1 Thessalonians 3

Kuridsh Sorani (پەیمانی نوێ و زەبوورەکان بە سۆرانی)

← Chapter 2 Jump to: Chapter 4 →

1بۆیه‌ كاتێ به‌رگه‌مان نه‌گرت، به‌ باشمان زانی به‌ ته‌نها له‌ ئه‌تینۆس بمێنینه‌وه‌،

2تیماتیئوسمان نارد كه‌ برا و ڕاژه‌وانی خودای و هاوكاری ئێمه‌یه‌ له‌ ئینجیلی مه‌سیحدا، تاكو جێگیرتان بكات و بۆ باوه‌ڕتان ئامۆژگاریتان بكات،

3تاكو له‌م ته‌نگانانه‌دا كه‌س نه‌هه‌ژێت. خۆتان ده‌زانن كه‌ بۆ ئه‌مه‌ دیاری كراوین.

4چونكه‌ كاتێ له‌لاتان بووین، پێشتر پێمان ده‌ووتن كه‌ تووشی ته‌نگانه‌ ده‌بین، وه‌ک ده‌زانن ڕوویدا.

5بۆیه‌ منیش كاتێ به‌رگه‌م نه‌گرت، ناردم به‌ڵكو دۆخی باوه‌ڕتان بزانم، نه‌وه‌ک تاقیكه‌ره‌وه‌ تاقی كردبنه‌وه‌ و ڕه‌نجمان به‌فیڕۆ بچێت.

6ئێستاش تیماتیئوس له‌لای ئێوه‌ هاته‌وه‌ لامان، موژده‌ی باوه‌ڕ و خۆشویستنی ئێوه‌ی پێداین، هه‌روه‌ها چۆن هه‌رده‌م به‌ چاكه‌ یادمان ده‌كه‌ن و تامه‌زرۆی بینینمانن، وه‌ک ئێمه‌ش بۆ ئێوه‌.

7بۆیه‌ برایان، له‌ كاتی ته‌نگانه‌ و ناخۆشیمان، به‌ ئێوه‌ دڵنه‌وایی كراین، به‌هۆی باوه‌ڕتان،

8چونكه‌ ئێستا ده‌ژین، ئه‌گه‌ر ئێوه‌ له‌ په‌روه‌ردگاردا جێگیر بن.

9چ سوپاسێک بتوانین له‌به‌ر ئێوه‌ بۆ خودا بگه‌ڕێنینه‌وه‌، بۆ ئه‌م هه‌موو خۆشییه‌ی له‌به‌رده‌م خودامان به‌ ئێوه‌مان هه‌یه‌؟

10شه‌و و ڕۆژ گه‌رمتر ده‌پاڕێینه‌وه‌، تاكو ڕوخسارتان ببینین و كه‌موكوڕی باوه‌ڕتان دابین بكه‌ین.

11با خودا و باوكمان به‌خۆی و ئیشۆعی په‌روه‌ردگارمان ڕێگاكه‌مان بۆ لاتان ئاراسته‌ بكه‌ن.

12په‌روه‌ردگار خۆشویستنتان زیاد بكات بۆ یه‌كتری و بۆ هه‌مووان، وه‌ک ئێمه‌ش بۆ ئێوه‌،

13تاكو دڵتان جێگیر بێت بۆ ئه‌وه‌ی بێ گله‌یی له‌ پارساییدا بن، له‌به‌رده‌م خودا و باوكمان له‌ هاتنه‌وه‌ی ئیشۆعی مه‌سیحی په‌روه‌ردگارمان له‌گه‌ڵ هه‌موو پارساكانی.

← Chapter 2 Jump to: Chapter 4 →