bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Exodus 40
Exodus 40
Kalenjin Bible (BUKUIT NE TILIL)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
1
King’alalji anyun Jehovah Musa kolenji,
2
Lumde goyoto bo emait ne kituiyechin eng’ betut ne bo tai ne bo arawet ne bo tai.
3
Ak inde moingetab baornatet got orit, ak ituch moinget eng’ ngorionoto kioiye got.
4
Ak ibu meset inde go, ak itet komie tuguk che tebe baragunnyi; ak ibu keldab tait, inde go, ak inaam taisiek.
5
Ak inde kapkorosut ne bo tahabu ne kibeele nyamdutik eng’ taitab moingetab baornatet, ak isonginin ngoriet eng’ kurgetab got.
6
Ak inde kaptisisiet ne kibeele tiseiywek taitab kurgetab goyoto bo emait ne kituiyechin.
7
Ak inde tabet ne kiunse kwenutab emait ne kituiyechin ak kaptisisiet, ak irong’ji beek kioto.
8
Ak lumde ng’otwetab seremut kot kotuiyo, ak isonginin ngorietab kurgetab seremut.
9
Ak iib mwanik che kiilse, ak iil got, ak tuguk tugul che mi orit, ak itaban, ak tugukyik tugul: si kotililit.
10
Ak iil kaptisisiet ne kibeele tiseiywek, ak tugukyik tugul, ak itilil kaptisisiet: ak kotililit mising’ kaptisisiet.
11
Ak iil tabet ne kiunse, ak ng’echerennyi ak itaban.
12
Ak imutu Aron ak werikyik kobwa kurgetab emait ne kituiyechin, ak iune beek.
13
Ak ilaakyi Aron ngoroik che kigitaban; ak iil inendet, ak itaban, si kobiit koboisiewa eng’ boisietab tiseinatet.
14
Ak imutu werikyik, ak ilaakyi ngoroik che koen:
15
ak iil ichek, ko u ye kiil inye kwandanywa, si kobiit koboisiewa eng’ boisietab tiseinatet: ak koek kaiilsenywa ne kiili ichek tiseinatet ne bo agoi eng’ ibinwekwak tugul.
16
Kiyai anyun Musa ko u noto: ko u tugul che king’at Jehovah inendet, kiyai anyun ko u noto.
17
Ak kigilumda goyoto eng’ arawet ne bo tai eng’ kenyit ne bo aeng’ eng’ betut ne bo tai ne bo arawet.
18
Ak kilumda Musa anyun got, ak kiiteepto kong’ikwak che tononie, ak kilumda baoinikyik, ak korooch rateiywekyik, ak kolumda lumeiywekyik.
19
Kiito anyun emait eng’ got barak, ak kotuge ngoroik alak koliich; ko u ye king’at Jehovah Musa.
20
Yeityo koib baornatet konde moinget orit, ak kiirooch moinget ketik che kiibe, ak koteepto keruetab rirenet eng’ baragutab moinget:
21
ak kiib inendet moinget kwo go orit, ak kosonginin ngoriet ne kioiye got, si kotekta moingetab baornatet; ko u ye king’at Jehovah Musa.
22
Ak kiinde meset got ne kituiyechin, kotaban murot ne bo katam, eng’ got ne sib kemong’jin.
23
Ak kitet makatinik eng’ meset eng’ taitab Jehovah: kou ye king’at Jehovah Musa.
24
Ak kiinde keldab tait emait ne kituiyechin, kotoorjin ak meset, kotaban murot ne bo tai eng’ got.
25
Ak kiinaam taisiek eng’ taitab Jehovah; ko u ye king’at Jehovah Musa.
26
Ak kiinde kapkorosut ne bo tahabu got ne kituiyechin eng’ goyoto sib kemong’jin:
27
ak kibeele kapkorosunoto nyamdutik che bo tuguk che ng’uu ne anyin; ko u ye king’at Jehovah Musa.
28
Yeityo kosonginin ngoriet eng’ kurgetab got.
29
Ak kiinde kaptisisiet ne kibeele tiseiywek eng’ kurgetab got ne bo emait ne kituiyechin, ak kiigoito kagochinet ne kibeelei, ak ne bo busiek, eng’ kaptisisionoto; ko u ye king’at Jehovah Musa.
30
Ak kiinde tabet ne kiunse kwenutab emait ne kituiyechin ak kaptisisiet, ak korong’ji beek orit, si kiunse.
31
Ak kiiun Musa ak Aron ak werikyik eunekwak ak kelyekwak eng’ kioto;
32
kiiuni ko u noto ye kimandoi emait ne kituiyechin, ak ye kimachei korikyi kaptisisiet: ko u ye king’at Jehovah Musa.
33
Ak kilumda ng’otwetab seremut koyiem got ak kaptisisiet, ak kiisonginin ngorietab kurgetab seremut. Kiiges anyun Musa boisionoto.
34
Kinyo kotuch anyun boldet emait ne kituiyechin, ak kinyi got lilindab Jehovah.
35
Ak kima imuch Musa komanda emait ne kituiyechin, amu kitebe boldet baragutab goyoto, ak kinyi got lilindab Jehovah.
36
Ak ye kingetogostae boldet eng’ goyoto, koba anyun lagokab Israel ko u noto eng’ banwekwak tugul:
37
ago ye kima kitogostae boldet, ko kima kobendi ui agoi betut ne kagitogostae boldonato.
38
Amu kitebe boldetab Jehovah got barak bet, ak kimi mat boldonato kemoi kogeerei got komugul ne bo Israel, eng’ banwekwak tugul.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40