bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Jeremiah 49
Jeremiah 49
Kalenjin Bible (BUKUIT NE TILIL)
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Ng’alekab lagokab Amon: Mwaei Jehovah ko u ni kole: Tos matinyei Israel werik? Matinyei ne namei tugukyik? Amu nee anyun si konam Malkam Gad kobunji, ak komeny bikyik nganasokyik?
2
Ogeer anyun-o, bwanei betusiek, mwaei Jehovah, ne aibu waagatab luget kegas agobo Raba ne bo lagokab Amon; ak koek karatia ne irurugot, ak kebeel tibikyik: konam anyun Israel kobunji, ichek che kiga konam inendet, mwaei Jehovah.
3
Waach, ee Hesbon, amu kageluul Ai; oririe, okwek tibikab Raba, ogermenege kuniok: oteiye, ak oruaate eng’ ng’otonok; amu kiluulei Malkam, koboto tisiikyik ak bounikyik.
4
Amu nee anyun si itororge eng’ atebwosiek, atebweng’ung’ ne rootei, ee chepto ne ichuchuchege let? Ne kiimang’u konoraikyik, ilen, Nyonjina ng’o?
5
Ogeero, aibun kaiyweisiet, mwaei Kiptaiyat, Jehovah ne bo lugosiek, eng’ ichek tugul che mi tabanweguk; ak keonak, komanda chi age tugul, ama biitu chi ne iyumi inendet ne ombenoti.
6
Ago ye ibata aweegu kogeny che kigeluul che bo lagokab Amon, mwaei Jehovah.
7
Ng’alekab Edom: Mwaei Jehovah ne bo lugosiek ko u ni, kole: Tos ma komi ng’omnatet eng’ Teman? Tos kigobet kiruoget eng’ che ng’omen? Tos kigobek ng’omnatenywa?
8
Omwei, oweege, oung’ege ole ma toogu, ee okwek che omenye Dedan; amu aipchini inendet nyalildab Esau, eng’ betut ne aityini inendet biret.
9
Ngot kobwanjin kayumikab sabibuk, ko tos mabagachi turonikab sabibuk? Ngot kobwanjin chorik kemoi, ko tos mabarisiei kot konyor che yamei?
10
Ago kiayai Esau koek ne matinyei kiy, kiang’any komoswekyik che bo ung’ot, ama komuchi kounygei: kigeng’em iyotennyi, ak tupchosiekyik, ak bikab kokwennyi, ama komi inendet.
11
Bagakte lagoguk che matinyei kwanisiek, si arib kosopcho; ak ingomang’wa mosogiguk.
12
Amu mwaei Jehovah ko u ni kole: Ogeero, eeisei iman che kima ko nenywa koeeise kikombet; ak tos i ne chilili si ma kibirin? Mechilili, kibirin, ago iee iman.
13
Amu kiayosiechige, mwaei Jehovah, ale, Egu Bosra ne kikwong’e; ne kichotei, ak karatia, ak ne kisasei; ak koek nganasokyik tugul karatwek kotugul.
14
Koagas ng’alek che bunu Jehovah, ak kagiyokto chito kwo bororiosiek, kolenji, Oyumge, ak obokyi, ak ong’eetye oyai luget.
15
Amu, keero, kiayain iegu ne ming’in eng’ bororiosiek, ak iegu ne sasei bik.
16
Ago kigoberberin menotetab muguleldang’ung’, amu kamuiseng’ung’, ee inye ne imenye ole kibetak eng’ ruandet, ne iname walitab tulwet: nganda iteeche kesweng’ung’ eng’ barak ko u kipsichit, arorogun eng’ oloto, mwaei Jehovah.
17
Ak egu Edom ne kikwong’e: kwong’ei age tugul ne siirtoi eng’ yoto, ak koreny korotwekyik tugul.
18
Ko u ye kigigabui Sodom ak Gomora ak nganasok che ki negite oloto, mwaei Jehovah, mamenyei chi oloto, ama tebe oloto lakwa ne bo chi.
19
Ogeero, togosu inendet ko u ng’etundo kobunu Jordan ko kanyi beek mising’ kobargei ak meng’otet ne kim: ago achee, aone komwei inendet; ak age tugul ne kileweni, agochini koboi inendet: amu ng’o ne kegerge? Ak ng’o ne ng’atwa betut? Ak ng’o mestowot ne tononi eng’ tainnyu?
20
Ogas anyun kiruogetab Jehovah ne kigoyachi Edom; ak chobutikyik che kigochob agobo bik che menyei Teman: ichuuti ichek iman, che mengechen che bo akwetab kechirek; yaei iman meng’otenywa koek karatia agobo ichek.
21
Botani ng’ony amu cheetab kabutenywa; mi waagat, ne kegasei cheennyi eng’ Nyanjet ne Birir.
22
Ogeero, togosu inendet ak kotirireni ko u kipsichit, ak kouito kebebaikyik kotokyi Bosra: ak koigei eng’ betunoto mugulelwekab bik che nyigonen che bo Edom, muguleldab kwondo ne tinyei ng’wanindo ye machei kosigis.
23
Ng’alekab Damasko. Kagolilan Hamat, ak Arpad; amu kogogas ng’alek che yaach, kogotanuiso: mi arogenet nyanjet; maimuchi kosis.
24
Kogonyalul Damasko, kawelelgei komwei, kanam inendet botanet: kanam inendet bichiindo ak arogenosiek, ko u kwondo ye machei kosigis.
25
Katepto ano si ma kimeto nganasetab kalosunet, nganasetab boiboiyennyu!
26
Ibutos anyun neranikyik eng’ ortinwekyik, ak kigochin kosisyo murenik tugul che bo luget eng’ betunoto, mwaei Jehovah ne bo lugosiek.
27
Ak anaam mat eng’ irimetab Damasko, ak kobeel gorikab laitoriat, che bo Ben- hadad.
28
Ng’alekab Kedar, ak che bo bounatosiekab Hasor, che kibar Nebukadresar laitoriatab Babulon. Mwaei Jehovah ko u ni kole: Ong’eetye, otogoste Kedar, ak oluul lagokab kong’asis.
29
Luulei emaisiekwak ak akwotisiekwak che bo kechirek; ak koluul angokwak kobunji, ak terenikwak tugul, ak tambesikwak: ak kowaakyi, kolenji, Mi kamuiset komosta age tugul.
30
Omwei, oombenote oba ole loo, oung’ege ole ma toogu, ee okwek che omenye Hasor, mwaei Jehovah; amu kairuoch Nebukadresar laitoriatab Babulon agobo okwek, ak kagobwat ng’olyot agobo okwek.
31
Ong’eetye, otogoste ole mi bororiet ne tinyei kalyet, ne meng’isiei ama kereri met, mwaei Jehovah: ne matinyei ormarichok anan temeleiywek, che menyei ichegei.
32
Ak keluul tambesikwak, ak koek barunenik tukwak che chang’: ak aiyeste koba komoswek tugul icheget che biori metowekwak; ak aibu nyalildanywa eng’ komoswekwak, mwaei Jehovah.
33
Ak koek Hasor ole menyei lelwek, ak koek karatia koigeny: mamenyei chi oloto, ama tebe oloto lakwa ne bo chi.
34
Kinyonji ng’olyotab Jehovah maotiot Jeremia agobo Elam eng’ taunetab laitornatetab Sedekia laitoriatab Juda, kolenji,
35
Mwaei Jehovah ne bo lugosiek ko u ni kole: Keero, airie kwangetab Elam, ne o ne bo kamugenywa.
36
Ak aipchi Elam koriswek ang’wan che bunu luukwek ang’wan che bo kipsengwet, ak aiyeste ichek koba koriswechoto tugul; ama biitu bororiet ole maitei che kigion che bo Elam.
37
Ak agochi Elam koarogen eng’ taitab bunikwak, ak eng’ taitab icheget che cheng’ei sobonwekwak: ak aipchi ichek yaitiet, neregekyuk che ng’wonen, mwaei Jehovah; ak ayokte rotwetab chok kosub ichek, kot agesu:
38
ak alum ng’echerennyu ne bo laitornatet eng’ Elam, ak ang’em eng’ oloto laitoriat ak bounik, mwaei Jehovah.
39
Ago aweechi kogeny luulenikab Elam eng’ betusiek che bo let, mwaei Jehovah.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52