bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Luke 24
Luke 24
Kalenjin Bible (BUKUIT NE TILIL)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Ak eng’ betut ne bo tai ne bo wigit, ko kaeech emet, kobwa kererit, koibu nyamdutik che kiga kochob.
2
Ak kinyor ko kagemilda koita eng’ kererit.
3
Ak kiba orit, amanyor bortab Kiptaiyat Jesu.
4
Ak kingab kagerer met agobo noto, ogeero, kitonondos eng’ ye negit ichek murenik aeng’u che tinyei ngoroik che lilei bich:
5
ak kingoiyweis, kong’uruk, kotiing’e togochikwak ng’ony, kolenji ichek, Amu nee si ocheng’e ne sobei eng’ oldab che kigobek?
6
Ma komi yu, ago kagong’eet: obwat kit ne kimwawok kota komi Galili,
7
kolen kanyol kinde eunekab bikab tengek Weritab chi, ak kigartat, ak kong’eet eng’ betutab somok.
8
Kobwat anyun ng’alekyik,
9
ak koweektagei eng’ kererit, ak komwachi taman ak agenge, ak chun tugul alak.
10
Ki Maria Magdalene, ak Joana, ak Maria kametab Jakobo, ak kobogorisiek alak che kimi koboto ichek, che kimwachi che kiyoktoi tuguchoto.
11
Ak kigeer bichoto ng’alechato ko u tangoi; ak kima iyan ichek.
12
Ago king’eet Petero, ak kolabat kererit; kiing’uruk koiit orit, kogeer ngoroik ichegei; ak kwo, kokwong’oti agobo tuguk che kagoyagis.
13
Ak ogeero, kibendi aeng’u eng’ icheget betunoto nganaset age ne kiguure Emau, ne ki bandab maelisiek tisab ak nusu kong’eete Jerusalem.
14
Ak king’alaljinotegei agobo ng’alechuto tugul koyaagis.
15
Ak kingota kong’alaljinotegei ak koteebegei, korikyi Jesu ichek ak koba tugul.
16
Ago kigerogis konyekwak si manai inendet.
17
Ak kilenji ichek, Nee ng’alechu omwachinotige okwege obendi? Ak kitononso, kosiriny togochikwak.
18
Ak kiwolji age eng’ ichek, ne keguure Kleopa, kolenji, Tos i too inye eng’ Jerusalem si menai tuguk che koyaagis eng’ oloto eng’ betusiechu?
19
Ak kilenji ichek, Nee tuguchoto? Ak kilenji, Tuguk che kiyaak agobo Jesu ne bo Nasaret ne ki maotiot ne kim eng’ boisiet ak ng’olyot eng’ taitab Jehovah and eng’ bik tugul:
20
ak ko u ole kiigoito tisiik che eechen ak bounikyok si kiruokyi kiruoget ne bo meet, ak kigartat.
21
Ago kogimang’u kelen inendet ne itiachi Israel. Ee, ak koboto choto tugul ko betutab somok rani koboch ngab kobata ng’alechuto.
22
Ak kagonech kobogorisiek alak che kagimi tugul kekwong’, che kaga musta kererit;
23
ak ye kamata konyor bortanyi, kobwa, kole, kamong’ji ichek malaikaisiek, che kamwa kole, sobei inendet.
24
Ak kaba alak kererit che kami kobotech, konyor ko u noto ko u ye kaga mwa kobogorisiek: ago ma keer inendet.
25
Ak kilenji anyun bichoto, Ee, che berberen, ak ko tamusen mugulelwek kot ko mata koyan tuguk tugul che kimwa maotik!
26
Kima nyolji Kristo konyalil eng’ tuguchu, si komong’ji torornatennyi?
27
Ak kitoi koboch Musa ak maotik tugul, ak kiiarorji ichek eng’ sirutik tugul ng’alek agobo inendet.
28
Ak kingorikta nganaset ole kibendi koigei inendet ne machei kosiirto.
29
Ak kiisimji, kole, Tebi kobotech: amu karikta koimen, ak machei koratarat. Ak kiwa go kotebi tugul.
30
Ak ye kingo kagotebi ng’ony tugul koamisiei, konam makatiat, koberur, kobutul, ak kogochi ichek.
31
Ak kiyatogis konyekwak, ak konai inendet; kobetito eng’ tainywa.
32
Ak kilenjigei ichegei, Tos kama lal mat eng’ mugulelwekyok, yu kang’alalwech eng’ oret, kong’ang’wech sirutik?
33
Ak king’eetyo eng’ sainato, koweektagei Jerusalem, ak kinyor taman ak agenge ko katuiyo, ak che kimi koboto ichek,
34
kole, Kang’eet Kiptaiyat iman, ak kang’ang’jigei Simon.
35
Ak kimwachi ng’alek che kayaak eng’ oret, ak ko u ye kagonyit inendet kobutuli makatiat.
36
Ak kingota komwaei tuguchu, kotonon inendet eng’ kwenunywa, ak kolenji ichek, Ingoteb kalyet eng’ okwek.
37
Ago kiarogenso ak koiyweis, ak kilen kageer tamirmir.
38
Ak kilenji ichek, Koarogenji nee? Ak amu nee si kong’eetyo kererwekab met eng’ mugulelwekwok?
39
Ogeer eunekyuk ak kelyekyuk, ole a inendet: osapsaba, ak ogeer; amu matinyei tamirmiriet borto ak kowek, ko u yu ogeere atinye.
40
Ak ye kiga komwa ni, koborji eunekyik ak kelyekyik.
41
Ak kingo tom koyan ichek amu boiboiyet, ak kwong’et, kolenji, Otinye eng’ yu kiy ne kiamei?
42
Ak kiigochi kebebertab njiriot ne kagiwatan.
43
Ak kinam ak koam eng’ tainywa.
44
Ak kilenji ichek, Chu ko ng’alekyuk che kigamwawok, ye kingota ami kobotok, ko u ye kanyol kosulda tuguk tugul, che kigisir eng’ Ng’atutik che bo Musa, ak eng’ maotik, ak eng’ tienwogikab kalosunet, agobo ane.
45
Koyat anyun ng’omnatosiekwak, si kobiit konai sirutik;
46
ak kilenji ichek, Kigisir ko u noto, kele, nyoljin Kristo konyalil, ak kong’eet kogeny eng’ che kigobek eng’ betutab somok;
47
ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.
48
O baorinikab tuguchuto.
49
Ak ogeero, ayogu kayomisetab Baba kotebi eng’ okwek: ago otebi okwek eng’ nganaset, agoi kilaakwok kimnatet ne bunu barak.
50
Ak kiindochi ichek agoi koit Betania: ak kinamji barak eunekyik, ak koberur ichek.
51
Ak kingota koberuri ichek, kobesiegei anyun, ak kigimut kwo kipsengwet.
52
Ak kiilos inendet, ak koweektagei Jerusalem eng’ boiboindo ne o:
53
ak kimi kotugul hekalut, kolosu Jehovah.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24