Ruth 3

Kalenjin Bible (BUKUIT NE TILIL)

← Chapter 2 Jump to: Chapter 4 →

1Ak kilenji Naomi korgennyi bo yugoi, Cheptanyu, tos macheng’un ane ole imuung’e, si komieit eng’ inye?

2Tos ma bo orennyo Boas, ne kiomi ak tibikyik? Keero, iruri sairik koi kemoi eng’ ruanyut ne kiborse.

3Iunge anyun, ak iilge, ak ilaach ngoroiguk, yeityo iwe oloto mi ruanyut: ago amat iborjige chichoto, kot koges amisiet ak eeiset.

4Ak ye kagoru, igeer ye karu, iwe yoto anyun, ak ing’any kelyekyik, ak iru yoto; si komwaun kit ne kanyol iyai.

5Ak kilenji Ruth Naomi, Ayae tuguchoto tugul kemwa.

6Kichortagei anyun kwo ole mi ruanyut, kwo koyai tugul che kamwachi korgennyi bo yugoi.

7Ak ye kingo kagoamis Boas ak koee, ak kobaibait muguleldanyi, kwo koru ye boch karurugutietab bek: ak kinyo Ruth mutyo, ak kong’any kelyekyik, ak koru yoto.

8Ak kingoek kemoi kwen kosiir chichoto eng’ ruondo, ak koweeigei: ak ogeero, kiruei kwony eng’ kelyekyik.

9Ak kile, I ng’o? Ak kiwol kole, A Ruth cheptang’ung’ ne otwoget: tuge cheptang’ung’ ne otwoget ngorieng’ung’ amu i chitab oret ne negit.

10Ak kile chichoto, Ingoberurin Jehovah, cheptanyu: kaiboru mieindo ne o eng’ let kosiir eng’ taunet, amu ma isub murenik che mengech, ngo che bonon anan ngo che magore.

11Noto anyun, cheptanyu, meiywei; ayaun tugul choto kemwa: amu ingen nganaset tugul ne bo bikyuk kole, i kwondo ne tinyei atebet ne nyolunot.

12Ak iman a chitab oret ne negit: ago mitei chito age ne ta ko negit kosiira.

13Tebi kemouni, ak ngot koyaun chichoto mutai karon noto nyolunot eng’ chitab oret, ko mie noto; ko ingoyai noto nyolunot eng’ chitab oret: ago ngot ko mayaun noto nyolunot eng’ chitab oret, ayai anyun noto nyolunot eng’ chitab oret, ko u ye sobei Jehovah; ru anyun agoi koeech.

14Ak kiru eng’ kelyekyik agoi koeech; king’eet kotomo kinyit chi. Amu kile Boas, Amengonai chi kole konyo kwonyoto ruanyut.

15Ak kilenji, Ibu ngoriono ilaachi, ak itaach; ak kitaach ngorionoto: ak kigerji kerutik lo che bo sairik, ak kogesenji: yeityo kwo Boas nganaset.

16Ak kingoit Ruth ole mi korgennyi bo yugoi, komwa kole, I ng’o, cheptanyu? Ak kimwachi inendet tuguk tugul che koyachi chichoto.

17Ak kile, Kagona kerutichu lo bo sairik; amu kile, Amewe buch ole mi korgeng’ung’ bo yugoi.

18Kile anyun, Tebi cheptanyu, kot inai kie egu ng’alechato: amu maimuunyi chichoto, kot koyai kioto rani kosulda.

← Chapter 2 Jump to: Chapter 4 →

Recommended Reading

Commentary Ruth Commentaries → Devotional Ruth Devotional Guide → Get This Bible Kalenjin Bible (BUKUIT NE TILIL) Study Bible →