Ruth 4

Kalenjin Bible (BUKUIT NE TILIL)

← Chapter 3 Jump to:

1Ak kitogosta Boas kwo ormarichetab nganaset, ak koteb ng’ony eng’ yoto: ak ogeero, kinyo kobun yoto chichoto bo oret ne negit noto kimwaei Boas; inendet ne kilenji, Kale-i, nyo yu, ibuur eng’ yu. Kiwa anyun ak kobuur.

2Ak kiguur Boas boisiek taman che bo nganaset, ak kolenji, Obuur eng’ yu. Kobuur anyun.

3Yeityo kolenji Boas chitab oret ne negit, Aldoi Naomi, ne kigoweek eng’ emetab Moab, koret ne ki bo tupchennyo Elimelek:

4ak koabwat amwaun ale, Ial koronoto eng’ taitab bichu ibuuri eng’ yu, ak eng’ taitab boisiekab bikyuk. Ngot imach itiach, itiach: ago ngot ko memach itiach, imwawa, anai: amu mami age ne itiachi kobatenen; ak arubin. Ak kile, Atiachi.

5Yeityo kole Boas, Eng’ betut ne iale koronoto eng’ eutab Naomi, ko kanyol ial eng’ Ruth agine Jemoabindet, osotiotab ne kigome, si kobiit ilaalji mat ne kigome eng’ borotennyi.

6Ak kile chichoto bo oret ne negit, Mamuchi atiakyige, si mang’em borotennyu: ib imandab katiaget ne kata atiachi kobunjin; amu mamuchi atiach.

7Ki u ni biteet ne kimi Israel agobo katiaget ak agobo walet, si kigimit tuguk tugul; kiicheru chito kweiyondennyi, ak kogochi chitab kokwennyi: ak ki biteetab baornatet eng’ Israel noto.

8Kolenji anyun Boas chichoto bo oret ne negit, Aljige. Ak kiicher kweiyondennyi.

9Ak kilenji Boas boisiek, ak bik tugul, O baorinik ra, ole kaal tuguk tugul che ki bo Elimelek, ak tuguk tugul che ki bo Kilion ak che ki bo Malon, eng’ eutab Naomi.

10Kogeny, ko kaal Ruth Chemoabindet, ne ki osotiotab Malon, koek osotiondennyu, si kobiit alaalji mat eng’ bortennyi inendet ne kime, si mabet kainetab inendet ne kime eng’ tupchosiekyik, ak eng’ kurgetab oldanyi: o baorinik rani.

11Kile anyun bik tugul che kimi ormarichet, koboto boisiek, Ki baorinik. Ingoyai Jehovah kwondo ne kanyo gong’ung’ koigei Rael ak Lea, choto aeng’ che kiteech gotab Israel: ak iegu ne nyolu eng’ Eprata, ak iegu ne toogunot eng’ Bet-lehem;

12ak ingogergeit gong’ung’ ak gotab Peres, ne kisikyi Tamar Juda, eng’ keswek che tun konin Jehovah eng’ kwonyi.

13Kiimut anyun Boas Ruth, ak kiek osotiondennyi; ak kituiyogei ak inendet, ak kiigochi Jehovah komanach, ak kisich werit.

14Ak kilenji gotab kor Naomi, Iberurot Jehovah, ne ma bagakten eng’ betuni ametinye chitab oret ne negit, ak ingotook kainennyi eng’ Israel.

15Ak egu inendet ne weegun sobondang’ung’, ak koek ne bain eng’ osindang’ung’: amu kasich lakwet, osotiotab wering’ung’, ne chamin, ne kaigai eng’ inye kosiir werik tisab.

16Ak kinam Naomi lakwet ak kotiny eng’ tegennyi, ak kiek cheblakwetab lakwanato.

17Ak kitochi kainet kwonyikab kokwet che bo Naomi, kole, Kogesikyi Naomi werit, ak kiguure kainennyi Obed: inendet kwandab Jesii, kwandab Daudi.

18Chu anyun ko ortinwekab Peres: kisich Peres Hesron;

19ak kisich Hesron Ram, ak kisich Ram Aminadab;

20ak kisich Aminadab Nason, ak kisich Nason Salmon;

21ak kisich Salmon Boas, ak kisich Boas Obed;

22ak kisich Obed Jesii, ak kisich Jesi Daudi.

← Chapter 3 Jump to:

Recommended Reading

Commentary Ruth Commentaries → Devotional Ruth Devotional Guide → Get This Bible Kalenjin Bible (BUKUIT NE TILIL) Study Bible →