1 Timothy 2

Lugbara (E’yo Siza Alatararu Munguniri BIBLIA)

← Chapter 1 Jump to: Chapter 3 →

1E’yo ’dirisi ma azi okorisi, matu, ’baza pi ’yozu ’ba driasi, zi ziza pie, awa’difo feza pie,

2opi piyisi, ’ba dria ovupi ’ba drilia ’diyi pie, kini ama ma adri e’yereru be azini asi anzuru alia, adriza ’bani ani Mungu inzizurisi inzita be dria.

3’Diri ovu onyiru azini a’izaru Mungu ama,apiri,ma milia,

4lepi ’ba dria ma ovu pazaru, azini yi ma eca e’yo adaru nizuri.

5A’disiku Mungu ovu alu, azini ’ba ’ba ecipi Mungu be tualori eri alu indi, eri’i eri ’bani, Kristo Yesu’i,

6eri i ngulupi fepi arotiru ’ba dria onzezuri; e’yo eti nzezaniri ovu kuzaru ewunini dri furia,

7’Ba ma e’yo ’diri oluzu ojiouru azini ’ba ti peleriru (ma ’yo e’yo adaru, ma lini inzo ku), ’ba ’ba jururu ’diyi, imbapi, a’ita ma alia azini e’yo adaru ma aliariru.

8E’yo ’dirisi ma le ’ba agupiru ’diyi ma zi Mungu pari dri dria, dri lalatararu ejuzu uru, adra kokoru azini agata gaza kokoru;

9dinile Oku ma ede yi rua afa suza ’yekerisi, drinza onyiru pisi asi e’yereri be; dri’bi cazasi ku, kani melesi, kani nyorosi, kani bongo aje nyapi ambo’rurisi ku indi,

10te ’yeta onyiru ’diyisi, a’disiku e’yo ’diyi si oku e’dapi yi ’ba Mungu inzipi ’diyiru ’diyi si si.

11Oku ma oni e’yo asi i e’yeresi inzita dria ma alia.

12Te ma a’ini oku ma imba ’ba ku, eri ma ce agupi ma dri ku; te eri ma ovu je,yere.

13’Ba ndra Adamuni oko, vilerisi Eva’i;

14icini ndra Adamuni ku, te oku nde ovupi icizaruri e’de lezata ma aliani.

15Te eri nga ovu pazaru e’yo mva osizanisi, yi ka ovu a’ita pi ma alia ’dani, leta pie, asi alatararu pie, asi e’yeresi.

← Chapter 1 Jump to: Chapter 3 →