1 Corinthians 8

Kurdish Kurmanji Latin (Peymana Nû (Încîl))

← Chapter 7 Jump to: Chapter 9 →

1Lê niha çi ku ji pirsa qurbanêd pʼûta dikʼeve: Feʼmdarî ye ku zanebûna me her kesî jî heye. Zanebûn pʼişika mêriv diwerimîne, lê hʼizkirin ava dike.

2Heger yek tʼexmîn dike, ku ew tiştekî zane, ew rʼast hê tiştekî usa nizane çawa ku lazim e bizanibe.

3Lê heger yek Xwedê hʼiz dike, ew ji alîyê Wîva naskirî ye.

4Awa derheqa wan qurbanêd pʼûtaye ku merî dixwin: Em zanin ku pʼût heyîna xweva pʼûçʼ in û Xwedêkî din tʼune, pêştirî yekî.

5Heger bi navêd din jî xwedê hebin, yan li eʼrdê yan li eʼzmên, çawa bêhʼesab xwedê û bêhʼesab xudan hene jî,

6lê bona me tʼenê Xwedêk heye, Bav, Eʼfirandarê her tiştî, em jî bona Wî hene û tʼenê Xudanek heye, Îsa Mesîh, bi Kʼîjanî her tişt xuliqî ne û bi saya Wî em hene.

7Lê ev zanebûn cem her kesî tʼune. Hʼeta niha hê dilê hineka pey pʼûtpʼaristîyê ye, ku gava wî goştî dixwin, hʼesab dikin çawa qurbanêd pʼûta û xwe dihʼerʼimînin, çimkî îsafa xweye sistda fikara dike.

8Lê belê xwarin me li ber Xwedê nade sekinandinê. Heger em bixwin, tiştekî zêde nakin û heger nexwin, tiştekî jî kêm nakin.

9Lê haş ji xwe hebin, nebe ku ew azaya we bibe kevirek li ber nigê sista.

10Em bêjin, heger merivekî ku îsafa xweye sistda fikara dike te bibîne, wekî tu «xweyîzanebûn» î û li sifra pʼaristgeha pʼûtda rʼûniştî yî, ne ew kirê te wê dil bide wî, ku ew jî qurbanêd pʼûtpʼaristîyê bixwe?

11Û ji dest wê «zanebûna» te, birê teyî sist, bona kʼîjanî Mesîh mir, wê unda be.

12Bi vî awayî, gava tu neheqîyê li xûşk-birêd xwe dikî û îsafa wane sist birîndar dikî, li ber Mesîh neheqîyê dikî.

13Awa heger xwarin dibe kevirê li ber pʼîyê birê min, gerekê îdî tʼu car ez goşt nexwim, wekî birê xwe pʼişk nekim.

← Chapter 7 Jump to: Chapter 9 →