Titus 2

Kurdish Bible (PNU) 2016 - Peymana Nû (Încîl)

← Chapter 1 Jump to: Chapter 3 →

1Lê belê tu tiştên ku li gor hînkariya zexm e, bide hînkirin:

2Bila zilamên kalepîr di têkiliyên xwe de giran, bipîvanî, bi rastdîtin û di bawerî û hezkirin û sebrê de zexm bin.

3Mîna vêya, divê jinên pîr di kirinên xwe de ne îftirakir û ne dîlê xemrê pirr bin; lê bila bibin mamosteyên birêz, yên qenciyê;

4da ku, bona ji gotina Xwedê re neyê kufir kirin, bila pîrekên ciwan, bi awayekî, ji zarokên xwe hez bikin û ji mêrê xwe hez bikin

5û bi rastdîtin bin, dil pak, di malên xwe de bixebat bin û bengî zilamê xwe bibin, perwerde bikin.

6Mîna vêya, zilamên ciwan jî bi rastdîtinê ve bi hewes bike.

7Bi kirina ya qenc, di her babetê de ji wan re bibe mînak.

8Di hînkariya xwe de giran û durust be, gotinên rast, yên ku kes li hember nesekine bibêje ku, bila yên dijraberiyê li me dikin, gotinekî tahl di derheqê me de bibêje nebînin û bişermin.

9Dîlan, bona ku di her babetê de bengî efendiyên xwe bibin, bi hewes bike; bila bengî efendiyên xwe bibin; bêyî dana bersivek ne li cîh

10û bêyî kirina diziyê, ewledarbûna xwe bitûmî bidin xuya kirin; da ku, bila hînkariya di derheqê Xwedayê ku Xelaskarê me ye de ji her alî ve birûmet bikin.

11Ji ber ku xêra Xwedê, ji bo hemû mirovan xelasiyê anînê ve, derketiye holê;

12ew hînî me dike ku, divê em bêxwedê bûnê û azweriyên dinê red bikin,

13bi benda derketina holê û rastbûna hêviya pîroz ya bilindahiya Xwedayê bilind û Xelaskerê me Îsa Mesîh, mayînê, em di dinya niha de, li gor temkîn û bawerî û teqwayê bijîn;

14wî, xwe di oxra me de radest kir, da ku, me ji her fesadiyê ve xelas bike, safî bike û netewa xas ya ku bona karên qenc bi xîret e, bona xwe paqij bike.

15Vana bi rayedariyek tam ve bighîne û guhdaran bi xwestek û qanih bike. Bila tu kes te biçûk nebînin!

← Chapter 1 Jump to: Chapter 3 →