet.
6
Amat imaas kiruogetab kibananiandeng’ung’ eng’ ng’alekyik.
7
Istege, looitu eng’ ng’alekab lembech; amebar che matinyei yaitio ak che bo imanda: amu maiityini imanda kiptengekyot.
8
Ametaach tuguk che bo kagaigaet: amu tuchei konunoik, icheget che ng’omen, ak kogunuri ng’alekab che bo imanda.
9
Amenyalil toondet amu ongen ole teptoi muguleldab toondet, amu kio toek eng’ emetab Misri.
10
Igole mbareng’ung’ kenyisiek lo, ak iges ruratennyi;
11
ago mete eng’ kenyit ne bo tisab koteb komuuny; si kobiit konyor turonik kibananokab biguk: ak koam tiong’ikab timin che ituuchi bichoto. Iyae ko u noto eng’ mbareng’ung’ ne bo sabibuk, ak eng’ mbareng’ung’ ne bo ketikab emitik che bunu mwanik.
12
Yai boisieng’ung’ eng’ betusiek lo, ak imuuny eng’ betutab tisab: si kobiit komuuny eitang’ung’ ak sigirieng’ung’, ak konyor kamuung’et weritab otwogindeng’ung’ ne tie, ak toondet.
13
Ak orib tuguk tugul che kaamwawok: amat omwa kainaikab cheptalelisiek, amat kegasyi kuting’ung’.
14
Iyaiywa igorta konyil somok eng’ kenyit age tugul.
15
Rib igortab makatinik che ma kinde mermerek: iame eng’ betusiek tisab makatinik che ma kinde mermerek, ko u ye kiang’atin, eng’ betut ne kigiaror eng’ arawetab Abib (amu arawanato ne kiomong’une Misri); amat konyo chi tainnyu ak eut buch.
16
Rib igorta ne bo kesisiet, tongoanikab boisioniguk che igoljini mbar: ak igortab betusiek che kiyumune tugukab mbar, eng’ kagesunetab kenyit, ye iyumyu tugukab boisieng’ung’ eng’ mbar.
17
Bwanei taitab Kiptaiyat Jehovah murenik tugul konyil somok eng’ kenyit agenge.
18
Ameibu korotikab tiseiywondennyu koboto makatinik che kaginde mermerek; amengoeekyi mwanikab igortanyu.
19
Kanyol iibu tuguk che bo tai eng’ tongoanik che bo emeng’ung’ kobwa gotab Jehovah Kamuktaindeng’ung’. Ameyoe aruet chegab kamet.
20
Keero, kayokte malaikaiyat kondoenen koribotin eng’ oret, ko mutin iwe ole kiachob.
21
Oripge eng’ tainnyi, ak ogas it ng’alekyik; amotach inendet: amu manyoiywok kaat bistoeng’wong’, amu mi kainennyu eng’ inendet.
22
Ago ngigas it ng’alekyik, ak iyai tugul che amwaun; aegu anyun bunyotab buniguk, ak aegu usindetab che usin.
23
Amu wendi malaikaiyandennyu kondoenen, komutin iwe ole mi Amorik, Hitik, Perisik, Kananik, Hibik, ak Jebusik, ak aiste ichek awong’u.
24
Amat isa kanamonikwak, anan iot, anan isub boisionikwak: ago oluul kot ko mang’et kiy, ak obut kotonogis tolochikwak.
25
Ak oboisiechi Jehovah Kamuktaindeng’wong’, ak koberur amitwogiguk ak beeguk; ak aiste mianwek eng’ kweng’ung’.
26
Ak mabiitu ne rorogu moet, anan ne oosu, anan ne soneni eng’ emeng’ung’; ak ayai kosulda koitetab betusieguk.
27
Ayoktoi kamuisennyu kondoenen, ak anyalil bik tugul che mi ole iite, ak ayai buniguk tugul komweenen.
28
Ak ayokte karamiet kondoenen, kwo koon Hibik, Kananik, ak Hitik, koba eng’ taing’ung’.
29
Maone ichek koba eng’ taing’ung’ eng’ kenyit agenge; si maguber emet, si matesogis tiong’ikab timin ak koiimak.
30
Aone komutya koba eng’ taing’ung’ agoi itesage, ak inyaban emet.
31
Ak andoi kiwoteng’ung’ kobochit Nyanjet ne Birir agoi nyanjetab Pilistik, ak kobochit ong’atet agoi Ainet: amu andoi bikab emonoto eunekwok; ak ion ichek koba eng’ taing’ung’.
32
Amoyai arorut ak ichek, anan agot eng’ kanamonikwak.
33
Amat komeny emeng’ung’, si magonin iyaiywa tengek: amu ngot iot kanamonikwak, koegu iman mestet nito eng’ inye.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40